Свята народнай творчасці Вясновы букет

Свята "Вясновы букет" сабрала лепшых майстроў з усёй краіны

311
(абноўлена 23:51 23.05.2017)
Сёлета спаўняецца 25 гадоў Беларускаму саюзу майстроў народнай творчасці, з гэтай нагоды свята майстроў і рамеснікаў "Вясновы букет" упершыню праходзіла ў цэнтры Мінска.

МІНСК, 22 мая — Sputnik. У Верхнім горадзе ў суботу стракатала ў вачах ад яркіх фарбаў — народныя майстры з'ехаліся з усёй Беларусі, каб прадставіць публіцы свае працы і вырашыць, які рэгіён лепшы.

Сумныя вясельныя каты ручной працы
© Sputnik Юлія Хвошч
Сумныя вясельныя каты ручной працы

Кірмаш праходзіў у дзевяты раз, на яго з'ехалася каля 400 майстроў з розных рэгіёнаў Беларусі, на пляцоўцы ля ратушы былі прадстаўлены ўсе вобласці. Характэрна, што гэтым разам фестываль упершыню прайшоў у Верхнім горадзе, што стала добрым падарункам Беларускаму саюзу майстроў з нагоды юбілею.

Рэспубліканскі фестываль майстроў і рамеснікаў прайшоў у Верхнім горадзе — >> відэа

Юная майстрыца з Валожынскага раёна
© Sputnik Юлія Хвошч
Юная майстрыца з Валожынскага раёна

"Рэспубліканскі фестываль-кірмаш рамёстваў "Вясновы букет" ладзіцца апошнім часам штогод напрыканцы мая ў Мінску. Сёлета ён праходзіць у цэнтры горада, да гэтага праходзіў у Лошыцкім парку, але майстры папрасілі, каб мерапрыемства наведала як мага больш людзей. Калі гарадскія ўлады ўбачылі, якое гэта прыгожае свята, вырашылі зладзіць яго ў цэнтры Мінска", — распавёў карэспандэнту Sputnik старшыя Беларускага саюза майстроў народнай творчасці Яўген Сахута. 

Свята народнай творчасці Вясновы букет у Верхнім горадзе
© Sputnik Юлія Хвошч
Свята народнай творчасці "Вясновы букет" у Верхнім горадзе

Цягам усяго дня ладзіўся конкурс — майстры змагаліся ў дзевяці намінацыях. Арганізатары вырашылі зрабіць так, каб ні адна вобласць Беларусі не была пакрыўджана і не засталася без узнагароды, бо ў кожнай з іх ёсць нейкая адметнасць, якую варта адзначыць.

На свяце былі прадстаўлены ўсе віды рамёстваў
© Sputnik Юлія Хвошч
На свяце былі прадстаўлены ўсе віды рамёстваў

Святочны кірмаш распачаў сваю працу а 10-й раніцы і працаваў да 17 гадзін. Мерапрыемства было аздоблена музычнай праграмай ад беларускіх фальклорных калектываў. У Верхнім горадзе былі прадстаўлены ўсе віды беларускіх народных рамёстваў, промыслаў і відаў дэкаратыўна-прыкладнога мастацтва.

"Тут прадстаўлены літаральна ўсе віды беларускіх рамёстваў, у тым ліку і тыя, што былі адроджаны Беларускім саюзам майстроў з нуля — гліняная цацка, выцінанка, кавальства, нізанне бісерам, апрацоўка бяросты — усе гэтыя віды рамёстваў у савецкія часы практычна не існавалі, і мы іх адрадзілі", — распавёў старшыня Беларускага саюза майстроў.

Са слоў Яўгена Сахуты, адноўленыя віды промыслаў сёння ўжо выступаюць не як бытавыя з'явы, а як творы мастацтва і выдатныя беларускія сувеніры. Некаторыя з іх, да прыкладу, роспіс па дыванах, трапілі у спіс нематэрыяльнай спадчыны.

Госць фестывалю вывучае прыклады гальванапластыкі
© Sputnik Юлія Хвошч
Госць фестывалю вывучае прыклады гальванапластыкі

"Традыцыйныя рамёствы сёння атрымалі новае жыццё ў сувязі з шырокай цікавасцю грамадскасці да забытых відаў народнай творчасці", — распавёў Яўген Сахута.

