Аконны праём над аркай уваходнай брамы значна пашырылі

Частку вежы Старога замка ў Гродне разбілі перфаратарам пры рэстаўрацыі

144
(абноўлена 13:08 12.05.2018)
Гараджане звярнулі ўвагу, што пры рэканструкцыі гістарычнага помніку XVI стагоддзя выкарыстоўваюцца вельмі недалікатныя метады і інструменты.

ГРОДНА, 12 мая — Sputnik. Частку старадаўняй вежы над уязной аркай разабралі падчас рэканструкцыі Старога замка ў Гродне. Гараджан абурыў факт, што пры гэтым будаўнікі выкарыстоўвалі перфаратар, а частку старадаўніх будаўнічых матэрыялаў скідалі ў смецце.

Работы па разбору часткі сцяны старадаўняй вежы скончыліся 11 мая. Зараз у будынку канца XVI стагоддзя над уваходнай аркай з'явілася вялікая адтуліна, падобная на велізарны аконны праём. Яе памеры — прыкладна тры метры ў шырыню і каля пяці метраў у вышыню.

Входная вежа Старого замка до демонтажа
© Sputnik / Инна Гришук
Уваходная вежа Старога замка да дэмантажу

Па праекце, у сцяне зрабілі вялікі праём для акна, якое было ў вежы над уваходнай аркай пры будаўніцтве замка архітэктарам Гучы ў канцы XVI стагоддзя. Праект узгоднены з Міністэрствам архітэктуры.

"Армагедон зладзілі, па-іншаму нельга назваць. На вачах у мінакоў за некалькі гадзін узялі і разбамбілі палову сцяны. Мы ведалі, што тут будуць рабіць праём, але не думаў, што так брутальна", — распавёў гродзенскі гісторык і краязнаўца Мечыслаў Супрон, які выпадкова стаў сведкам дэмантажу.

Ён падкрэсліў, што сцяну разбіралі звычайныя будаўнікі, якія, хутчэй за ўсё, не маюць уяўлення аб метадах рэстаўрацыі гістарычных помнікаў.

"Учора гэтыя рабочыя дамы, кароўнікі, крамы будавалі, а сёння іх адправілі на Стары замак", — дадаў Супрон.

Стары замак у Гродне ўключаны ў спіс гісторыка-культурных каштоўнасцяў першай катэгорыі і патрабуе больш беражлівых адносінаў. Але ў гродзенскіх будаўнікоў, занятых на рэстаўрацыі замка XVI стагоддзя, у ход ішлі перфаратары і рыдлёўкі, якімі частку пабітых будаўнічых матэрыялаў зграбалі ў коўш з будаўнічым смеццем.

Гродненцев возмутил брутальный подход к демонтажным работам исторического памятника
© Sputnik / Инна Гришук
Гродзенцаў абурыў брутальны падыход да дэмантажных работ гістарычнага помніка

"Праблема нават не ў перфаратарах, а ў падыходзе да рэстаўрацыі. У сусветнай практыцы прынята цаглінка за цаглінкай здымаць і даследаваць гістарычны матэрыял. Цяпер назаўсёды страчана інфармацыя, якая захоўвалася ў гэтых сценах", — дадаў Супрон.

Гісторык выказаў здагадку, што брутальныя метады выкарыстоўваюцца, каб зрабіць дэмантаж максімальна хутка і танна. Але ў сусветнай практыцы рэканструкцыі гэта лічыцца грубым парушэннем і нядобрым тонам.

На макете видно, что над аркой входной вежи есть большое окно
© Sputnik / Инна Гришук
На макеце відаць, што над аркай уваходнай вежы ёсць вялікае акно

Як раней пісаў Sputnik, рэстаўрацыя Старога замка ў Гродне пачалася восенню мінулага года. За аснову ўзяты праект Уладзіміра Бачкова, які быў прапанаваны ў пачатку 90-х гадоў мінулага стагоддзя.

