Праект рэстаўрацыі Гродзенскага замка аўтарства Уладзіміра Бачкова

Замест пакоя, дзе памёр Стэфан Баторый, у Старым замку будзе прыбіральня

97
(абноўлена 10:55 15.11.2018)
Такія метамарфозы адбудуцца на гродзенскім аб’екце, калі будуць выдзеленыя грошы на распрацоўку архітэктурнага і будаўнічага аб’ектаў па другой чарзе рэканструкцыі.

МІНСК, 15 ліс - Sputnik. Згодна з праектам рэканструкцыі Старога замка ў Гродне на месцы пакоя, у якім памёр кароль Стэфан Баторый, плануецца размясціць прыбіральню. Аб гэтым на сваёй старонцы ў "Фэйсбуку" напісаў гісторык Мікалай Волкаў, які з’яўляецца ініцыятарам дыскусіі аб правільнасці рэстаўрацыі гістарычнага аб’екта.

Па словах Волкава, у бліжэйшы час на распрацоўку архітэктурнага і будаўнічага праектаў па другой чарзе рэканструкцыі замка плануюць выдзеліць грошы.

"Менавіта гэта прымусіла мяне заняцца пытаннем архітэктуры палаца, на якое раней я звяртаў мала ўвагі. Зараз можна паспрабаваць нешта змяніць. Калі ж "Гроднаграмадзянпраект" змарнуе сотні тысяч долараў на праектаванне фантазій Бачкова, павярнуць іх ужо будзе вельмі цяжка. Таму трэба змагацца зараз", - падкрэсліў спецыяліст.

Напярэдадні гісторык звярнуўся ў Адміністрацыю прэзідэнта, Міністэрства культуры, Палату прадстаўнікоў, Гродзенскі абвыканкам, Гродзенскі гісторыка-археалагічны музей і Гроднаграмадзянпраект з лістом, у якім пералічаны ўсе недакладнасці рэканструкцыі палаца.

Згодна з планам архітэктара Уладзіміра Бачкова, няправільна вызначана планіроўка памяшканняў першага і другога паверхаў. Не адпавядаюць гістарычным крыніцам від і размяшчэнне галоўнай лесвіцы, атык над палацам і паверх на паддашшы, тэраса ўздоўж палаца. Замест залы "з 12 вокнамі" праектуецца адкрытая тэраса на вежы ля палаца, а у пакоі, дзе памёр Стэфан Баторый, плануецца размясціць прыбіральню для турыстаў.

"Рэалізацыя першай чаргі рэканструкцыі Старога замка ў Гродне (брама і сярэдняя вежа) паказала, што праект Уладзіміра Бачкова, паводле якога выконваюцца працы, не адпавядае гістарычным крыніцам, і каштоўны для нашай краіны помнік пераўтвараецца ў псеўдагістарычную фантазію", - падкрэсліў гісторык.

Адказаў на яго ліст пакуль не было.

Гісторыя пытання

Дыскусіі грамадскасці наконт рэканструкцыі Старога замка ў Гродне доўжацца ўжо не адзін месяц. Беларускія гісторыкі падкрэсліваюць – праект архітэктара Уладзіміра Бачкова не адпавядае гістарычным крыніцам і з’яўляецца фантазіяй аднаго чалавека.

Мікалай Волкаў раней тлумачыў, што навуковае абгрунтаванне праекта рэстаўрацыі Уладзіміра Бачкова зроблена ў 1990 годзе. Большая часта яго праекта скапіявана з даследванняў польскага навукоўца міжваеннага часу Яраслава Вайцэхоўскага, у даследваннях якога ёсць памылкі.

Гэтым летам Гродзенскі аблвыканкам ініцыяваў абмеркаванне праекта, на якім прысутнічалі ўсе зацікаўленыя бакі. Прадстаўнікі ўладаў падчас размовы падкрэслілі, што ўсе працы на замку з самага пачатку ішлі ў адпаведнасці з заканадаўствам.

У сваю чаргу Уладзімір Бачкоў заявіў, што ў яго няма ні сіл, ні жадання, ні часу змагацца з навукоўцамі, бо ён даў абгрунтаваныя адказы на ўсё сумневы спецыялістаў.

Бачкоў падкрэсліў, што Мінкульт пільна сочыць за працамі на замку і адпаведна з заўвагамі праектныя рашэнні змяняюцца.

