Мінск, 1 жні — Sputnik. Новая скульптура з'явіцца на плошчы Свабоды ў цэнтры Мінска ў верасні, распавёў на нарадзе ў Мінгарвыканкаме дырэктар КУП "Мінская спадчына" Павел Шыкунец.
Дзень горада сёлета адзначаць на тыдзень пазней, чым звычайна праз правядзенне парламенцкіх выбараў. Асноўныя мерапрыемствы прызначаныя на 17 і 18 верасня.
Сярод святочных падзей — усталяванне скульптурнай кампазіцыі "Жыхары Мінска XIX стагоддзя: кампазітар Станіслаў Манюшка і драматург Вінцэнт Дунін-Марцінкевіч — стваральнікі беларускай нацыянальнай оперы".
"У жніўні ў Верхнім горадзе адбудуцца чатыры фестывалі нацыянальных культур: польскай, карэйскай, украінскай культуры і грузінскае свята "Тбілісоба" з правядзеннем майстар-класаў і арганізацыяй канцэртаў", — адзначыў Шыкунец, яго словы прыводзяцца на сайце гарадской адміністрацыі.
Таксама ўжо ўзгоднены праект рашэння па стварэнні пешаходнай зоны на тэрыторыі плошчы Свабоды, у тым ліку ў буднія дні. У той жа час чыноўнікі абяцаюць: праблем для транспарту ў цэнтры сталіцы не будзе. Калі Мінгарвыканкам прыме рашэнне аб пешаходнай зоне — пакуль невядома.