Па задумцы распрацоўнікаў, замак і прылеглыя да яго пабудовы павінны выглядаць гэтак жа, як і ў канцы XVI стагоддзя, калі яны былі пабудаваныя па замове Стэфана Баторыя італьянскім архітэктарам Санці Гучы.

Першая чарга рэстаўрацыі ўключае аднаўленне галерэі ад палаца да ўваходнай брамы, аднаўленне самой брамы, будаўніцтва сцяны над Нёманам да Сярэдняй вежы, мернай хаты, самой Сярэдняй вежы і камяніцы, што прымыкае да яе.

144
Тэги:
рэстаўрацыя, Стары замак, Гродна
Тэмы:
Рэканструкцыя Старога замка ў Гродне: аднаўленне ці знішчэнне? (13)
По теме
Рэканструкцыя Старога замка ў Гродне: аднаўленне ці знішчэнне?
Кола часу – 2020

Унікальныя матацыклы паказалі на фестывалі ў Мірскім замку фота

29
(абноўлена 12:05 03.08.2020)
Госці фестывалю рэтрамотатэхнікі "Кола часу" змаглі ўбачыць сапраўды неверагодныя экспанаты. Патрапіў на свята і фотакарэспандэнт Sputnik Альфрэд Мікус.

У мінулыя выхадныя ў Мірскім замку прайшоў фестываль рэтрамотатэхнікі "Кола часу", на якім удзельнікі прадставілі каля сотні самых розных мадэляў. Галоўнае патрабаванне да экспанатаў – узрост больш за 30 гадоў.

Кола часу – 2020
© Sputnik Альфрэд Мікус
Кола часу – 2020
Кола часу – 2020
© Sputnik Альфрэд Мікус
Кола часу – 2020
Кола часу – 2020
© Sputnik Альфрэд Мікус
Кола часу – 2020

Свята ў гэтым годзе прайшло ў восьмы раз. Сярод усіх мадэляў асаблівую ўвагу надалі матацыклам "Мінск", таму што ў гэтым годзе Мотавелазавод святкуе сваё 75-годдзе.

Кола часу – 2020
© Sputnik Альфрэд Мікус
Кола часу – 2020
Кола часу – 2020
© Sputnik Альфрэд Мікус
Кола часу – 2020

Аматары рэтратэхнікі маглі не толькі дакрануцца да ўнікальных матацыклаў, але і паспрабаваць сябе ў якасці вадзіцеляў.

Кола часу – 2020
© Sputnik Альфрэд Мікус
Кола часу – 2020
Кола часу – 2020
© Sputnik Альфрэд Мікус
Кола часу – 2020

Акрамя Міра ўдзельнікі фестываля наведалі замкі ў Любчы і Навагрудку.

29
Тэги:
Матацыклы і мапеды, Мірскі замак
Агуркі, архіўнае фота

Нават верабей варыць піва, або Чым займаюцца ў жніўні сапраўдныя гаспадары

124
(абноўлена 11:34 30.07.2020)
Этнограф Ларыса Мятлеўская расказвае, чым займаліся ў жніўні нашы продкі, і прапануе некалькі рэцэптаў хатніх нарыхтовак з агуркоў.

У народзе кажуць, што "ў жніўні кожная хата багата", а ўраджаі настолькі добрыя, што "нават верабей піва варыць". Добрыя гаспадары ў гэтую пару і сапраўды маюць добры ўраджай — зямля дзякуе чалавеку за вясновую працу на ёй. Застаецца толькі не марнаваць час і збіраць дары прыроды, бо "хто ў жніўні гуляе, той узімку галадае".

Нарыхтоўка прыпасаў на зіму — спрадвечны клопат гаспадароў. Нягледзячы на тое, што зараз гандль прапануе досыць шырокі асартымент кансерваў з садавіны і гародніны, многія спрактыкаваныя гаспадыні аддаюць перавагу хатнім нарыхтоўкам.  Самыя ўдалыя рэцэпты перадаюцца з пакалення ў пакаленне і нават дзеляцца з суседкамі.

