Замкавая гара ў Навагрудку пад пагрозай абвалу

© SputnikЗамкавая гара ў Навагрудку пад пагрозай абвалу
Замкавая гара ў Навагрудку пад пагрозай абвалу - Sputnik Беларусь
Падпісацца
Маштабныя працы па кансервацыі і ўмацаванню Замкавай гары ў Навагрудку былі праведзены ў 2013 годзе ў межах дзяржаўнай праграмы "Замкі Беларусі".

МІНСК, 2 мая — Sputnik. Напрыканцы красавіка на Замкавай гары адбыўся найбуйнейшы апоўзень, які зараз пагражае Касцельнай вежы і рэшткам сярэднявечных фартыфікацыйных умацаванняў.

Першыя расколіны на гары заўважылі яшчэ ў маі мінулага года. Грунт пачаў прасядаць у Касцельнай вежы. Працы па ўмацаванні і кансервацыі гары і ўмацаванняў замка праводзіліся зімой 2013 года ААТ "Белрэстаўрацыя", на рахунку якога ўжо Мірскі і Нясвіжскі замак.

Тады схіл гары быў умацаваны па спецыяльнай тэхналогіі. Рэстаўратары прабурылі каля сотні свідравін, якія былі запоўнены адмысловым растворам.

© Sputnik / Сергей ПушкинРуіны навагрудскага замку
Руины Новогрудского замка видели немало трагедий - Sputnik Беларусь
Руіны навагрудскага замку

Рэалізаваны праект выклікаў шмат спрэчак у экспертным асяроддзі, а над вынікамі праведзеных работ цяпер і зусім навісла пагроза.

Беларусь рызыкуе страціць знакавы ў сваёй гісторыі помнік. Навагрудскі замак — гэта не проста гістарычная каштоўнасць, а першая сталіца Вялікага Княства Літоўскага, з якім непарыўна звязана гісторыя беларускага народа.

Гара Гедыміна таксама пад пагрозай

Падобная праблема паўстала ў Вільні ў лютым гэтага года з нацыянальным сімвалам — гарой Гедыміна. Маштабны апоўзень пад вежай Гедыміна агаліў канструкцыі, якімі раней спрабавалі ўмацаваць схілы горы.

Спецыялісты кажуць аб тым, што прычынай разбурэнняў сталі грунтавыя вады, якія змянілі сваю працягу. У цяперашні час распрацаваны праект па выратаванні гістарычнага здабытку. Усяго на аднаўленчыя работы выдзелена 800 тысяч еўра.

© Photo : Национальный музей ЛитвыАрхеолагі працуюць ля гары Гедыміна
Археологи работают на горе Гедимина - Sputnik Беларусь
Археолагі працуюць ля гары Гедыміна

Рэстаўрацыйныя працы ў Вільні павінны пачацца ў траўні гэтага года. Пры гэтым паведамляецца, што працы будуць праведзены згодна з сертыфікаваным тэхналогіях, якія гарантуюць захаванне ўнікальнага аб'екта.

Вежа Гедыміна — на сённяшні дзень адзіная ацалелая частка Верхняга замка некалі сталіцы Вялікага Княства Літоўскага. Сёння вежа мае вялікае сімвалічнае значэнне ў гісторыі сучаснай Літвы. Яна стала своеасаблівым сімвалам Вільні і незалежнай Літвы. Менавіта на ёй упершыню ў студзені 1919 года быў узняты сцяг суверэннай літоўскай рэспублікі.

Стужка навiн
0