Фестываль сабраў каля 400 майстроў з усіх рэгіёнаў Беларусі
© Sputnik Юлія Хвошч
Фестываль сабраў каля 400 майстроў з усіх рэгіёнаў Беларусі

Кожны прылавак быў адметны — сваёй тэматыкай, каларытам, унікальным афармленнем. Карэспандэнта Sputnik прывабіла лаўка з тканымі дамавікамі і лялькамі.

"Гэта лялька-Манілка. Яна вабіць добрых жаніхоў да дзяўчыны і дапамагае ўтрымаць каханага. У старадаўнія часы іх выстаўлялі на акно, каб маладыя хлопцы бачылі, што тут жыве нявеста. Каб абярэг пачаў дзейнічаць, дзяўчыне варта прышыць да спадніцы лялькі ўласны гузік, інакш жаніх можа пераблытаць дзяўчын і прывабіцца да іншай", — распавяла Ганна, майстар па ляльках з Пухавіцкага раёна.

Лялька-Манілка вабіць добрых жаніхоў і дапамагае ўтрымаць каханага
© Sputnik Юлія Хвошч
Лялька-Манілка вабіць добрых жаніхоў і дапамагае ўтрымаць каханага

Часам ля гандляроў адбывалася сапраўднае дзейства — жанчыны вышывалі і спявалі народныя песні аўтэнтычным шматгалоссем, майстры па бяросце выраблялі кошыкі, майстрыцы ткалі на станках, некаторыя станкі былі самаробнымі.

Майстар-клас па ткацтву паясоў ад Бярэзінскага раёна
© Sputnik Юлія Хвошч
Майстар-клас па ткацтву паясоў ад Бярэзінскага раёна

"Я раблю паясы з дапамогай дошчачак — так спадручней, ніткі не блытаюцца. Але гэты від ткацтва патрабуе шмат цярпення", — распавяла майстрыца з Бярэзінскага раёна.

Майстар-клас па пляценні з саломкі ад Алы Аўсяннікавай
© Sputnik Юлія Хвошч
Майстар-клас па пляценні з саломкі ад Алы Аўсяннікавай

Шмат майстроў адначасова з гандлем давалі майстар-класы — кожны наведвальнік фестывалю меў магчымасць прысесці, узяць у рукі пучок саломы ці камячок гліны і самому паспрабаваць зрабіць сабе сувенір. Усе прадстаўленыя сувеніры былі ручной працы, але кошты на іх былі таннымі, нават, сімвалічнымі. 

311
Тэги:
Народная творчасць, Нацыянальная культура, Беларускі саюз майстроў народнай творчасці, Верхні горад, Мінск

Як жыве сядзіба Бохвіцаў у вёсцы Флер'янава - фота

10
(абноўлена 18:05 07.08.2020)
  • Невялічкая вёска Флер'янава знаходзіцца ў Ляхавіцкім раёне Брэсцкай вобласці.
  • Менавіта тут у свае часы квітнела сядзіба Бохвіцаў.
  • Гэтая сядзіба - адна з нямногіх, што захаваліся на Беларусі ў добрым стане.
  • Гісторыя сядзібы пачалася ў 60-ых гадах XIX стагоддзя, калі Ян Атон Бохвіц прыехаў сюды пасла года ў астрогу, які атрымаў за ўдзел у паўстанні Кастуся Каліноўскага.
  • Ён вельмі паважаў свайго бацьку Фларыяна, таму змяніў назву маёнтка з Новых Вошкаўцаў на Фларыянава, якое з цягам часу стала Флер'янавым.
  • Развіццём сядзібы ўвесь час займаўся Ян: у лепшыя часы тут налічвалася 19 пакояў, а асаблівай гордасцю была крокетная пляцоўка і вялікая колькасць экзатычных раслін.
  • У летнія часы Ян запрашаў сюды тых, хто хоча адпачыць: за грошы можна было пажыць у адным з пакояў.
  • На пачатку XX стагоддзя тут бывалі пісьменнік і будучы Нобелеўскі лаўрэат Уладзіслаў Рэймант, Рэйтаны, Радзівілы і пісьменніца Алаіза Ажэшка.
  • Дарэчы, Алаіза Ажэшка прыехала ў сядзібу ўлетку 1908 года і засталася тут на год. Яна сябравала з сынам Яна Тадэўшам.
  •  Каханыя пісалі адзін аднаму кранальныя лісты, якія пасля смерці пісьменніцы былі надрукаваныя ў адным томе з 300 старонак.
  • Сёння флер'янаўская сядзіба - гэта цагляны франтон з неагатычнымі вокнамі, які хавае драўляны будынак.
  • У 2012 годзе гэтае месца выкупіў пенсіянер і былы старшыня Генрых Міхайлавіч Траццяк. Зараз разам са сваёй жонкай Ларысай Паўлаўнай ён за ўласныя сродкі аднаўляе сядзібу...
  • ... і праводзіць экскрусіі для рэдкіх гасцей.
  • Сядзіба захавалася дастаткова добра.
  • Траццякі аднаўляюць усё за ўласныя сродкі.
  • Турыстаў тут пакуль няшмат, але ўсіх сустракаюць з радасцю.
  • Сядзіба Бохвіцаў у вёсцы Флер'янава Ляхавіцкага раёна
Зараз сядзібу ў добрым стане за ўласныя сродкі падтрымлівае былы старшыня мясцовага калгаса Генрых Траццяк разам з жонкай. Яны і правялі экскурсію для фотакарэспандэнта Sputnik Альфрэда Мікуса.

