Батлейка

У Петра-Паўлаўскім прыходзе Кобрына з'явіўся батлеечны тэатр

44
Ідэя адраджэння старадаўняга віду царкоўнага мастацтва належыць энтузіястам з ліку вернікаў.

МІНСК, 21 сак — Sputnik. Некалькі энтузіястаў з ліку вернікаў Петра-Паўлаўскага храма горада Кобрына вырашылі адрадзіць старадаўні від хрысціянскага мастацтва — лялечны тэатр-батлейку, паведамляе афіцыйны сайт Беларускай праваслаўнай царквы.

Першым спектаклем у фармаце батлейкі стала "Казанне пра Нараджэнне Хрыстова і пра злога вераломнага цара Ірада".

Прэм'ера спектакля адбылася 6 сакавіка ў Петра-Паўлаўскім храме для навучэнцаў нядзельнай школы і іх бацькоў. 12 сакавіка батлейка наведала сярэднюю школу № 3, дзе было паказана два спектаклі для вучняў 4-х і 6-х класаў. А 13 сакавіка, у Даравальную нядзелю, лялечную пастаноўку змаглі ўбачыць выхаванцы нядзельнай школы ў вёсцы Залессе.

Батлейка (ад польск. Betleem — Віфлеем) — беларускі народны тэатр лялек, які атрымаў пашырэнне з XVI стагоддзя. Сюжэты спектакляў у большасці былі звязаны з біблейскай тэматыкай. Зараз перажывае перыяд адраджэння.

44
Тэги:
Гісторыя, Праваслаўе, Рэлігія, Мастацтва, Беларусь
Тэмы:
Жыццё, аздобленае традыцыямі, радуе (9)
Кола часу – 2020

Унікальныя матацыклы паказалі на фестывалі ў Мірскім замку фота

29
(абноўлена 12:05 03.08.2020)
Госці фестывалю рэтрамотатэхнікі "Кола часу" змаглі ўбачыць сапраўды неверагодныя экспанаты. Патрапіў на свята і фотакарэспандэнт Sputnik Альфрэд Мікус.

У мінулыя выхадныя ў Мірскім замку прайшоў фестываль рэтрамотатэхнікі "Кола часу", на якім удзельнікі прадставілі каля сотні самых розных мадэляў. Галоўнае патрабаванне да экспанатаў – узрост больш за 30 гадоў.

Кола часу – 2020
© Sputnik Альфрэд Мікус
Кола часу – 2020
Кола часу – 2020
© Sputnik Альфрэд Мікус
Кола часу – 2020
Кола часу – 2020
© Sputnik Альфрэд Мікус
Кола часу – 2020

Свята ў гэтым годзе прайшло ў восьмы раз. Сярод усіх мадэляў асаблівую ўвагу надалі матацыклам "Мінск", таму што ў гэтым годзе Мотавелазавод святкуе сваё 75-годдзе.

Кола часу – 2020
© Sputnik Альфрэд Мікус
Кола часу – 2020
Кола часу – 2020
© Sputnik Альфрэд Мікус
Кола часу – 2020

Аматары рэтратэхнікі маглі не толькі дакрануцца да ўнікальных матацыклаў, але і паспрабаваць сябе ў якасці вадзіцеляў.

Кола часу – 2020
© Sputnik Альфрэд Мікус
Кола часу – 2020
Кола часу – 2020
© Sputnik Альфрэд Мікус
Кола часу – 2020

Акрамя Міра ўдзельнікі фестываля наведалі замкі ў Любчы і Навагрудку.

29
Тэги:
Матацыклы і мапеды, Мірскі замак
Агуркі, архіўнае фота

Нават верабей варыць піва, або Чым займаюцца ў жніўні сапраўдныя гаспадары

124
(абноўлена 11:34 30.07.2020)
Этнограф Ларыса Мятлеўская расказвае, чым займаліся ў жніўні нашы продкі, і прапануе некалькі рэцэптаў хатніх нарыхтовак з агуркоў.

