Помнік Давыду Гарадзенскаму ўсталявалі ў Гродне

Помнік князю Давыду Гарадзенскаму ўрачыста адкрылі ў Гродне

47
(абноўлена 08:58 02.06.2018)
Адкрыццё помніка князю Давыду Гарадзенскаму - адно з цэнтральных мерапрыемстваў першага дня Рэспубліканскага фестывалю нацыянальных культур.

МІНСК, 2 чэр — Sputnik. Урачыстая цырымонія адкрыцця помніка князю Давіду Гарадзенскаму адбылася ў пятніцу ў Гродне.

Адкрыццё ўсталяванага напярэдадні помніка стала часткай праграмы XII Рэспубліканскага фестывалю нацыянальных культур, які праходзіць з 1 па 3 чэрвеня ў абласным цэнтры.

Манумент быў усталяваны 24 мая. Ён выраблены з рэдкага светла-шэрага граніту. Размясціўся помнік у цэнтры Гродна — на пляцоўцы каля Старога і Новага замкаў.

Давыд Гарадзенскі паўстае верхам на кані. У правай руцэ ён трымае меч, у левай — крыж, як сімвал хрысціянства.

Князь Давыд Гарадзенскі — знакавая фігура ў гісторыі ВКЛ у пачатку XIV стагоддзя. Гэта адзін з галоўных ваеначальнікаў літоўскага князя Гедыміна. У гісторыю ўвайшоў як палкаводзец, які не ні разу не прайграў у бітвах з Тэўтонскім ордэнам.

Што паглядзець і куды схадзіць падчас XII Рэспубліканскага фестывалю нацыянальных культур — чытайце ў аглядзе Sputnik.

47
Тэги:
Фестываль, Давыд Гарадзенскі, Гродна
Каментары