Невялічкая вёска Флер'янава знаходзіцца ў Ляхавіцкім раёне Брэсцкай вобласці. Менавіта тут у свае часы квітнела сядзіба Бохвіцаў, куды на мяжы XIX-XX стагоддзя з'язджаліся беларускія і польскія літаратары. Наведваўся сюды і будучы лаўрэат Нобелеўскай прэміі па літаратуры Уладзіслаў Рэймант і пісьменніца Элаіза Ажэшка. Магчыма, гэта і выратавала сядзібу ад разбурэння, якое стала лёсам для шматлікіх гістарычных помнікаў краіны.

Гісторыя сядзібы пачалася ў 60-ых гадах XIX стагоддзя, калі Ян Атон Бохвіц прыехаў сюды пасла года ў астрогу, які атрымаў за ўдзел у паўстанні Кастуся Каліноўскага. Ён вельмі паважаў свайго бацьку Фларыяна, таму змяніў назву маёнтка з Новых Вошкаўцаў на Фларыянава, якое з цягам часу стала Флер'янавым.

Развіццём сядзібы ўвесь час займаўся Ян: у лепшыя часы тут налічвалася 19 пакояў, а асаблівай гордасцю была крокетная пляцоўка і вялікая колькасць экзатычных раслін.

Сёння флер'янаўская сядзіба - гэта цагляны франтон з неагатычнымі вокнамі, які хавае драўляны будынак. У 2012 годзе гэтае месца выкупіў пенсіянер і былы старшыня Генрых Міхайлавіч Траццяк. Зараз разам са сваёй жонкай Ларысай Паўлаўнай ён за ўласныя сродкі аднаўляе сядзібу і праводзіць экскрусіі для рэдкіх гасцей.

У спісе наведвальнікаў аказаўся фотакарэспандэнт Sputnik Альфрэд Мікус. Як зараз выглядае сядзіба Бохвіцаў, глядзіце ў фотастужцы Sputnik.

Глядзіце таксама:

  • Як аднаўляюць сядзібу Наркевічаў-Ёдкаў - фота
  • Ад знакамітага малочнага брэнда да руінаў: як развальваецца Старая Беліца
  • Святыня, якой пашанцавала? Чым зараз жыве Юравіцкі манастыр
10
  • Невялічкая вёска Флер'янава знаходзіцца ў Ляхавіцкім раёне Брэсцкай вобласці.
    © Sputnik Альфред Микус

    Невялічкая вёска Флер'янава знаходзіцца ў Ляхавіцкім раёне Брэсцкай вобласці.

  • Менавіта тут у свае часы квітнела сядзіба Бохвіцаў.
    © Sputnik Альфред Микус

    Менавіта тут у свае часы квітнела сядзіба Бохвіцаў.

  • Гэтая сядзіба - адна з нямногіх, што захаваліся на Беларусі ў добрым стане.
    © Sputnik Альфред Микус

    Гэтая сядзіба - адна з нямногіх, што захаваліся на Беларусі ў добрым стане.

  • Гісторыя сядзібы пачалася ў 60-ых гадах XIX стагоддзя, калі Ян Атон Бохвіц прыехаў сюды пасла года ў астрогу, які атрымаў за ўдзел у паўстанні Кастуся Каліноўскага.
    © Sputnik Альфред Микус

    Гісторыя сядзібы пачалася ў 60-ых гадах XIX стагоддзя, калі Ян Атон Бохвіц прыехаў сюды пасла года ў астрогу, які атрымаў за ўдзел у паўстанні Кастуся Каліноўскага.

