Памятная дошка на доме Уладзіміра Караткевіча

Дом Караткевіча ў Оршы прадалі невядомаму пакупніку

12
(абноўлена 08:57 25.10.2018)
Будынак не ўключаны ў спіс гісторыка-культурных каштоўнасцяў і дзяржавай не ахоўваецца.

ВІЦЕБСК, 25 кас - Sputnik. Дом у Оршы, у якім жыў вядомы беларускі пісьменнік Уладзімір Караткевіч, каля двух тыдняў таму быў прададзены, імя пакупніка невядома, перадае карэспандэнт Sputnik.

Былы гаспадар прасіў за дом каля 34 тысяч беларускіх рублёў. Сярод магчымых пакупнікоў выступала аршанскае грамадскае аб'яднанне "Звяз".

"На жаль, у нас не атрымалася дамовіцца з уладальніцай, і дом быў прададзены невядомаму пакупніку. Ажыятаж вакол будынка быў моцны і жадаючых яго купіць хапала. Наколькі мне вядома, ніхто будынак музею Уладзіміра Караткевіча перадаваць не збіраецца", - распавёў карэспандэнту Sputnik старшыня "Звяза" Ігар Казмерчак.

Паводле яго слоў, прадстаўнікі аб'яднання не губляюць надзеі даведацца, хто новы ўладальнік будынка і паспрабаваць дамовіцца аб куплі з ім.

Нагадаем, дом, які сям'я Караткевічаў купіла ў 1946 годзе, і дзе пісьменнік стварыў сваё знакамітае "Дзiкае паляванне караля Стаха" быў выстаўлены на продаж летам гэтага года траюраднай пляменніцай Караткевіча, якая атрымала дом у спадчыну. На яго знайшлося некалькі пакупнікоў, сярод якіх быў "Звяз", актывісты грамадскага аб'яднання хацелі зрабіць з будынка культурны цэнтр.

12
Тэги:
Уладзімір Караткевіч, Орша
Каментары