Археолаг за працай, архіўнае фота

Дзіўныя знаходкі археолагаў у Перу - пахаваныя з "бонусамі" рыбакі

24
(абноўлена 14:36 17.04.2018)
Мяркуецца, што такім чынам быў зроблены нейкі абрад пры пахаванні, у магілах таксама знойдзены каштоўныя прадметы.

МІНСК, 17 кра — Sputnik. Навукоўцы ламаюць галовы ў спробах зразумець, чаму сярод знойдзеных на месцы рыбацкай вёскі ў Перу рэшткаў чалавечых цел прысутнічаюць лішнія рукі і ногі, перадаюць мясцовыя СМІ.

Дзіўную знаходку адшукалі пры правядзенні работ па водазабеспячэнні ў горадзе Уанчако, на паўночным узбярэжжы краіны. У магілах, якія знайшлі будаўнікі, знаходзіліся чалавечыя шкілеты, каля некаторых знаходзіліся "лішнія" рукі і ногі.

Навукоўцы вызначылі прыкладны ўзрост парэшткаў — ім каля 1900 гадоў і належаць яны да культуры Віру. Усяго было выяўлена каля 50 пахаванняў. У многіх магілах таксама знаходзіліся каштоўныя прадметы з металу і керамічны посуд.

Адзначаецца, што на многіх касцях знойдзены сляды траўмаў, некаторыя канечнасці абсечаны. Навукоўцы адзначаюць, што дадатковыя канечнасці былі знойдзеныя там, дзе асноўныя былі траўмаваныя. Магчыма, пры пахаванні загінулых ад траўмаў людзей быў зроблены нейкі старажытны абрад, мяркуюць спецыялісты.

Раней такія пахаванні культуры Віру выяўлялі археолагі пры раскопках у 2000-х гадах.

Культура Віру існавала ў Перу яшчэ ў даінкскую эпоху і атрымала назву ў гонар даліны ракі, у якой будавалі сваё жыллё тагачасныя насельнікі. Цэнтральным аб'ектам была "крэпасць Томбаль". Мясцовыя жыхары займаліся сельскагаспадарчай дзейнасцю і гандлем з суседнімі народнасцямі.

24
Тэги:
Археалогія, Гісторыя, Перу
Каментары