  • Ён вельмі паважаў свайго бацьку Фларыяна, таму змяніў назву маёнтка з Новых Вошкаўцаў на Фларыянава, якое з цягам часу стала Флер'янавым.
    © Sputnik Альфред Микус

    Ён вельмі паважаў свайго бацьку Фларыяна, таму змяніў назву маёнтка з Новых Вошкаўцаў на Фларыянава, якое з цягам часу стала Флер'янавым.

  • Развіццём сядзібы ўвесь час займаўся Ян: у лепшыя часы тут налічвалася 19 пакояў, а асаблівай гордасцю была крокетная пляцоўка і вялікая колькасць экзатычных раслін.
    © Sputnik Альфред Микус

    Развіццём сядзібы ўвесь час займаўся Ян: у лепшыя часы тут налічвалася 19 пакояў, а асаблівай гордасцю была крокетная пляцоўка і вялікая колькасць экзатычных раслін.

  • У летнія часы Ян запрашаў сюды тых, хто хоча адпачыць: за грошы можна было пажыць у адным з пакояў.
    © Sputnik Альфред Микус

    У летнія часы Ян запрашаў сюды тых, хто хоча адпачыць: за грошы можна было пажыць у адным з пакояў.

  • На пачатку XX стагоддзя тут бывалі пісьменнік і будучы Нобелеўскі лаўрэат Уладзіслаў Рэймант, Рэйтаны, Радзівілы і пісьменніца Алаіза Ажэшка.
    © Sputnik Альфред Микус

    На пачатку XX стагоддзя тут бывалі пісьменнік і будучы Нобелеўскі лаўрэат Уладзіслаў Рэймант, Рэйтаны, Радзівілы і пісьменніца Алаіза Ажэшка.

  • Дарэчы, Алаіза Ажэшка прыехала ў сядзібу ўлетку 1908 года і засталася тут на год. Яна сябравала з сынам Яна Тадэўшам.
    © Sputnik Альфред Микус

    Дарэчы, Алаіза Ажэшка прыехала ў сядзібу ўлетку 1908 года і засталася тут на год. Яна сябравала з сынам Яна Тадэўшам.

  •  Каханыя пісалі адзін аднаму кранальныя лісты, якія пасля смерці пісьменніцы былі надрукаваныя ў адным томе з 300 старонак.
    © Sputnik Альфред Микус

    Каханыя пісалі адзін аднаму кранальныя лісты, якія пасля смерці пісьменніцы былі надрукаваныя ў адным томе з 300 старонак.

  • Сёння флер'янаўская сядзіба - гэта цагляны франтон з неагатычнымі вокнамі, які хавае драўляны будынак.
    © Sputnik Альфред Микус

    Сёння флер'янаўская сядзіба - гэта цагляны франтон з неагатычнымі вокнамі, які хавае драўляны будынак.

  • У 2012 годзе гэтае месца выкупіў пенсіянер і былы старшыня Генрых Міхайлавіч Траццяк. Зараз разам са сваёй жонкай Ларысай Паўлаўнай ён за ўласныя сродкі аднаўляе сядзібу...
    © Sputnik Альфред Микус

    У 2012 годзе гэтае месца выкупіў пенсіянер і былы старшыня Генрых Міхайлавіч Траццяк. Зараз разам са сваёй жонкай Ларысай Паўлаўнай ён за ўласныя сродкі аднаўляе сядзібу...

  • ... і праводзіць экскрусіі для рэдкіх гасцей.
    © Sputnik Альфред Микус

    ... і праводзіць экскрусіі для рэдкіх гасцей.

  • Сядзіба захавалася дастаткова добра.
    © Sputnik Альфред Микус

    Сядзіба захавалася дастаткова добра.

  • Траццякі аднаўляюць усё за ўласныя сродкі.
    © Sputnik Альфред Микус

    Траццякі аднаўляюць усё за ўласныя сродкі.

  • Турыстаў тут пакуль няшмат, але ўсіх сустракаюць з радасцю.
    © Sputnik Альфред Микус

    Турыстаў тут пакуль няшмат, але ўсіх сустракаюць з радасцю.

  • Сядзіба Бохвіцаў у вёсцы Флер'янава Ляхавіцкага раёна
    © Sputnik Альфред Микус

    Сустракаюць і распавядаюць таямнічыя гісторыі сядзібы.

Тэмы:
Забытыя і знакамітыя: самыя цікавыя славутасці Беларусі
Зажынкі ў Жораўке 2019

Тэст: ці добра вы ведаеце беларускія фразеалагізмы?

