Стары замак у Гродне

Стары замак у Гродне чакае рэстаўрацыя ў стыле Гучы

503
(абноўлена 09:39 01.11.2017)
Будаўнічы праект рэстаўрацыі Старога замка ў Гродне зацверджаны Міністэрствам культуры, змяняцца ён не будзе, але на яго рэалізацыю пакуль выдзелены 7 адсоткаў ад патрэбнай сумы.

ГРОДНА, 31 кас — Sputnik, Іна Грышук. Стары замак у Гродне ўжо амаль месяц рыхтуюць да рэстаўрацыі, якую чакалі амаль 25 гадоў. Аб тэрмінах заканчэння работ казаць ніхто не бярэцца. Тым не менш, ужо зараз можна сказаць дакладна: стары дворык былой рэзідэнцыі караля Баторыя з яго відамі на Нёман гараджане не ўбачаць ніколі. А сам замак паступова стане ператварацца ў праект, прапанаваны Бачковым.

Спецыялісты лічаць праект рэйстаўрацыі шкодным >>

Пешаходны мост — для турыстаў, каменны — для будаўнікоў

Зараз у дворыку Старога замка з'явіўся зялёны плот і вагончык, па старадаўнім мосце ходзяць рабочыя і ездзіць будаўнічая тэхніка.

У двары Старога замка будаўнічую пляцоўку ўжо абгарадзілі
© Sputnik Іна Грышук
У двары Старога замка будаўнічую пляцоўку ўжо абгарадзілі

У самога краю гары, бліжэй да аркі, працуюць археолагі.

Месца раскопак археолагаў. На гэтым месцы ў будучыні размесціцца сцяна і так званая мерная ізба, якая прымыкае да сцяны.
© Sputnik Іна Грышук
Месца раскопак археолагаў. На гэтым месцы ў будучыні размесціцца сцяна і так званая мерная ізба, якая прымыкае да сцяны.

"Падчас рэстаўрацыі трэба будаваць новыя будынкі, якія патрэбныя для функцыянавання будучага музейнага комплексу. У гэтым месцы ёсць культурныя слаі, дзе не праводзіліся раскопкі", — тлумачыць дырэктар Гродзенскага гісторыка-археалагічнага музея Юрый Кітурка.

У падрыхтоўчы перыяд уключана будаўніцтва часовага пешаходнага маста побач з каменным.

"Па цяперашнім мосце будзе хадзіць будаўнічая тэхніка, а па часовым мосце — турысты", — удакладняе дырэктар.

Пешаходны мост амаль гатовы
© Sputnik Іна Грышук
Пешаходны мост амаль гатовы

Па яго словах, на час рэстаўрацыі гісторыка-археалагічны музей, які месціцца ў будынку замка, закрываць не стануць. Будаўнічыя работы будуць весціся побач — у двары комплексу. Як патлумачыў Кітурка, усе працы па рэстаўрацыі замка падзялілі на тры этапы. Замкам плануюць займацца ў другую чаргу, а тэрыторыяй двара, дзе цяпер месціцца Ніжняя царква XII стагоддзя, — у трэцюю.

Праект зацверджаны

Працы, якія неўзабаве пачнуцца на тэрыторыі замка, называюць "Рэстаўрацыя і прыстасаванне пад гісторыка-археалагічны музей комплексу Старога замка ў Гродне". У яго аснове ляжыць праект Уладзіміра Бачкова, які быў прапанаваны яшчэ ў пачатку 90-х гадоў мінулага стагоддзя.

Пашпарт аб'екта
© Sputnik Іна Грышук
Пашпарт аб'екта

Праект першай частцы быў замоўлены ў Праектным інстытуце "Гроднаграмадзянпраект" у 2007 годзе, затым фінансаванне перарвалася і аднавілася толькі ў 2014 годзе. У 2017 годзе арганізацыя скончыла праект, у канцы жніўня ўзгаднілі яго ў Міністэрстве культуры, унеслі папраўкі, прайшлі дзяржаўную экспертызу. Да распрацоўкі будаўнічага праекта другой чаргі комплексу (замка) не прыступалі.

Замак, як у Гучы

Па задумцы распрацоўнікаў, замак і прылеглыя да яго пабудовы павінны выглядаць гэтак жа, як і ў канцы XVI стагоддзя, калі яны былі пабудаваныя па замове Стэфана Баторыя італьянскім архітэктарам Санці Гучы.

