Малая падарожная кніжка

"Малая падарожная кніжка" Скарыны ўпершыню экспануецца ў Полацку

68
(абноўлена 16:34 03.09.2017)
Экспазіцыю дапоўніць дакументальны фільм Алега Лукашэвіча "Францыск Скарына. Чалавек свету".

МІНСК, 31 жні — Sputnik. C 1 верасня ў Полацку ў Музеі беларускага кнігадрукавання будзе экспанавацца міжнародны выставачны праект "Дарогамі Скарыны", паведамілі Sputnik у прэс-службе Белгазпрамбанка.

У Мінску прэзентавалі копію варштата часоў Францыска Скарыны
© Sputnik/ Андросiк Станiслаў / Бардоўскi Арцём

У Полацку, дзе каля 1490 года нарадзіўся вялікі беларускі першадрукар, асветнік і гуманіст Францішак Скарына, упершыню будзе прадстаўлены арыгінал яго "Малой падарожнай кніжкі", выдадзенай каля 1522 года ў Вільні.

"Экспазіцыю дапоўніць дакументальны фільм Алега Лукашэвіча "Францыск Скарына. Чалавек свету", зняты для праекту", — дадалі ў прэс-службе.

Дадатковую інфармацыю пра беларускага і ўсходнеславянскага першадрукара можна будзе атрымаць з дапамогаю інтэрактыўнага інфармацыйнага стэнда.

Арганізатары адзначылі, што "асаблівае месца ў экспазіцыі зойме падарожжа ў друкаваную майстэрню Скарыны пры дапамозе шлема віртуальнай рэальнасці. Мадэллю для стварэння віртуальнай майстэрні паслужыла рэканструяваная друкарня XVII-XVIII стагоддзяў, якая знаходзіцца ў Музеі беларускага кнігадрукавання".

Выстава будзе працаваць да 10 верасня ў полацкім Музеі беларускага кнігадрукавання.

68
Тэги:
Малая падарожная кніжка, Музей беларускага кнігадрукавання, Белгазпрамбанк, Францыск Скарына, Полацк
Тэмы:
500-годдзе беларусскага кнігадрукавання (39)
По теме
Помнік "Полацк - калыска беларускай дзяржаўнасці" ўстанавілі ў Полацку
500-годдзе беларусскага кнігадрукавання
Каментары