97
Тэги:
Мікалай Волкаў, Стары замак, Гродна
Тэмы:
Рэканструкцыя Старога замка ў Гродне: аднаўленне ці знішчэнне? (15)
Танзілія з аўтографам

Нацыянальная бібліятэка папоўнілася ўнікальным экспанатам

22
(абноўлена 16:08 08.06.2021)
Сын Змітрака Бядулі перадаў рэдкае выданне свайго бацькі Нацыянальнай бібліятэцы Беларусі. Да гэтага ўстанова наогул не мела ні воднай кнігі "Танзілія".

Сёлета адзначаецца 135-годдзе вядомага літаратара, чые творы ўваходзяць у школьную праграму і рэгулярна перавыдаюцца на працягу ўжо больш як ста гадоў. Аднак далёка не ўсе прыжыццёвыя выданні Змітрака Зядулі зберагліся нават у фондах галоўнай бібліятэкі краіны.

Адным з такіх выключэнняў была яго кніга "Танзілія", выпушчаная літаратурным аб’яднаннем "Узвышша" у 1927 годзе. Менавіта гэта выданне Яфім Самуілавіч Плаўнік разам са сваёй жонкай перадалі ў дар Нацыянальнай бібліятэцы Беларусі, суправадзіўшы яго адпаведным дарчым надпісам.

"Творчае знаёмства нашай бібліятэкі з сям’ёй Змітрака Бядулі асабліва актывізавалася ў гэтым, юбілейным,  годзе", - адзначыў намеснік генеральнага дырэктара ўстановы Алесь Суша. У студзені адбыўся навукова-практычны семінар "Шляхамі маладнякоўцаў", а ў красавіку ледзь не кожны тыдзень праходзілі нейкія мерапрыемствы: выставы, круглы стол і іншае.  У многіх з іх Яфім Самуілавіч прымаў непасрэдны ўдзел. Дарэчы, на восень  запланаваны конкурс для маладых беларускіх творцаў, таксама прысвечаны Бядулі.

Празаічны зборнік Змітрака Бядулі "Танзілія" доўгія дзесяцігоддзі захоўваўся ў сям’і пісьменніка. Узрушаны такой увагай Нацыянальнай бібліятэкі Беларусі сын пісьменніка перадаў яго ў дар установе. Вельмі хутка чытачы змогуць замовіць гэты ўнікальны экзэмпляр і пазнаёміцца з ім бліжэй. Даследчыкі літаратуры не выключаюць, што дзякуючы гэтаму выданню, у творчай біяграфіі Бядулі можа з’явіцца новая старонка.

"Беларускі салавей"

Змітрок Бядуля,  сапраўднае імя якога Самуіл Яфімавіч Плаўнік - беларускі паэт і празаік, мовазнаўца. У пачатку сваёй кар’еры працаваў у "Нашай ніве" з Янкам Купалам.  Апавяданні, напісаныя Змітраком Бядулям у тыя гады, сталі класікай беларускай літаратуры.

Пасля аднаўлення ў Мінску савецкай улады некалькі гадоў працаваў у газеце «Савецкая Беларусь», рэдагаваў дзіцячы часопіс «Зоркі». Працаваў у Інстытуце беларускай культуры, быў першым рэдактарам краязнаўчага этнаграфічнага часопіса "Наш край". Уваходзіў у літаратурнае аб'яднанне "Маладняк", затым у "Узвышша".

Найбольш вядомыя яго творы былі выдадзены пасля рэвалюцыі 1917 года, у вершах - "Палескія байкі" і паэма "Ярыла", у прозе - аповесць "Салавей", зборнік апавяданняў "Незвычайныя гісторыі" і раман "Язэп Крушынскі". У 1939 году выйшла аўтабіяграфічная аповесць "У дрымучых лясах".