Юрый Кітурка паказвае макет замка і тлумачыць, што першая чарга ўключае аднаўленне галерэі ад палаца да ўваходнай брамы, аднаўленне брамы, будаўніцтва сцяны над Нёманам да Сярэдняй вежы, мернай хаты, Сярэдняй вежы і камяніцы, якая прымыкае да яе.

Дырэктар гродзенскага гісторыка-археалагічнага музея Юрый Кітурка
© Sputnik Іна Грышук
Дырэктар гродзенскага гісторыка-археалагічнага музея Юрый Кітурка

Такім чынам унутраны дворык замка стане закрытым. Палюбавацца на бераг Нёмана адсюль гараджане больш не змогуць ніколі. Руіны сцен на абрыве гары знясуць. Па словах Юрыя Кітурка, гэта пабудовы XIX стагоддзя, якія не маюць ніякага дачынення да архітэктуры Гучы. На гэтым месцы будзе стаяць сцяна вышынёй крыху больш за 5 метраў.

Так будзе выглядаць паўднёва-заходняя частка замка з боку Нёмана пасля завяршэння работ. Злева - Сярэдняя вежа, побач з ёй - камяніца. Уваходная брама вырасце ў два разы.
© Sputnik Іна Грышук
Так будзе выглядаць паўднёва-заходняя частка замка з боку Нёмана пасля завяршэння работ. Злева - Сярэдняя вежа, побач з ёй - камяніца. Уваходная брама вырасце ў два разы.

Па праекце, будынак уваходнай брамы вырасце амаль у два разы, побач з ёй з'явіцца аглядная пляцоўка. У двухпавярховай прыбудовы, якая прымыкае да брамы з боку Нёмана, прыбяруць другі паверх.

Вежа з аркай вырасце ў два разы, а другі паверх прыбудовы прыбяруць
© Sputnik Іна Грышук
Вежа з аркай вырасце ў два разы, а другі паверх прыбудовы прыбяруць

Вежы пабудуюць на палях

Ужо ў гэтым годзе пачнуцца працы па ўмацаванні схілу гары. Каб новыя будынкі трывала стаялі, іх падмуркі будуць стаяць на буранабіўных палях, даўжыня некаторых з іх будзе дасягаць 23 метраў.

Як патлумачыў Кітурка, гэта трэба, каб замкавая гара вытрымала новыя пабудовы і каб яны стаялі на надзейнай "падушцы". Справа ў тым, што сам пагорак, на якім збудаваны Стары замак у старажытнасці, не меў такой вышыні. У XI стагоддзі ён знаходзіўся прыкладна на тым жа ўзроўні, на якім цяпер стаіць пажарная каланча. Але падчас кожнага новага будаўніцтва гэта месца пастаянна падсыпалі.

Цяперашнія будынкі ўмацуюць
© Sputnik Іна Грышук
Цяперашнія будынкі ўмацуюць

Як удакладняе Кітурка, у насыпной частцы сустракаецца шмат кавалкаў дрэва, яна даволі неаднастайная па складзе. Трываласці недастаткова, каб на ёй можна было ўзводзіць паўнавартасныя пабудовы. А вось так званы мацярык, які знаходзіцца на глыбіні прыкладна 20 метраў, складаецца з суглінку, ён даволі трывалы, у ім няма пустэч і ўкрапванняў вапняка.

Далей будзе ўмацоўвацца тое, што цяпер засталося ад старадаўніх пабудоў. Да прыкладу, сцены, скляпенні ўваходнай групы, падмуркі.

Замак некалькі разоў адслужыў свой тэрмін

Цікаўлюся: "У якім стане цяпер замак?"

"Даўно выпрацаваў свой рэсурс, і не адзін раз", — адказвае Кітурка і запрашае прайсці на другі паверх уваходнай брамы. Раней тут размяшчаліся кабінеты музейных работнікаў. Зараз працуюць будаўнікі. Дырэктар паказвае аголеныя сцены, дзе-нідзе праз шчыліны прабіваецца вулічае святло. Гэта трэба вельмі моцна ўмацоўваць, таму што сцены і муры ў вельмі дрэнным стане.

"Пасля вайны ў XVII стагоддзі будынак быў разбураны. І сцены перакладалі, змянілі канфігурацыю. Гэтая вежа вышэй павінна быць", — адзначыў суразмоўца.

