Рэчы беларускага вайскоўца X стагоддзя знайшлі каля Гальшан

© Photo : Павел КенькаМесца раскопак каля Гальшан
Месца раскопак каля Гальшан - Sputnik Беларусь
Падпісацца
Артэфакты, знойдзеныя падчас раскопак, належылі дружынніку з "вайсковай эліты".
МІНСК, 2 жні — Sputnik. Дом дружынніка X стагоддзя знайшлі археолагі падчас раскопак каля вёскі Гальшаны Ашмянскага раёна, паведаміў карэспандэнту Sputnik кіраўнік экспедыцыі, навуковы супрацоўнік Інстытута гісторыі НАН Беларусі Павел Кенька.
Касцяная флейта ўзростам 4,5 тысячы гадоў - Sputnik Беларусь
Касцяную флейту узростам 4,5 тысячы гадоў знайшлі беларускія археолагі
Каля Гальшан размяшчаецца комплекс археалагічных помнікаў, які ўключае гарадзішча, селішча і тры курганныя групы.
Раскопкі ў гэтых мясцінах беларускія навукоўцы праводзяць ужо адзінаццаць гадоў. За гэты перыяд зроблена шмат знаходак, у тым ліку, антычныя манеты і гунскія наканечнікі стрэл.
"Да гэтага мы знаходзілі пабудовы XI-XV стагоддзяў, а у гэтым годзе ўдалося знайсці жылую пабудову X стагоддзя. Яна ўяўляе сабой два ланцужкі падмурка з буйных валуноў, печ-каменку, а таксама агмень для гатавання ежы", — распавёў спецыяліст.
Вядома, што такія пабудовы сустракаліся ў найбольш важных цэнтрах беларускага і літоўскага Панямоння, напрыклад, у Ваўкавыску, Крэве, Навагрудку, Вільні.
Акрамя самой пабудовы былі знойдзены прадметы, якія таксама датуюцца X стагоддзем: паясныя накладкі на дружынны пояс з Волжскай Булгарыі, фрагмент наканечніка похваў мяча са Скандынавіі, фрагмент срэбнага дырхема, адчаканенага ў Арабскім халіфаце, гірка для ўзважвання срэбра, фрагмент бранзалета і гузік на кафтан з Кіева.
Можна меркаваць, што ўсе гэтыя артэфакты належалі дружынніку, блізкаму да князя, бо мячы ў тыя часы маглі насіць толькі так званыя прадстаўнікі "вайсковай эліты".
Стужка навiн
0