Ягады

Для сапраўдных ласуноў: беларускія народныя стравы з ягад

55
(абноўлена 15:35 11.07.2019)
Нашы продкі ўмелі выдатна гатаваць не толкі мяса з бульбай, у кулінарнай скарбонцы безліч ягадных рэцэптаў. Дарэчы, не толькі салодкіх.

Калі надакучыла есці свежыя ягады, а варыць варэнне і кампот ужо няма сілаў, можна прыгатаваць што-небудзь з беларускай народнай кулінарнай кнігі.

Жэле з малінаў

Самым папулярным дэсертам у ягадную пару было жэле. Яго можна прыгатаваць з розных ягад, але неверагодна смачным яно атрымаецца менавіта з малінаў. Тым больш, што акрамя іх, цукару і вады ніякіх інгрдыентаў больш не спатрэбіцца. Працэс прыгатавання таксама вельмі просты: маліны заліваюць вадой, даводзяць да кіпення, а ў атрыманы адвар дадаюць цукар у суаднасенні 1:1 і мяшаюць, каб да поўнага растварэння. Гарачае жэле разліваюць па слоіках і адносяць у халонае месца, каб пакуль яно не астыне, хадзіць па хаце і залівацца слінкамі.

Маліны
© Photo : Ларыса Мятлеўская
Маліны

Можна да малін дадаваць чырвоныя парэчкі, але тады трэба павялічыць колькасць цукру на адзін літр вады з аднаго кілаграма да 1,5.

Беларускія гаспадыні акрамя ягад выкарыстовалі сцябло, кветкі і лісце малін. Яны рабілі настоі і гарбату, якія пілі пры прастудах як патагонны сродак.

Смажаныя кураняты з агрэстам

І хаця радзіма агрэсту – Заходняя Еўропа, на Беларусі ён карыстаўся вялікай папулярнасцю. Каб захаваць карысную ягаду на зіму, яе змяшчалі ў адмысловыя бутэлькі, а зімой дадавалі ў якасці гарніру да розных страў. Прыгатаваць з агрэсту можна і віно, і морсы з кампотамі і нават жэле, але сапраўдных гурманаў зацікавяць кураняты з агрэстам.

Агрэст
© Sputnik Ларыса Мятлеўская
Агрэст

Для іх прыгатавання куранят вараць у юшцы з морквай, цыбуляй, пятрушкай і сельдэрэем, а недаспелы агрэст тушаць у некалькіх лыжках гэтай юшкі, дадаўшы цукар. Муку падсмажваюць у растопленым масле, разводзяць юшкай, ддаюць патушаны агрэст і заліваюць гэтай сумессю куранят.

Кулага беларуская

Суніцы нашы продкі елі са смятанай і малаком, дадавалі ў малочны суп з тварагом, гатавалі кулагу ці проста сушылі іх. Лічылася, што гэтая ягада дапамагае ад пакут закаханага сэрца.

Суніцы
© Sputnik Ларыса Мятлеўская
Суніцы

 Акрамя традыцыйнага спісу з жэле, кампотаў і варэнняў, з суніц гатавалі цікавую страву – кулагу беларускую. Яе можна гатаваць з любых лясных ягад – суніц, чарніц, малін, брусніц, буякоў, каліны і нават чаромхі. Прынцып прыгатавання адкнолькавы.

Гліняны гаршчок запаўняецц ягадамі і вадой у суадносінах 1:1. Варыць кулагу можна як у печы, так і на пліце. Калі ягады разварваюцца, да іх дадаюць аржаную муку і вараць, пакуль маса па кансістэнцыі не стане падобнай да кісялю. Есці такі дэсерт можна з цукрам ці мёдам.

Чытайце таксама:

55
Тэги:
Беларусь, Нацыянальная кухня
Тэмы:
Прыродная сталоўка: гатуем з таго, што пад нагамі (45)

Спадчына