Внутренний вид на стену башни, которая смотрит на Неман. Внутри видно, что раньше здесь было высокое окно. На верхней арке – следы старинной фрески, предположительно XVI века
© Sputnik Іна Грышук
Унутраны від на сцену вежы, якая глядзіць на Нёман. Можна ўбачыць, што раней тут было высокае акно. На верхняй арцы – рэшткі старажытнай фрэскі XVI стагоддзя.

Ён паказвае, што нават неадмыслоўцу можна заўважыць, што сцены выкладзеныя рознай цэглай. "Дзе-нідзе засталіся сляды Гучы, але побач можна бачыць цагляны мур іншага колеру, гэта пазнейшыя пераробкі", — адзначае Кітурка.

Фрагмент фрэскі меркавана XVI стагоддзя
© Sputnik Іна Грышук
Фрагмент фрэскі меркавана XVI стагоддзя

Ён дадае: "Кожны раз замкавы комплекс рамантавалі і аднаўлялі, але кожны раз гэта было прыстасаванне пад паўсядзённыя патрэбы. Таму нельга казаць пра тое, што тут можна аднаўляць нешта на канец XVII або сярэдзіну XVIII стагоддзяў, таму што з гэтых часоў планаў больш засталося. Але ў XVIII стагоддзі замак стаў падобны на казарму, ад мінулага хараства нічога не засталося".

Падлога, якая ляжала над аркай і ў іншых будынках уваходнай вежы, - гэта праца расійскіх будаўнікоў, XIX стагоддзе, пад ёй сабралася шмат будаўнічага смецця.
© Sputnik Іна Грышук
Падлога, якая ляжала над аркай і ў іншых будынках уваходнай вежы, - гэта праца расійскіх будаўнікоў, XIX стагоддзе, пад ёй сабралася шмат будаўнічага смецця.

"Калі кожны год па мільёне, то будзем будаваць 14 гадоў"

У пашпарце пазначаны даволі аптымістычны тэрмін заканчэння работ — канец 2019 года. Праўда, аб канкрэтных тэрмінах гаварыць пакуль ніхто не бярэцца. Тлумачаць — усё залежыць ад фінансавання.

У гэтым годзе на працы вылучаны 1 млн рублёў. Гэта крыху больш за 7 адсоткаў ад каштарыснага кошту ўсёй першай чаргі, якая складае каля 14 млн рублёў.

"1 мільён — гэта вельмі няшмат. Калі кожны год будуць вылучаць па такой суме, то 14 гадоў будзем будаваць", — жартуе дырэктар музея.

Руіны Ніжняй царквы XII стагоддзя размешчаны ў двары замка і цяпер накрытыя збітым з дошак навесам
© Sputnik Іна Грышук
Руіны Ніжняй царквы XII стагоддзя размешчаны ў двары замка і цяпер накрытыя збітым з дошак навесам

Пры гэтым дадае, што калі б, да прыкладу, была выдзелена траціна сумы, то яе б не паспелі выдаткаваць, так як працы будуць ісці павольней, чым пры будаўніцтве звычайных аб'ектаў. Напрыклад, палі пад падмуркі будуць рабіцца невялікімі механізмамі, бо ў двор замка немагчыма прывезці сур'ёзную будаўнічую тэхніку.

Па словах Юрыя Кітурка, ніжняя царква разбурылася яшчэ ў XII стагоддзі з-за нетрывалых сцен
© Sputnik Іна Грышук
Па словах Юрыя Кітурка, ніжняя царква разбурылася яшчэ ў XII стагоддзі з-за нетрывалых сцен

Дырэктар удакладняе: "Падрадчык сам цалкам не справіцца з гэтай працай, таму будзе прыцягваць субпадрадчыкаў. Аб'ект надзвычай складаны. Гэта не будаўніцтва дома або ГЦ, школы або паліклінікі па тыпавых праектах. У нас складаны рэльеф, сціснутыя ўмовы, помнік першай ахоўнай катэгорыі, які патрабуе надзвычай асцярожнага стаўлення. Таму будуць прыцягвацца спецыялізаваныя фірмы. А тыя работы, якія не патрабуюць вялікай кваліфікацыі, будуць рабіцца простымі будаўнікамі".