Старадаўнія рэцэпты ды і ўвогуле ўся кухня мінулага вельмі экалагічная, грунтуецца на выкарыстанні натуральных прадуктаў ды і спосабы прыгатавання вельмі простыя. Сёння гэты накірунак вельмі модны — прыгатаванне ежы сваімі рукамі з натуральных прадуктаў.

Жнівень — агурочная пара

З сакавітых, смачных агуркоў можна прыгатаваць шмат нарыхтовак па старадаўнім рэцэптам з беларускіх кулінарных кніг Ганны Цюндзявіцкай і Вінцэнты Завадскай.

Салёныя агуркі беларусы любяць!
© Photo : Ларыса Мятлеўская
Салёныя агуркі беларусы любяць!

Адзінымі кансервантамі раней былі толькі соль і воцат. Стравы салілі памяркоўна, ўжываючы для лепшага смаку вялікую колькасць спецый. Часам спосабы прыгатавання падаюцца без дазіровак, паколькі гаспадыні адштурхоўваліся ад колькасці асноўнага прадукта. Натуральна, што каменны і керамічны посуд, якім карысталіся тагачасныя гаспадыні, лёгка замяніць на сучасны шкляны. Пузыр таксама цяпер ніхто не ўжывае, замест яго выкарыстоўваюць капронавыя крышкі.

Для прыгатавання ўсіх гэтых рэцэптаў, солі бяруць чвэрць фунта на фунт вады. Фунт — гэта 409,5 гр. Можна таксама выкарыстоўваць самаробны яблычны воцат.

Агуркі гарчычныя на зімовую салату да кавалка мяса

Інгрыдыенты:

  • Агуркі
  • Соль
  • Воцат
  • Белы і чорны перац
  • Англійскі (духмяны) перац
  • Гваздзіка
  • Хрэн
  • 2-3 цыбуліны
  • 2 зубкі часнаку
  • 50 гр чорнай гарчыцы

Як гатаваць:

Абабраныя зялёныя свежыя агуркі нарэзаць уздоўж на чатыры або больш частак, лыжачкай вынять зярняткі, крыху пасаліць і пакінуць на 24 гадзіны. Вынуць, пацерці асцярожна ў сурвэтцы, пакласці ў гліняную, паліваную ёмістасць, закіпяціць столькі воцату, каб пакрыў агуркі, заліць кіпячым воцатам і пакінуць на 2 дні. Зліць з іх гэты воцат і заліць кіпячым, зноў даць пастаяць 2 дні і зноў зліць.

Чорны перац
© Photo : Ларыса Мятлеўская
Чорны перац

Узяць трохі белага і чорнага перцу, столькі ж гваздзікі і трохі больш англійскага перцу, усё гэта досыць груба стаўчы. Пасля гэтага трэба пасячы ці пацерці на бурачную цёрку трохі хрэну, пару цыбулін, зубок-два часнаку і 50 гр чорнай гарчыцы. Агуркі, вынятыя з воцату, абкачаць у сумясі прыпраў, скласці іх у каменны ці паліваны гаршчок або шкляны слоік з герметычнай накрыўкай, пасыпаючы вышэй згаданым хрэнам, цыбуляй і часнаком, заліць моцным кіпячым, калі ёсць,можна вінным, воцатам, добра закрыць і захоўваць у холадзе.

Агуркі да смажаніны позняй восенню

Інгрыдыенты:

  • Агуркі
  • Воцат

Як гатаваць:

Ачышчаныя і накрышаныя кружочкамі агуркі заліць у керамічным посудзе не вельмі моцным воцатам. Папярэдне воцат трэба закіпяціць і астудзіць. Пакінуць так на некалькі тыдняў і назіраць, каб не зацвілі. Калі такое здарыцца, то неабходна зліць воцат і заліць гэткім жа свежым і абодва разы зверху яшчэ алеем.

