Даследчык на беразе Нёмана

Археалагічная сенсацыя: паднятаму з Нёмана чоўну - 500 гадоў

15
(абноўлена 09:13 02.11.2018)
Лодку ўжо прывезлі ў Мінск, пасля ўсіх неабходных работ яна папоўніць экспазіцыю аднаго з музеяў.

МІНСК, 2 ліс - Sputnik. Унікальнай старажытнай лодцы-чоўну, якую паднялі са дна ракі Нёман, аказваецца не 200 гадоў, як меркавалася раней, а ўсе 500, пра гэта Sputnik паведамілі ў Акадэміі навук Беларусі.

Артэфакт старажытнасці паднялі на мінулым тыдні ў Іўеўскім раёне Гродзенскай вобласці з удзелам дайвераў і "джыпераў". А выявілі лодку выпадкова - на яе наткнуўся рыбак, чыя блешня зачапілася за човен, што ляжаў на дне.

"Вынікі даследаванняў паказалі, што човен быў зроблены прыблізна ў 1500-1510 гадах", - адзначылі ў НАН. Там распавялі, што ўзрост дуба, з ствала якога і зроблены корпус, складае не менш за 300 гадоў. Адпаведна, дрэва пачало расці прыкладна ў пачатку XIII стагоддзя.

Гісторыкі ўжо назвалі гэтую падзею гістарычнай сенсацыяй.

Знаходку прывезлі ў Мінск, у Інстытут гісторыі НАН. Лодку рыхтуюць для кансервацыі, а пасля выканання ўсіх неабходных работ яна будзе знаходзіцца ў экспазіцыі аднаго з музеяў.

Такія лодкі шырока выкарыстоўваліся на тэрыторыі старажытнай Беларусі, прычым пачынаючы з каменнага веку. Яны служылі асноўным відам воднага транспарту. У асобных рэгіёнах пабудаваныя такім чынам лодкі выкарыстоўваліся аж да канца XX стагоддзя.

Чытайце таксама:

15
Тэги:
археалагічныя знаходкі, Нацыянальная акадэмія навук Беларусі
Каментары