Дарэчы, названыя 14 мільёнаў рублёў павінны пайсці толькі на выкананне будаўнічых работ. У суму не ўключаны работы па афармленні ўнутраных інтэр'ераў пабудаваных будынкаў.

503
Тэги:
Стары замак, рэстаўрацыя, Гродна, Беларусь
Тэмы:
Рэканструкцыя Старога замка ў Гродне: аднаўленне ці знішчэнне? (13)
Кола часу – 2020

Унікальныя матацыклы паказалі на фестывалі ў Мірскім замку фота

12
(абноўлена 12:05 03.08.2020)
Госці фестывалю рэтрамотатэхнікі "Кола часу" змаглі ўбачыць сапраўды неверагодныя экспанаты. Патрапіў на свята і фотакарэспандэнт Sputnik Альфрэд Мікус.

У мінулыя выхадныя ў Мірскім замку прайшоў фестываль рэтрамотатэхнікі "Кола часу", на якім удзельнікі прадставілі каля сотні самых розных мадэляў. Галоўнае патрабаванне да экспанатаў – узрост больш за 30 гадоў.

Кола часу – 2020
© Sputnik Альфрэд Мікус
Кола часу – 2020
Кола часу – 2020
© Sputnik Альфрэд Мікус
Кола часу – 2020
Кола часу – 2020
© Sputnik Альфрэд Мікус
Кола часу – 2020

Свята ў гэтым годзе прайшло ў восьмы раз. Сярод усіх мадэляў асаблівую ўвагу надалі матацыклам "Мінск", таму што ў гэтым годзе Мотавелазавод святкуе сваё 75-годдзе.

Кола часу – 2020
© Sputnik Альфрэд Мікус
Кола часу – 2020
Кола часу – 2020
© Sputnik Альфрэд Мікус
Кола часу – 2020

Аматары рэтратэхнікі маглі не толькі дакрануцца да ўнікальных матацыклаў, але і паспрабаваць сябе ў якасці вадзіцеляў.

Кола часу – 2020
© Sputnik Альфрэд Мікус
Кола часу – 2020
Кола часу – 2020
© Sputnik Альфрэд Мікус
Кола часу – 2020

Акрамя Міра ўдзельнікі фестываля наведалі замкі ў Любчы і Навагрудку.

12
Тэги:
Матацыклы і мапеды, Мірскі замак
Агуркі, архіўнае фота

Нават верабей варыць піва, або Чым займаюцца ў жніўні сапраўдныя гаспадары

122
(абноўлена 11:34 30.07.2020)
Этнограф Ларыса Мятлеўская расказвае, чым займаліся ў жніўні нашы продкі, і прапануе некалькі рэцэптаў хатніх нарыхтовак з агуркоў.

У народзе кажуць, што "ў жніўні кожная хата багата", а ўраджаі настолькі добрыя, што "нават верабей піва варыць". Добрыя гаспадары ў гэтую пару і сапраўды маюць добры ўраджай — зямля дзякуе чалавеку за вясновую працу на ёй. Застаецца толькі не марнаваць час і збіраць дары прыроды, бо "хто ў жніўні гуляе, той узімку галадае".

Нарыхтоўка прыпасаў на зіму — спрадвечны клопат гаспадароў. Нягледзячы на тое, што зараз гандль прапануе досыць шырокі асартымент кансерваў з садавіны і гародніны, многія спрактыкаваныя гаспадыні аддаюць перавагу хатнім нарыхтоўкам.  Самыя ўдалыя рэцэпты перадаюцца з пакалення ў пакаленне і нават дзеляцца з суседкамі.

Старадаўнія рэцэпты ды і ўвогуле ўся кухня мінулага вельмі экалагічная, грунтуецца на выкарыстанні натуральных прадуктаў ды і спосабы прыгатавання вельмі простыя. Сёння гэты накірунак вельмі модны — прыгатаванне ежы сваімі рукамі з натуральных прадуктаў.

Жнівень — агурочная пара

З сакавітых, смачных агуркоў можна прыгатаваць шмат нарыхтовак па старадаўнім рэцэптам з беларускіх кулінарных кніг Ганны Цюндзявіцкай і Вінцэнты Завадскай.

Салёныя агуркі беларусы любяць!
© Photo : Ларыса Мятлеўская
Салёныя агуркі беларусы любяць!