У народзе кажуць, што "ў жніўні кожная хата багата", а ўраджаі настолькі добрыя, што "нават верабей піва варыць". Добрыя гаспадары ў гэтую пару і сапраўды маюць добры ўраджай — зямля дзякуе чалавеку за вясновую працу на ёй. Застаецца толькі не марнаваць час і збіраць дары прыроды, бо "хто ў жніўні гуляе, той узімку галадае".

Нарыхтоўка прыпасаў на зіму — спрадвечны клопат гаспадароў. Нягледзячы на тое, што зараз гандль прапануе досыць шырокі асартымент кансерваў з садавіны і гародніны, многія спрактыкаваныя гаспадыні аддаюць перавагу хатнім нарыхтоўкам.  Самыя ўдалыя рэцэпты перадаюцца з пакалення ў пакаленне і нават дзеляцца з суседкамі.

Старадаўнія рэцэпты ды і ўвогуле ўся кухня мінулага вельмі экалагічная, грунтуецца на выкарыстанні натуральных прадуктаў ды і спосабы прыгатавання вельмі простыя. Сёння гэты накірунак вельмі модны — прыгатаванне ежы сваімі рукамі з натуральных прадуктаў.

Жнівень — агурочная пара

З сакавітых, смачных агуркоў можна прыгатаваць шмат нарыхтовак па старадаўнім рэцэптам з беларускіх кулінарных кніг Ганны Цюндзявіцкай і Вінцэнты Завадскай.

Салёныя агуркі беларусы любяць!
© Photo : Ларыса Мятлеўская
Салёныя агуркі беларусы любяць!

Адзінымі кансервантамі раней былі толькі соль і воцат. Стравы салілі памяркоўна, ўжываючы для лепшага смаку вялікую колькасць спецый. Часам спосабы прыгатавання падаюцца без дазіровак, паколькі гаспадыні адштурхоўваліся ад колькасці асноўнага прадукта. Натуральна, што каменны і керамічны посуд, якім карысталіся тагачасныя гаспадыні, лёгка замяніць на сучасны шкляны. Пузыр таксама цяпер ніхто не ўжывае, замест яго выкарыстоўваюць капронавыя крышкі.

Для прыгатавання ўсіх гэтых рэцэптаў, солі бяруць чвэрць фунта на фунт вады. Фунт — гэта 409,5 гр. Можна таксама выкарыстоўваць самаробны яблычны воцат.

Агуркі гарчычныя на зімовую салату да кавалка мяса

Інгрыдыенты:

  • Агуркі
  • Соль
  • Воцат
  • Белы і чорны перац
  • Англійскі (духмяны) перац
  • Гваздзіка
  • Хрэн
  • 2-3 цыбуліны
  • 2 зубкі часнаку
  • 50 гр чорнай гарчыцы

Як гатаваць:

Абабраныя зялёныя свежыя агуркі нарэзаць уздоўж на чатыры або больш частак, лыжачкай вынять зярняткі, крыху пасаліць і пакінуць на 24 гадзіны. Вынуць, пацерці асцярожна ў сурвэтцы, пакласці ў гліняную, паліваную ёмістасць, закіпяціць столькі воцату, каб пакрыў агуркі, заліць кіпячым воцатам і пакінуць на 2 дні. Зліць з іх гэты воцат і заліць кіпячым, зноў даць пастаяць 2 дні і зноў зліць.

Чорны перац
© Photo : Ларыса Мятлеўская
Чорны перац

Узяць трохі белага і чорнага перцу, столькі ж гваздзікі і трохі больш англійскага перцу, усё гэта досыць груба стаўчы. Пасля гэтага трэба пасячы ці пацерці на бурачную цёрку трохі хрэну, пару цыбулін, зубок-два часнаку і 50 гр чорнай гарчыцы. Агуркі, вынятыя з воцату, абкачаць у сумясі прыпраў, скласці іх у каменны ці паліваны гаршчок або шкляны слоік з герметычнай накрыўкай, пасыпаючы вышэй згаданым хрэнам, цыбуляй і часнаком, заліць моцным кіпячым, калі ёсць,можна вінным, воцатам, добра закрыць і захоўваць у холадзе.