Чытайце таксама:

22
Тэги:
кніга, Змітрок Бядуля, Нацыянальная бібліятэка Беларусі

Сустрэча на Сёмуху: як прайшоў абрад "Ваджэнне Кусты"

60
(абноўлена 15:17 01.06.2021)
  • Абрад Ваджэнне Кусты ў вёсцы Журавы Ашмянскага раёна
  • Абрад Ваджэнне Кусты ў вёсцы Журавы Ашмянскага раёна
  • Абрад Ваджэнне Кусты ў вёсцы Журавы Ашмянскага раёна
  • Абрад Ваджэнне Кусты ў вёсцы Журавы Ашмянскага раёна
  • Абрад Ваджэнне Кусты ў вёсцы Журавы Ашмянскага раёна
  • Абрад Ваджэнне Кусты ў вёсцы Журавы Ашмянскага раёна
  • Абрад Ваджэнне Кусты ў вёсцы Журавы Ашмянскага раёна
  • Абрад Ваджэнне Кусты ў вёсцы Журавы Ашмянскага раёна
  • Абрад Ваджэнне Кусты ў вёсцы Журавы Ашмянскага раёна
  • Абрад Ваджэнне Кусты ў вёсцы Журавы Ашмянскага раёна
  • Абрад Ваджэнне Кусты ў вёсцы Журавы Ашмянскага раёна
  • Абрад Ваджэнне Кусты ў вёсцы Журавы Ашмянскага раёна
  • Абрад Ваджэнне Кусты ў вёсцы Журавы Ашмянскага раёна
  • Абрад Ваджэнне Кусты ў вёсцы Журавы Ашмянскага раёна
  • Абрад Ваджэнне Кусты ў вёсцы Журавы Ашмянскага раёна
  • Абрад Ваджэнне Кусты ў вёсцы Журавы Ашмянскага раёна
Сёмуха — старажытнае свята беларускай культуры, якое сімвалізуе ўласцівае канцу вясны і пачатку лета ушанаванне зеляніны, дрэў, кветак.

Сёмуху яшчэ называлі "Зяленымі святкамі". Сёмуха прыходзіць на час, калі квітнее расліннасць, а ў зямляроба, у яго бясконцых клопатах, адбываецца невялікая перадышка: сяўба скончылася, а сенакос яшчэ не наступіў.

Гэта свята лічыцца таксама дзявоцкім, таму што менавіта дзяўчына сімвалізуе маладосць і прыгажосць прыроды.

Обряд Вождение Куста
© Sputnik Альфред Микус

30 мая Тройцу ў вёсцы Журавы Ашмянскага раёна на Сёмуху правялі абрад "Ваджэнне Кусты". Свята арганізавалі сіламі аддзела культуры вёскі Гродзі разам з народным калектывам аграгарадка Гальшаны і сямейным калектывам "Граўжанцы".

"Куста" - гэта сімвал ураджаю. 3 цягам часу абрад набыў вясельную накіраванасць і стаў надзеяй і пажаданнем добрага шлюбу.

Гурт з "Кустой" абышоў амаль усю вёску са святочнымі песнямі, просячы гаспадароў двароў адарыць яе і завітаць на свята.

Каб абрад быў цалкам завершаны, кожны з прысутных павінен быў сарваць з "Кусты" па некалькі лісткоў на добры ўраджай.

Сівалічнай сёмушнай стравай лічыцца яечня, прыгатаваная па спецыяльным рэцэпце, якой і частавалі ўсіх гледачоў і ўдзельнікаў свята.

60
  • Абрад Ваджэнне Кусты ў вёсцы Журавы Ашмянскага раёна
    © Sputnik Альфред Микус

    Абрад "Ваджэнне Кусты" правялi ў вёсцы Журавы Ашмянскага раёна на Тройцу.

  • Абрад Ваджэнне Кусты ў вёсцы Журавы Ашмянскага раёна
    © Sputnik Альфред Микус

    Дзяўчыну, якая выконвае ролю "Кусты", упрыгожылi лiсцем клёну.

  • Абрад Ваджэнне Кусты ў вёсцы Журавы Ашмянскага раёна
    © Sputnik Альфред Микус

    Сёмуха — старажытнае свята беларускай культуры, якое сімвалізуе ўласцівае канцу вясны і пачатку лета ушанаванне зеляніны, дрэў, кветак.

  • Абрад Ваджэнне Кусты ў вёсцы Журавы Ашмянскага раёна
    © Sputnik Альфред Микус

    Свята арганізавалі сіламі аддзела культуры вёскі Гродзі разам з народным калектывам аграгарадка Гальшаны і сямейным калектывам "Граўжанцы".

  • Абрад Ваджэнне Кусты ў вёсцы Журавы Ашмянскага раёна
    © Sputnik Альфред Микус

    Гурт з "Кустой" абышоў амаль усю вёску са святочнымі песнямі.

  • Абрад Ваджэнне Кусты ў вёсцы Журавы Ашмянскага раёна
    © Sputnik Альфред Микус

    Гаспадароў прасiлi адарыць "Кусту" і завітаць на свята.