Адзінымі кансервантамі раней былі толькі соль і воцат. Стравы салілі памяркоўна, ўжываючы для лепшага смаку вялікую колькасць спецый. Часам спосабы прыгатавання падаюцца без дазіровак, паколькі гаспадыні адштурхоўваліся ад колькасці асноўнага прадукта. Натуральна, што каменны і керамічны посуд, якім карысталіся тагачасныя гаспадыні, лёгка замяніць на сучасны шкляны. Пузыр таксама цяпер ніхто не ўжывае, замест яго выкарыстоўваюць капронавыя крышкі.

Для прыгатавання ўсіх гэтых рэцэптаў, солі бяруць чвэрць фунта на фунт вады. Фунт — гэта 409,5 гр. Можна таксама выкарыстоўваць самаробны яблычны воцат.

Агуркі гарчычныя на зімовую салату да кавалка мяса

Інгрыдыенты:

  • Агуркі
  • Соль
  • Воцат
  • Белы і чорны перац
  • Англійскі (духмяны) перац
  • Гваздзіка
  • Хрэн
  • 2-3 цыбуліны
  • 2 зубкі часнаку
  • 50 гр чорнай гарчыцы

Як гатаваць:

Абабраныя зялёныя свежыя агуркі нарэзаць уздоўж на чатыры або больш частак, лыжачкай вынять зярняткі, крыху пасаліць і пакінуць на 24 гадзіны. Вынуць, пацерці асцярожна ў сурвэтцы, пакласці ў гліняную, паліваную ёмістасць, закіпяціць столькі воцату, каб пакрыў агуркі, заліць кіпячым воцатам і пакінуць на 2 дні. Зліць з іх гэты воцат і заліць кіпячым, зноў даць пастаяць 2 дні і зноў зліць.

Чорны перац
© Photo : Ларыса Мятлеўская
Чорны перац

Узяць трохі белага і чорнага перцу, столькі ж гваздзікі і трохі больш англійскага перцу, усё гэта досыць груба стаўчы. Пасля гэтага трэба пасячы ці пацерці на бурачную цёрку трохі хрэну, пару цыбулін, зубок-два часнаку і 50 гр чорнай гарчыцы. Агуркі, вынятыя з воцату, абкачаць у сумясі прыпраў, скласці іх у каменны ці паліваны гаршчок або шкляны слоік з герметычнай накрыўкай, пасыпаючы вышэй згаданым хрэнам, цыбуляй і часнаком, заліць моцным кіпячым, калі ёсць,можна вінным, воцатам, добра закрыць і захоўваць у холадзе.

Агуркі да смажаніны позняй восенню

Інгрыдыенты:

  • Агуркі
  • Воцат

Як гатаваць:

Ачышчаныя і накрышаныя кружочкамі агуркі заліць у керамічным посудзе не вельмі моцным воцатам. Папярэдне воцат трэба закіпяціць і астудзіць. Пакінуць так на некалькі тыдняў і назіраць, каб не зацвілі. Калі такое здарыцца, то неабходна зліць воцат і заліць гэткім жа свежым і абодва разы зверху яшчэ алеем.

Града з агуркамі
© Sputnik Ларыса Мятлеўская
Града з агуркамі

Падаючы на стол, агуркі варта ачысціць і абліць свежым воцатам і алеем.

Гарбузы для пікуляў

Інгрыдыенты:

  • Гарбуз
  • Воцат
  • Англійскі і чорны перац
  • Гваздзіка
  • Бабковы (лаўровы) ліст
  • Соль

Як гатаваць:

Узяць спелы гарбуз, абабраць і пачысціць ад семак, выразаць з яго мякаці прыгожыя фігуркі або проста пакрышыць як падабаецца.

Крышаны гарбуз
© Photo : Ларыса Мятлеўская
Крышаны гарбуз

Пракіпяціць іх у добра пасоленай вадзе, сочачы, каб не разварыліся. Адкінуць на дуршлаг, астудзіць, скласці ў керамічны або шкляны посуд і заліць слабым, пракіпячоным і астуджаным, воцатам. Праз некалькі тыдняў гэты воцат належыць змяніць на моцны, астуджаны і згатаваны з духмянымі прыправамі — англійскі і чорны перац, гваздзіку, бабковы ліст.

Эксперыментуйце і смачна есці!