Агуркі да смажаніны позняй восенню

Інгрыдыенты:

  • Агуркі
  • Воцат

Як гатаваць:

Ачышчаныя і накрышаныя кружочкамі агуркі заліць у керамічным посудзе не вельмі моцным воцатам. Папярэдне воцат трэба закіпяціць і астудзіць. Пакінуць так на некалькі тыдняў і назіраць, каб не зацвілі. Калі такое здарыцца, то неабходна зліць воцат і заліць гэткім жа свежым і абодва разы зверху яшчэ алеем.

Града з агуркамі
© Sputnik Ларыса Мятлеўская
Града з агуркамі

Падаючы на стол, агуркі варта ачысціць і абліць свежым воцатам і алеем.

Гарбузы для пікуляў

Інгрыдыенты:

  • Гарбуз
  • Воцат
  • Англійскі і чорны перац
  • Гваздзіка
  • Бабковы (лаўровы) ліст
  • Соль

Як гатаваць:

Узяць спелы гарбуз, абабраць і пачысціць ад семак, выразаць з яго мякаці прыгожыя фігуркі або проста пакрышыць як падабаецца.

Крышаны гарбуз
© Photo : Ларыса Мятлеўская
Крышаны гарбуз

Пракіпяціць іх у добра пасоленай вадзе, сочачы, каб не разварыліся. Адкінуць на дуршлаг, астудзіць, скласці ў керамічны або шкляны посуд і заліць слабым, пракіпячоным і астуджаным, воцатам. Праз некалькі тыдняў гэты воцат належыць змяніць на моцны, астуджаны і згатаваны з духмянымі прыправамі — англійскі і чорны перац, гваздзіку, бабковы ліст.

Эксперыментуйце і смачна есці!

124
Тэги:
Рэцэпты, Нацыянальная кухня, Ларыса Мятлеўская, Беларусь
По теме
Прыродная сталоўка: гатуем з таго, што пад нагамі
Таблетка ад страху і абярэг ад нячысцікаў: чым яшчэ праславіўся часнок
Кухня нашых продкаў: як гатаваць прываротнае зелле і любімы соус Гётэ
У гародзе лебяда — гаспадыні не бяда, ці як гатаваць пірог з пустазелля
Датэрміновае галасаванне на выбарах прэзідэнта 2020 у Гомельскай вобласці

Лукашэнка вырашыў праверыць законнасць альтэрнатыўнага падліку галасоў

0
(абноўлена 12:36 06.08.2020)
У Беларусі стартавала грамадская ініцыятыва па падліку галасоў выбаршчыкаў, якая закліканая забяспечыць празрыстасць падліку галасоў на выбарах прэзідэнта.

МІНСК, 6 жні - Sputnik. Неабходна даць прававую ацэнку альтэрнатыўнага падліку галасоў на выбарах кіраўніка дзяржавы, заявіў прэзідэнт Беларусі ў Палацы Незалежнасці ў ходзе спецыяльнай нарады, прысвечанай пытанням бяспекі падчас выбараў.

"Яшчэ адна тэма, якая ўсплыла, гэта альтэрнатыўны падлік галасоў у дзень выбараў. І Генеральнай пракуратуры, і судам варта даць ацэнку законнасці падобных ініцыятыў. У судах, калі такія звароты туды паступяць", - цытуе Лукашэнку БелТА.

На думку прэзідэнта, усе беларусы, якія прыйшлі на выбарчыя ўчасткі, павінны мець магчымасць зрабіць гэта ў спакойнай і святочнай абстаноўцы, не баючыся, што хтосьці ўмяшаецца ў свабоднае волевыяўленне.