4858
(абноўлена 17:19 06.08.2020)
Прайдзіце тэст Sputnik і даведайцеся, наколькі добра вы ведаеце фразеалагізмы на беларускай мове.

Кожная мова мае свой адметны склад устойлівых выразаў, якія яскрава характэрызуюць яе носьбітаў, іх побыт, звычкі і тое, як яны бачылі навакольны свет. Беларускія фразеалагізмы ўвабралі ў сябе трапныя параўнанні, якія часам здаюцца смешнымі, але заўсёды прыводзяць да роздумаў: як узнік той ці іншы выраз. Некаторыя фразеалагізмы траплялі ў гутарку со старонак літаратурных твораў, але большая іх частка – калектыўная творчасць народа, якая перадавалася з вуснаў у вусны на працягу пакаленняў.

Шмат фразеалагізмаў агульныя для ўсіх славянскіх народаў: напэўна, кожны зразумее, што значыць "вісець на валаску" або "Мамаева пабоішча". Вялікая колькасць выразаў трапіла ў беларускую мову з Бібліі – яны амаль слова ў слова перакладаюць лацінскі або грэчаскі тэкст. Але ёсць у беларускага народа і своеасаблівыя, адметныя фразеалагізмы, якія часам могуць не толькі выклікаць неўразуменне, але і здзівіць сваёй вобразнасцю. Прайдзіце тэст, каб даведацца, ці добра вы ведаеце беларускую фразеалогію або ці здольныя адгадаць, што значыць той ці іншы незнаёмы выраз.

Чытайце таксама:

4858
Тэги:
фразеалагізмы, тэст, Беларуская мова, Беларусь
Тэмы:
Вучым беларускую мову
Мабільны тэлефон у руках, архіўнае фота

Ці можна фатаграфаваць бюлетэнь? Што сказана ў метадычцы ад ЦВК

0
(абноўлена 16:29 07.08.2020)
На думку Цэнтрвыбаркама, волевыяўленне чалавека да моманту падліку галасоў павінна заставацца таямніцай.

МІНСК, 9 жні - Sputnik. Цэнтрвыбаркам Беларусі ў сваіх метадычных рэкамендацыях разабраў сітуацыю, у якой выбаршчык хоча зрабіць фатаграфію на ўчастку.

Прэзідэнцкія выбары – 2020 у Беларусі: каляндар выбарчай кампаніі | Інфаграфіка sputnik.by
© Sputnik Беларусь / Інфаграфіка

Участковыя камісіі дзейнічаюць на выбарах у адпаведнасці з метадычнымі рэкамендацыямі ЦВК: у іх прыводзіцца тое, як павінны працаваць члены камісій, што павінна быць на участках, а таксама разбіраюцца магчымыя спрэчныя сітуацыі.

Адзін з разбораў магчымых сітуацый тычыцца фатаграфавання на ўчастку. Паводле легенды, мужчына прыходзіць галасаваць з сям'ёй і хоча зрабіць калектыўнае фота на фоне кабінкі на памяць.

"Выбарчае заканадаўства не рэгулюе дадзеныя пытанні. Разам з тым, улічваючы жаданне пакінуць памяць аб удзеле ў выбарах у выглядзе фатаграфіі захапленне шырокага кола грамадзян сэлф-фатаграфіяй, старшыні камісіі не варта забараняць зрабіць пару фатаграфій", - гаворыцца ў метадычных рэкамендацыях ЦВК.

Аднак у рэкамендацыях таксама паказана, што "выбаршчыку трэба ўстрымацца ад фатаграфавання свайго запоўненага бюлетэня, так як яго волевыяўленне да моманту падліку галасоў павінна заставацца таямніцай".
"Акрамя таго, нельга фатаграфаваць спісы выбаршчыкаў, іншых удзельнікаў выбарчага працэсу без іх згоды", - гаворыцца ў дакуменце.

Фатаграфаваць запоўнены бюлетэнь грамадзян заклікаюць стваральнікі платформы "Голас", на якой ужо зарэгістравана больш за 700 тысяч чалавек. Прыхільнікі ініцыятывы паказваюць, што Выбарчым кодэксам фатаграфаванне бюлетэня не забаронена і, калі здымак не будзе апублікаваны да закрыцця участкаў, гэта не будзе лічыцца парушэннем і незаконнай агітацыяй.

0
Тэги:
ЦВК Рэспублікі Беларусь, Выбары, Беларусь
Тэмы:
Выбары прэзідэнта Беларусі - 2020