МІНСК, 24 жні — Sputnik. У музеі "Выратаваныя мастацкія каштоўнасці" адбылася цырымонія перадачы Брэсцкай мытняй 15 прадметаў, якія былі канфіскаваныя на мяжы ЕАЭС, паведамілі Sputnik у прэс-службе Брэсцкай мытні.
Згодна з заключэннем экспертаў ўсе прадметы ставяцца да катэгорыі культурных каштоўнасцяў. Па рашэнні суда экспанаты былі канфіскаваныя ў грамадзян, якія парушылі заканадаўства.
У ліку прадметаў, што перадацюцца ў музей — абраз ХIX стагоддзя "Двунадзесятыя святы", які ў рэспубліканскім пункце мытнага афармлення "Верхні Церабяжоў" спрабаваў незаконна вывезці з краіны жыхар Украіны, 13 ордэнаў і медалёў, выяўленыя ў грамадзяніна Расіі ў РПТА "Варшаўскі мост", а таксама рэдкая бразільская манета 1871 года "200 рэйс, якую перамяшчаў без дэкларавання кіроўца-экспедытар з Казахстана праз РПТА "Казловічы", — распавялі брэсцкія мытнікі.
Кіраўніцтва вобласці і ўстановы культуры падзякавала супрацоўнікам мытні за прафесійную працу, дзякуючы якой рэдкія экспанаты зараз можна будзе пабачыць у адным з самых наведваемых музеяў горада.
Начальнік мытні Аляксандр Піхун запэўніў прысутных, што мытныя органы і ў далейшым у сваёй працы будуць надаваць асаблівую ўвагу захаванню гісторыка-культурнай і духоўнай спадчыны, недапушчэнні незаконнага перамяшчэння праз мяжу падобных прадметаў.
Толькі за апошнія два гады брэсцкімі мытнікамі канфіскавана звыш 460 гісторыка-культурных каштоўнасцей, многія з якіх перададзены ў розныя музеі краіны.