Града з агуркамі
© Sputnik Ларыса Мятлеўская
Града з агуркамі

Падаючы на стол, агуркі варта ачысціць і абліць свежым воцатам і алеем.

Гарбузы для пікуляў

Інгрыдыенты:

  • Гарбуз
  • Воцат
  • Англійскі і чорны перац
  • Гваздзіка
  • Бабковы (лаўровы) ліст
  • Соль

Як гатаваць:

Узяць спелы гарбуз, абабраць і пачысціць ад семак, выразаць з яго мякаці прыгожыя фігуркі або проста пакрышыць як падабаецца.

Крышаны гарбуз
© Photo : Ларыса Мятлеўская
Крышаны гарбуз

Пракіпяціць іх у добра пасоленай вадзе, сочачы, каб не разварыліся. Адкінуць на дуршлаг, астудзіць, скласці ў керамічны або шкляны посуд і заліць слабым, пракіпячоным і астуджаным, воцатам. Праз некалькі тыдняў гэты воцат належыць змяніць на моцны, астуджаны і згатаваны з духмянымі прыправамі — англійскі і чорны перац, гваздзіку, бабковы ліст.

Эксперыментуйце і смачна есці!

124
Тэги:
Рэцэпты, Нацыянальная кухня, Ларыса Мятлеўская, Беларусь
По теме
Прыродная сталоўка: гатуем з таго, што пад нагамі
Таблетка ад страху і абярэг ад нячысцікаў: чым яшчэ праславіўся часнок
Кухня нашых продкаў: як гатаваць прываротнае зелле і любімы соус Гётэ
У гародзе лебяда — гаспадыні не бяда, ці як гатаваць пірог з пустазелля
Прэзідэнт Беларусі Аляксандр Лукашэнка

Лукашэнка запрасіў генпракурораў РФ і Украіны па справе затрыманых расіян

0
(абноўлена 12:26 06.08.2020)
Беларускія ўлады напярэдадні галасавання на выбарах занепакоеныя пытаннямі забеспячэння бяспекі, а таксама альтэрнатыўным падлікам галасоў выбаршчыкаў.

МІНСК, 6 жні - Sputnik. Прэзідэнт Беларусі даручыў запрасіць генеральных пракурораў Расіі і Украіны для разгляду сітуацыі з затрыманымі расіянамі, пра гэта ён заявіў у Палацы Незалежнасці ў ходзе спецыяльнай нарады, прысвечанай пытанням бяспекі падчас выбараў.

Напярэдадні падчас тэлефоннай размовы Лукашэнкі і яго ўкраінскі калега Зяленскі абмеркавалі пытанні экстрадыцыі затрыманых расіян на тэрыторыю Украіны. Афіцыйны Кіеў падазрае расіян ва ўдзеле ў баявых дзеяннях у Данбасе.

Пазіцыя афіцыйнай Масквы

Спецслужбы Беларусі затрымалі на мінулым тыдні 33 грамадзян РФ па падазрэнні ў арганізацыі масавых беспарадкаў.

Паводле інфармацыі расійскага боку, група рухалася праз Беларусь транзітам і не мае дачынення да якіх-небудзь ваенізаваных груповак. "Мы не прызнаем іх ўкраінскага грамадзянства. Яны грамадзяне Расіі", - сказаў прэс-сакратар прэзідэнта РФ Дзмітрый Пяскоў журналістам у адказ на пытанне аб рэакцыі расійскага боку ў выпадку магчымай экстрадыцыі затрыманых у Кіеў.

Упаўнаважаны па правах чалавека ў РФ Таццяна Маскалькова, каментуючы сітуацыю вакол затрыманых у Беларусі расіян, заявіла РІА "Новости", што недапушчальна разглядаць пытанне аб выдачы расійскіх грамадзян без прадстаўнікоў МЗС РФ і іншых органаў.