  • Абрад Ваджэнне Кусты ў вёсцы Журавы Ашмянскага раёна
    © Sputnik Альфред Микус

    "Куста" - гэта сімвал ураджаю.

  • Абрад Ваджэнне Кусты ў вёсцы Журавы Ашмянскага раёна
    © Sputnik Альфред Микус

    Падарункi ад гаспадароў.

  • Абрад Ваджэнне Кусты ў вёсцы Журавы Ашмянскага раёна
    © Sputnik Альфред Микус

    Сёмуху яшчэ называлі "Зяленымі святкамі".

  • Абрад Ваджэнне Кусты ў вёсцы Журавы Ашмянскага раёна
    © Sputnik Альфред Микус

    Сёмуха прыходзіць на час, калі квітнее расліннасць, а ў зямляроба, у яго бясконцых клопатах, адбываецца невялікая перадышка: сяўба скончылася, а сенакос яшчэ не наступіў.

  • Абрад Ваджэнне Кусты ў вёсцы Журавы Ашмянскага раёна
    © Sputnik Альфред Микус

    Гэта свята лічыцца таксама дзявоцкім, таму што менавіта дзяўчына сімвалізуе маладосць і прыгажосць прыроды.

  • Абрад Ваджэнне Кусты ў вёсцы Журавы Ашмянскага раёна
    © Sputnik Альфред Микус

    Пасля ваджэння госцi селi за стол.

  • Абрад Ваджэнне Кусты ў вёсцы Журавы Ашмянскага раёна
    © Sputnik Альфред Микус

    Сівалічнай сёмушнай стравай лічыцца яечня, прыгатаваная па спецыяльным рэцэпце, якой і частавалі ўсіх гледачоў і ўдзельнікаў свята.

  • Абрад Ваджэнне Кусты ў вёсцы Журавы Ашмянскага раёна
    © Sputnik Альфред Микус

    Пасля правядзення абраду пачалася канцэртная праграма і народныя танцы.

  • Абрад Ваджэнне Кусты ў вёсцы Журавы Ашмянскага раёна
    © Sputnik Альфред Микус

    Каб абрад быў цалкам завершаны, кожны з прысутных павінен быў сарваць з "Кусты" па некалькі лісткоў на добры ўраджай.

  • Абрад Ваджэнне Кусты ў вёсцы Журавы Ашмянскага раёна
    © Sputnik Альфред Микус

    3 цягам часу абрад набыў вясельную накіраванасць і стаў надзеяй і пажаданнем добрага шлюбу.

Тэги:
Ашмяны, абрады Беларусі

Самыя прыгожыя гарады Расіі - топ-20

0
(абноўлена 16:46 12.06.2021)
  • Адміралцейства і Ісаакіеўскі сабор у Санкт-Пецярбургу
  • Купалы Храма Васіля Блажэннага на Чырвонай плошчы ў Маскве
  • Від на Петрапаўлаўскі сабор, Спаскую вежу Казанскага Крамля і мячэць Кул Шарыф
  • Екацярынбург
  • Калінінград
  • Ніжні Ноўгарад
  • Алімпійскі парк у Імярэцінскай нізіне Адлерскага раёна горада Сочы
  • Уладзімір
  • Растоў-на-Доне
  • Вялікі Ноўгарад
  • Яраслаўль
  • Камунальны мост праз Енісей у Краснаярску
  • Від на горад Севастопаль
  • Пскоўскі крэмль
  • Від на Выбарг з вежы святога Олафа Выбаргскага замка
  • Набярэжная Ангары ў Іркуцку
  • Самара
  • Волагда
  • Краснадарскі парк Галіцкага
  • Уладзівасток
Сярод тысячы расійскіх гарадоў - вялікіх і зусім маленькіх, цёплых і паўночных, старажытных і адносна маладых, з марскімі набярэжнымі і тых, што раскінуліся на берагах шырокіх рэк - не гэтак проста выбраць і назваць самыя прыгожыя.

Несумненныя лідэры, якія па праву ўзначаляць рэйтынг любога турыстычнага выдання, - горад белых начэй Санкт-Пецярбург і золатагаловая сталіца Масква. У пяцёрку лідэраў абавязкова ўвойдуць горад дзвюх культур - рускай і татарскай - Казань, сталіца Паволжа Ніжні Ноўгарад і скарб Урала Екацярынбург. А што ж далей?