122
Тэги:
Рэцэпты, Нацыянальная кухня, Ларыса Мятлеўская, Беларусь
По теме
Прыродная сталоўка: гатуем з таго, што пад нагамі
Таблетка ад страху і абярэг ад нячысцікаў: чым яшчэ праславіўся часнок
Кухня нашых продкаў: як гатаваць прываротнае зелле і любімы соус Гётэ
У гародзе лебяда — гаспадыні не бяда, ці як гатаваць пірог з пустазелля
Дзеці купаюцца ў фантане

Калі ў Беларусь вернецца спёка? Дакладны прагноз надвор'я да канца тыдня

0
(абноўлена 16:25 03.08.2020)
Цяпло захаваецца ў краіне да самага канца тыдня: у выхадныя будзе цяплець да + 30°С, а ападкі чакаюцца толькі ў асобных раёнах.

МІНСК, 3 жні - Sputnik. Цёплае надвор'е пратрымаецца ў Беларусі да канца гэтага тыдня, пра гэта сведчаць дадзеныя прагнозу рэспубліканскага гідраметцэнтра.

У краіне захоўваецца халаднаватае надвор'е з сярэднясутачнай тэмпературай паветра ў асноўным на 1-4°С ніжэйшай за кліматычную норму, аднак ужо заўтра чакаецца пацяпленне.

"4 жніўня (у аўторак) цёплае паветра распаўсюдзіцца на ўсю краіну, стануць цяплей і ночы. На фоне павышанага атмасфернага ціску ў многіх раёнах будзе без ападкаў", - паведамілі сіноптыкі.

Кароткачасовыя дажджы з навальніцамі магчымыя ўдзень толькі на захадзе Беларусі, дзе на надвор'е паўплывае малаактыўны франтальны раздзел, месцамі можа дзьмуць парывісты вецер. Уначы будзе +11 .. + 17°С, удзень пацяплее да +24 .. + 29°С (і да +30 .. + 32°С па паўднёвым захадзе рэспублікі).

"У наступныя двое сутак (5 і 6 жніўня) на фоне вобласці павышанага атмасфернага ціску атмасферны фронт будзе павольна перамяшчацца з тэрыторыі Польшчы ў паўночна-ўсходнім напрамку", - праінфармавалі ў Белгідрамеце.

Так, у сераду будзе воблачна з праясненнямі. Удзень у цэнтральных раёнах краіны пройдуць кароткачасовыя дажджы, у асобных раёнах прагрымяць навальніцы ў суправаджэнні парывістага ветру. Тэмпература ўначы не выйдзе за межы +13 .. + 18°С, удзень паветра прагрэецца да +21 .. + 27°С (а па паўднёвым усходзе - да +28 .. + 31°С).

Кароткія летнія навальнічныя дажджы чакаюцца і ў чацвер, але толькі месцамі па краіне. Ранняй раніцай у нізкіх месцах і паблізу вадаёмаў могуць згушчацца непрацяглыя туманы. Уначы чакаецца не халадней за +11 .. + 18°С, удзень - максімум да +23 .. + 31°С у залежнасці ад рэгіёна.

Прагноз надвор'я на пятніцу і выхадныя

Цяпло захаваецца ў Беларусі да самага канца тыдня. У пятніцу, 7 жніўня, будзе пераважна без ападкаў, кароткачасовыя дажджы могуць прайсці толькі месцамі па поўдні Брэстчыны і Гомельшчыны. У начныя гадзіны тэмпература знізіцца да +8 .. + 15°С, пасля абеду будзе цяплець да +22 .. + 31°С.

Будучы ўікэнд таксама будзе цёплым і практычна сухім. У суботу раніцай згусцеюць слабыя туманы, а дажджы прагназуюцца толькі ў асобных раёнах удзень. А ў нядзелю і зусім будзе пераважна без ападкаў. Тэмпература начамі будзе знаходзіцца ў межах +8 .. + 15°С, у другой палове дня 8 і 9 жніўня цяплець будзе максімум да +22 .. + 29°С.

Паводле дадзеных доўгатэрміновага прагноза на Gismeteo, першая палова жніўня ў Беларусі будзе цёплай, аднак ужо ў сярэдзіне другой дэкады пачнецца слабое пахаладанне, якое будзе толькі ўзмацняцца з набліжэннем восені. Але не варта забываць, што доўгатэрміновыя прагнозы часта не спраўджваюцца.

0
Тэги:
Прагноз надвор'я, Беларусь