"Натуральна я адсочваю гэтую сітуацыю. Я лічу, што зусім недапушчальна разглядаць пытанне па выдачы расійскіх грамадзян без прадстаўнікоў расійскага МЗС і іншых нашых органаў, і з пункту гледжання закона, міжнародных нормаў і прынцыпаў, і з пункту гледжання маральнасці. Гэта супярэчыць нормам закона, міжнародным прынцыпам і нормам маралі", - сказала амбудсмен.

"Вельмі спадзяемся, што брацкая нам дзяржава зменіць тую стратэгічную лінію па гэтым пытанні, якая была першапачаткова пазначаная, і будзе дзейнічаць як стратэгічны партнёр і сяброўская дзяржава", - сказала на заканчэнне Маскалькова.

З імі дзядзька Чарномор

"Каб зняць гэтыя пустыя размовы з нагоды так званых 33 волатаў (затрыманыя ў Беларусі нібыта супрацоўнікі прыватнага ахоўнага прадпрыемства - Sputnik), я папрашу генеральнага пракурора (запрасіць калег з РФ і Украіны - Sputnik)", - сказаў Лукашэнка.

Пасля чаго нагадаў пра сваю ўчорашнюю тэлефонную размову з прэзідэнтам Украіны, падчас якой абмяркоўвалася ў тым ліку і гэтае пытанне. Затрыманыя расіяне, як ён лічыць, здзейснілі на беларускай тэрыторыі правапарушэнне.

Беларускі лідар услед за гэтым даў даручэнне запрасіць у рэспубліку генеральных пракурораў Украіны і Расіі. "Усё ж заклапочаныя гэтай праблемай, сур'ёзная праблема. Пакладзеце ўтрох (генеральныя пракуроры - Sputnik) перад сабой міжнародныя дагаворы і пагадненні з Расійскай Федэрацыяй і Украінай, якія мы падпісалі ў шматбаковым плане (мы ж абавязацельствы ўзялі на сябе і ў гэтай сітуацыі таксама), нашы законы", - прапанаваў ён.
Лукашэнка адзначыў, што кіраўнік Следчага камітэта разам з калегам з КДБ даложыць генеральнаму пракурору усю неабходную інфармацыю.

"Вось дакументы, інфармацыя - на стол. Утрох вырашыце. Не прыедуць - пытанне вырашым мы, без іх", - асабліва падкрэсліў беларускі прэзідэнт.

Пасля чаго прызнаў, што дадзеная праблема выклікае ў многіх занепакоенасць: "Аж ныюць, пішчаць, крычаць. Што толькі ні кажуць. Не трэба крычаць у тэлевізар. Скрыня тут не дапаможа. Будзем дзейнічаць на падставе выключна законаў і, вельмі важны нюанс, чалавечнасці. Законы не ўсё прадугледжваюць. Яшчэ трэба зыходзіць з чалавечага фактару".

Кіраўнік дзяржавы запэўніў, што гэта пытанне будзе вырашана, але пры гэтым не будзе палітызаваным. Таму што беларускія ўлады не маюць патрэбы ў спектаклях у сферы палітыкі ці эканомікі.

"І палохаць нас таксама не трэба наступствамі. Мы ведаем пра ўсё наступствы. Не трэба нас палохаць амерыканцамі, натаўцамі. Не амерыканцы i не натаўцы сюды даслалі 33 чалавекі, калі ўжо на тое пайшло", - акцэнтаваў увагу Лукашэнка.

Пры гэтым ён яшчэ раз папрасіў, каб генеральныя пракуроры Беларусі, Расіі і Украіны сабраліся і сумесна вырашылі гэта пытанне.

"Сядзьце ўтрох. Рабіце, як вы лічыце патрэбным. На падставе нашых законаў, міжнародна-прававых актаў прыміце рашэнне па гэтым дзецям. Як прымеце ўтрох, так і будзе", - паабяцаў ён.

0
Тэги:
Беларусь, Аляксандр Лукашэнка