Глядзіце ў фотастужцы Sputnik дваццатку самых прыгожых гарадоў Расіі - па-свойму ўнікальных, маляўнічых, багатых славутасцямі, гістарычнымі помнікамі, грандыёзнымі будынкамі, якія дыхаюць гісторыяй і культурай.

Глядзіце таксама:

0
  • Адміралцейства і Ісаакіеўскі сабор у Санкт-Пецярбургу
    © Sputnik / Владимир Астапкович

    Архітэктурныя шэдэўры - Адміралцейства і Ісаакіеўскі сабор, Эрмітаж, Петрапаўлаўская крэпасць - белыя ночы і разводныя масты, набярэжныя і паркі кожны год прыцягваюць турыстаў з усяго свету наведаць гэты найпрыгажэйшы горад на Няве. Санкт-Пецярбург па праве лідзіруе ва ўсіх апытаннях і перавагах і турыстаў, і саміх расіян.

  • Купалы Храма Васіля Блажэннага на Чырвонай плошчы ў Маскве
    © Sputnik / Алексей Дружинин

    Сталіца краіны з'яўляецца адным з найстарэйшых расійскіх гарадоў, які незлічоную колькасць разоў згараў амаль дашчэнту, быў разрабаваны, але столькі ж разоў паўставаў з попелу, перараджаўся і станавіўся яшчэ больш цудоўным. Першае, што варта зрабіць наведаўшы Маскву, - гэта прайсціся па старадаўняй і сімвалічнай вуліцы горада - Арбаце, адчуць кантраст вузкіх вулачак старадаўняга цэнтра на фоне раскошных праспектаў Москоў-сіці, наведаць найстаражытнае збудаванне сталіцы - Крэмль.

  • Від на Петрапаўлаўскі сабор, Спаскую вежу Казанскага Крамля і мячэць Кул Шарыф
    © Sputnik / Максим Богодвид

    Казань - сталіца Татарстана і буйны порт на беразе Волгі. Тут сустрэліся дзве культуры - руская і татарская, надаўшы гораду ўнікальны і непаўторны гістарычны каларыт. Галоўная прыгажосць і шарм гэтага горада крыецца ва ўзрушаючых мячэцях, суседніх з хрысціянскімі цэрквамі. Сярод іншых сімвалічных помнікаў - "падаючая" ​​вежа Сююмбіке, Казанскі заасад, Нацыянальны музей і Тэатр оперы і балета.

  • Екацярынбург
    © Sputnik / Константин Чалабов

    Сапраўдны скарб Урала - Екацярынбург. Тут сканцэнтравана каля шасці соцень архітэктурных помнікаў. Шматлікія дарэвалюцыйныя помнікі суседнічаюць са старадаўнімі цэрквамі, сядзібамі, садамі і палацамі. У ліку першарадных месцаў для наведвання - Царскі мост, Вялікі Залатавуст, Аляксандра-Неўскі сабор і Сядзіба Жалязнова.

  • Калінінград
    © Sputnik / Алексей Филиппов

    Калінінград - старадаўні нямецкі горад, які стаў рускім пасля 1945 года. Падчас вайны Калінінград пацярпеў ад моцных разбурэнняў, але не згубіў сваё аблічча. Асноўныя славутасці горада: вежа Урангеля, Кафедральны сабор, царква Каралевы Луізы, Каралеўскія вароты, помнік барону Мюнхгаўзену.

  • Ніжні Ноўгарад
    © Sputnik / Екатерина Чеснокова

    Выгляд з байніцы Ніжагародскага Крамля на Стрэлку Акі і Волгі - адну з галоўных прыродных славутасцей Ніжняга Ноўгарада на месцы зліцця рэк Акі і Волгі. У савецкія часы горад насіў імя пісьменніка Горкага. Яго называюць сталіцай Паволжа, з'яўляецца пятым мегаполісам ў Расіі. Уваходзіць у спіс аб'ектаў Сусветнай спадчыны ЮНЕСКА. Сярод славутасцей горада можна вылучыць: Сабор Аляксандра Неўскага і Пячэрскі Вазнясенскі манастыр, Драўляная царква Пакрова Прасвятой Багародзіцы, Царква Раства Іаана Прадцечы, Ніжагародскі Крэмль і Чкалаўская лесвіца.

