Урачыстая цырымонія адкрыцця помніка Тадэвушу Касцюшку ў Залатурне

Беларускі помнік Тадэвушу Касцюшку адкрылі ў Залатурне

35
(абноўлена 16:07 23.10.2017)
Помнік Тадэвушу Касцюшку быў усталяваны ў Швейцарыі ў гонар 200-ых угодак.

МІНСК, 23 кас — Sputnik. У Залатурне адбылося ўрачыстае адкрыццё беларускага помніка Тадэвушу Касцюшку. Арганізатарамі мерапрыемства выступілі Беларускае аб'яднанне ў Швейцарыі і гарадскія ўлады Залатурна, паведмілі Sputnik у прэс-службе беларускай дыпміссіі.

Гэта першы ў гісторыі помнік, усталяваны беларускай дыяспарай за мяжой.

"Удзел у цырымоніі адкрыцця помніка прынялі гарадскія ўлады Залатурна, дыпламатычныя прадстаўнікі Беларусі, Літвы, Польшчы, кіраўнікі і актывісты беларускай, польскай і літоўскай суполак Швейцарыі, а таксама дэлегацыя мемарыяльнага музея — сядзібы імя Т. Касцюшкі ва ўрочышчы Мерачоўшчына. У агульнай складанасці ўдзельнікамі мерапрыемства сталі звыш 80 чалавек", — адзначылі ў прэс-службе.

Цырымонія адкрыцця помніка ўключала выкананне нацыянальных гімнаў Швейцарскай Канфедэрацыі і Рэспублікі Беларусь, а таксама асвятленне помніка святаром грэка-рымскай каталіцкай царквы з Лондана.

Пасля завяршэння цырымоніі адкрыцця помніка адбыліся выступленні арганізатараў і ганаровых гасцей. У ліку выступоўцаў — мэр Залатурна Курт Флуры, часовы павераны ў справах Беларусі ў Швейцарыі Павел Мацукевіч, пастаянны прадстаўнік Беларусі пры аддзяленні ААН у Жэневе Юры Амбразевіч, прэзідэнт Беларускага аб'яднання ў Швейцарыі Сяргей Сіроткін, дырэктар мемарыяльнага музея-сядзібы Т. Касцюшкі Наталля Сушко, прэзідэнт Літоўскай абшчыны ў Швейцарыі Юратэ Касперсон. Прадстаўніком Польшчы быў зачытаны віншавальны зварот пасла Польшчы ў Швейцарыі Якуба Кумаха.

Пасля ўрачыстасцяў арганізатары і госці мерапрыемства наведалі музей Тадэвуша Касцюшкі ў Залатурне. Павел Мацукевіч і Наталля Сушко пакінулі свае запісы ў кнізе ганаровых гасцей музея.

35
Тэги:
помнік, Жыццё знакамітых людзей, Тадэвуш Касцюшка, Залатурн, Швейцарыя, Беларусь
По теме
Dzieciuki прэзентавалі песню "Тадэвуш Касцюшка"
Каментары