Дадатковыя меры бяспекі

"Зразумела, што выбары пачаліся, датэрміновае галасаванне ідзе, але будзе нялішнім з улікам вопыту на сённяшні дзень яшчэ раз ацаніць бягучую сітуацыю і, калі спатрэбіцца, выпрацаваць дадатковыя меры па забеспячэнні бяспекі на бліжэйшы перыяд", - канстатаваў кіраўнік дзяржавы.

Пры гэтым ён звярнуў увагу, што абстаноўка уладам вядомая, але разам з тым ёсць і новыя фактары, таму чыноўнікам трэба прапанаваць рашэнні па гэтых пытаннях.

Лукашэнка нагадаў сілавому блоку аб пастаўленай раней задачы - прыцягнуць да адказнасці ўсіх, хто агучыў пагрозы ў адрас дзяржаўных служачых у адпаведнасці з айчынным заканадаўствам.

"У нас дастаткова рэсурсаў, каб абараніць людзей дзяржавы, якія сёння фактычна бясплатна, бязвыплатна працуюць на краіну", - падкрэсліў ён.

Як кантралююць ход выбараў

Асноўнымі інструментамі кантролю на выбарах-2020 застаюцца назіральнікі. Выбаркамамі акрэдытавана больш як 48 тысяч нацыянальных назіральнікаў, якія прадстаўляюць розныя платформы і кірункі: ад "Белай Русі" да ініцыятывы "Сумленныя людзі". Таксама накіраваныя ў Беларусь і замежныя назіральнікі: ад выканаўчага камітэта СНД і міжпарламенцкай асамблеі СНД.

Альтэрнатыўны метад кантролю за выбарамі з'явіўся ўпершыню на гэтых выбарах. Платформу "Голас" стварылі на спецыяльным хатаконе: пры дапамозе месенджараў распрацоўшчыкі прапануюць выбаршчыкам адправіць фатаграфіі сваіх бюлетэняў, каб ажыццявіць незалежны падлік галасоў. Як заяўляла кіраўнік ЦВК Лідзія Ярмошына, пытанне фатаграфавання бюлетэняў заканадаўствам не рэгулюецца, аднак публікацыя такіх здымкаў да закрыцця участкаў можа быць расцэненая як агітацыя.

Працэс будзе забяспечаны

Беларускі прэзідэнт запэўніў, што самым уважлівым чынам назірае за сітуацыяй, якая разгортваецца вакол датэрміновага галасавання ў ходзе выбарчай кампаніі.

"Годна, прыгожа ідуць людзі. Нікому не замінаюць. Хтосьці на дачу хоча паехаць у выхадныя дні, нехта туды, хтосьці сюды. Як звычайна. Мы ж не па пошце галасуем, як у некаторых дзяржавах", - адзначыў Лукашэнка.

Пасля чаго рэзюмаваў, што ў рэспубліцы ёсць для галасавання ўчасткі, дзе праходзіць волевыяўленне. Беларусы ідуць на іх і аддаюць свае галасы.

"І мы павінны забяспечыць гэты працэс", - заклікаў чыноўнікаў кіраўнік дзяржавы.

ЦВК зарэгістраваў кандыдатамі ў прэзідэнты пецярых прэтэндэнтаў. Экс-банкіру Віктару Бабарыку і былому кіраўніку ПВТ Валерыю Цапкалу ў рэгістрацыі было адмоўлена.

У выбарчыя бюлетэні патрапілі імёны Андрэя Дзмітрыева, Ганны Канапацкой, Аляксандра Лукашэнкі, Сяргея Чарэчня і Святланы Ціханоўскай. Галасаванне на выбарах кіраўніка дзяржавы адбудзецца 9 жніўня.

0
Тэги:
Аляксандр Лукашэнка, Выбары
Тэмы:
Выбары прэзідэнта Беларусі - 2020