  • Алімпійскі парк у Імярэцінскай нізіне Адлерскага раёна горада Сочы
    © Sputnik / Владимир Сергеев

    Непаўторны каларыт, выдатная прырода, прыемны клімат надаюць Сочы асаблівую прывабнасць з пункту гледжання турызму. Жамчужына чарнаморскага ўзбярэжжа патанае ў зеляніне і вабіць шумам марскога прыбою, утульнымі пляжамі, рэстаранамі і незлічонай колькасцю забаў. Акрамя ціхамірнага адпачынку на пляжах Сочы, ёсць што наведаць для спасціжэння праўдзівага духу гэтага горада - напрыклад, Акіянарыум, дэндрарый, музей этнаграфіі, забаўляльны комплекс Рыўера, Арліныя скалы і Ціса-самшытавы гай.

  • Уладзімір
    © Sputnik / Алексей Куденко

    Уладзімір - старажытны горад князя Уладзіміра - уваходзіць у Залатое Кальцо Расіі. Быў заснаваны князем Уладзімірам у 990 годзе. Размяшчаецца на ўзбярэжжы ракі Клязьма, акружаны шырокімі палямі, лясамі. Наведванне памятных месцаў варта пачаць з самых значных - такіх, як Дзмітрыеўскі сабор, Траецкая царква, Гістарычны музей, Планетарый або Уладзімірскі цэнтрал.

  • Растоў-на-Доне
    © Sputnik / Сергей Пивоваров

    Паўднёвая сталіца Расіі, культурны і навукова-адукацыйны цэнтр - горад Растоў-на-Доне, з найпрыгожымі паркамі, поўны зеляніны і забаўляльных цэнтраў. За 2,5 стагоддзя свайго існавання горад паспеў абрасці цікавымі помнікамі, мае выдатную гарадскую набярэжную з пахучымі кветкамі і расліннасцю, яго разнастайныя музеі апавядаюць гісторыю чыгуначнай тэхнікі і касманаўтыкі, ёсць і развадны мост, і мноства сабораў.

  • Вялікі Ноўгарад
    © Sputnik / Константин Чалабов

    Вялікі Ноўгарад, які выгадна размяшчаўся на старажытным гандлёвым шляху паміж Сярэдняй Азіяй і Паўночнай Еўропай, быў у IX стагоддзі першай сталіцай Расіі, цэнтрам праваслаўнай духоўнасці і рускай архітэктуры. Тут знаходзяцца сярэднявечныя помнікі, цэрквы і манастыры, а таксама фрэскі Феафана Грэка.

  • Яраслаўль
    © Sputnik / Алексей Куденко

    Адзін з найстарэйшых гарадоў краіны Яраслаўль з'яўляецца адным з пунктаў на шляху маршруту "Залатое кальцо" і адным з самых папулярных цэнтраў культурнага адпачынку ў Расіі. Падарожжа ў Яраслаўль запомніцца архітэктурнымі помнікамі даўніны - такімі, як Дзямідаўскі слуп, Сямёнаўскі мост, помнік Яраславу Мудраму і дзесяткі храмаў і сабораў, як, напрыклад, Успенскі кафедральны сабор на стрэлцы Волгі і Катораслі.

  • Камунальны мост праз Енісей у Краснаярску
    © Sputnik / Александр Кряжев

    Халодны сібірскі прыгажун Краснаярск раскінуўся на берагах Енісея, а яго славутасці дэманструюць тую нязломную моц, якая рухала наперад да адкрыццяў даследчыкамі суровых сібірскіх зямель. Сёння горад славіцца запаведнікамі, якія дэманструюць асаблівы шарм і загадкавасць халоднай паўночнай прыроды. Тут знаходзіцца драўляная сядзіба Сурыкава, у якой захавалася памяць пра жыццё і творчасць вядомага мастака.

  • Від на горад Севастопаль
    © Sputnik / Алексей Мальгавко

    Севастопаль - горад рускіх маракоў. Незамярзаючы марскі гандлёвы і рыбны порт, прамысловы і культурна-гістарычны цэнтр. Тут знаходзіцца старажытны горад Херсанес Таўрычны, знакамітая Графская прыстань, помнік затопленым караблям, Дзяржаўны музей гераічнай абароны і вызвалення Севастопаля, Сабор Святога Роўнаапостальнага Князя Уладзіміра - пахавальня расійскіх адміралаў і галоўны марскі храм горада.

  • Пскоўскі крэмль
    © Sputnik / Кирилл Каллиников

    У мінулым Плескоў, цяпер Пскоў, стаў часткай найстарэйшай гісторыі краю. На землях Пскова захавалася незлічонае мноства рэлігійных, фартыфікацыйных і іншых грамадзянскіх збудаванняў ХII-XVI стагоддзяў, якія перажылі страшнае нашэсце ў гады татара-мангольскага іга. Шматлікія музеі, манументы, мноства старадаўніх храмаў і манастыроў, набярэжныя рэк Вялікай і Псковы - гэта толькі малая доля тых месцаў, якія на свае вочы варта ўбачыць кожнаму.

  • Від на Выбарг з вежы святога Олафа Выбаргскага замка
    © Sputnik / Алексей Даничев

    Выбарг можа супернічаць з Калінінградам за званне самага еўрапейскага горада Расіі: тут захавалася традыцыйная для Паўночнай Еўропы гістарычная забудова. Турысты могуць убачыць жылы дом XVI стагоддзя і прагуляцца па вузкіх брукаваных вулачках. Галоўныя славутасці добра захаваліся - сярэднявечны Выбаргскі замак, будаўніцтва якога пачалося яшчэ ў XII стагоддзі, Гадзінная і Круглая вежы, а таксама размешчаны на беразе бухты Ахоўнай парк Монрэпо.

  • Набярэжная Ангары ў Іркуцку
    © Sputnik / Кирилл Шипицин

    Іркуцк спалучае ў сабе шарм даўніны і сучаснай архітэктуры. У большасці людзей Іркуцк асацыіруецца з Байкалам. Так што пры наведванні гэтага горада, з колькасцю насельніцтва больш за 600 тысяч чалавек, можна сумясціць уражанні: прагуляцца па прыгожаму гораду, і наведаць самае глыбокае возера на планеце.

  • Самара
    © Sputnik / Игорь Агеенко

    Адзін з гарадоў-мільённікаў Расіі, Самара раскінулася ўздоўж берагоў Волгі. Тут знаходзіцца самая доўгая ў Расіі набярэжная - яе працягласць складае каля 5 кіламетраў. Архітэктуры горада ўласціва змешванне стыляў - ад класікі, да сацыялістычнага канструктывізму і мадэрна. У ліку ўпадабаных месцаў турыстычных прагулак - Іверскі манастыр, Нацыянальны парк "Самарская Лука", Жыгулёўскі піўзавод, касмічны музей.

  • Волагда
    © Sputnik / Мария Плотникова

    Падарожжа ў Волагду прыйдзецца па душы аматарам паўночных пейзажаў і старажытнарускай прыгажосці. Тут захаваліся старажытныя цэрквы і традыцыйная драўляная забудова, а над усім гэтым велічна ўзвышаецца званіца старадаўняга Сафійскага сабора. Турыстычны і культурны цэнтр Волагды - Валагодскі крэмль, які стаіць на беразе ракі Волагды.

  • Краснадарскі парк Галіцкага
    © Sputnik / Виталий Тимкив

    Краснадар - сталіца Кубані - месца з багатай гісторыяй, культурны цэнтр рэгіёна і горад, па якім цікава прагуляцца. Напрыклад, парк Галіцкага ля стадыёна "Краснадар" узнагароджаны міжнароднай прэміяй Urban Parks Awards, якая прысуджаецца за ўклад у развіццё паркаў і грамадскіх прастор. З гэтым горадам многае звязана: на шляху ў Крым і Тамань тут бывалі Пушкін і Лермантаў, а ў гады Грамадзянскай вайны Екацярынадар, узяты Добраахвотніцкай арміяй Дзянікіна, па сутнасці стаў цэнтрам Белага руху на поўдні краіны.

  • Уладзівасток
    © Sputnik / Виталий Аньков

    Уладзівасток з яго стромкімі пагоркамі і падвеснымі мастамі на фоне акіяна часта параўноўваюць з яго Ціхаакіянскім братам Сан-Францыска. Захапляльныя ландшафты і багатая архітэктурная спадчына Уладзівастока дыхаюць сапраўднасцю і ўсходнім зачараваннем. Справа на фота - вантавы мост праз бухту Залаты Рог, на далёкім плане злева - вантавы мост праз праліў Басфор Усходні на востраў Рускі.

Тэги:
Расія, гарады