Памінальны стол, архіўнае фота

Куцця і заяц у смятане: гатуем памінальны стол па рэцэптах продкаў

50
(абноўлена 15:10 16.11.2019)
Этнограф Ларыса Мятлеўская распавядае, якія стравы гатавалі на Беларусі падчас памінальных дзён. У тэксце - шмат рэцэптаў!

Лістапад – месяц, калі продкаў памінаюць не раз. У народным календары гэтаму прызначаны пэўныя дні. Звычайна яны прыпадаюць на пятніцу або суботу за тыдзень да асноўнага свята. Так надыходзяць Міхайлаўскія або Асеннія Дзяды.

Такое свята – гэта асаблівы дзень, да якога рыхтуюцца загадзя: прыводзяць у парадак прысядзібную тэрыторыю, прыбіраюцца ў хаце і беляць яе. Усе гэтыя клопаты ляжаць на плячах жанчын. Дарэчы, памінанню працавітых, добрых жанчын – матуль, бабуль, сясцёр, якіх ужо няма побач – прысвечаны памінальны дзень Міхайлаўскія Бабы.

У памінальныя дні нашы продкі абавязкова хадзілі ў Царкву, а пасля набажэнства спяшаліся  накрыць святочны стол. Памінальныя святы - добрая нагода прыгатаваць стравы, якія любілі родныя і блізкія. Былі ў беларусаў і абавязковыя стравы – іх гаспадыні заўсёды ставілі на памінальны стол.

Страў павінна быць некалькі і сярод іх абавязкова куцця і бліны. Калі людзі садзіліся за стол, пакрыху ад кожнай стравы адкладалі на асобную талерку і ставілі на покуці. Пра такі звычай казалі: "Перш чым сабе - продкам". Гэтую ежу праз тры дні выносілі з хаты і аддавалі птушкам.

Куцця памінальная

Па рэцэпце Марыі Іванаўны Турановіч з вёскі Семежава, што ў Капыльскім раёне Мінскай вобласці.

Інгрыдыенты:

  • 1 шклянка пшанічных круп
  • 100 г маку
  • 100 г грэцкіх арэхаў
  • 2-3 ст лыжкі мёду
  • Цукар

Як гатаваць:

Зварыць на вадзе посную кашу, астудзіць, пасыпаць цукрам. У іншым посудзе расцерці мак да з’яўлення "малачка", дадаць мёд, змяшаць з кашай і добра перамяшаць. Калі каша вельмі густая, то ў яе можна дадаць крыху халоднай гатаванай вады. Апошнімі ў страву дадаюць арэхі.

Рождественская кутья
© Sputnik / Виктор Толочко
Кожная гаспадыня павінна ўмець гатаваць куццю

Бліны на сыроватцы

  • 1 л сыроваткі
  • 0,5 ст лыжкі соды
  • 1 яйка
  • Мука па патрэбе
  • Соль
  • Цукар па смаку

Як гатаваць:

У сыроватку сыплюць соду, каб добра запенілася. Дадаюць яйка, соль, цукар па смаку і мукі столькі, каб цеста было не густое і добра лілася.

Готовые блины
© Sputnik Людмила Янковская
Блінцы - сапраўдная смаката!

На разагрэтую патэльню ўліваюць алей два чарпакі цеста. Ставяць патэльню ў печ і чакаюць пакуль не зашкварчыць, каб перавярнуць блін на другі бок.

Да бліноў падаюць салодкае малако.

Заяц са смятанай

Інгрыдыенты:

  • 1 заяц
  • 100 г свінога сала
  • 1,5 ч лыжкі солі
  • 50-80 г масла
  • 200 г смятаны

Як гатаваць:

Тушку зайца або труса мачыць у халоднай вадзе амаль два дні, часта зменьваючы ваду.

Мясо кроликов сейчас можно найти и в супермаркетах, но многие приезжают за ним только на Комаровку
© Sputnik / Виктор Толочко
Замест зайца можна ўзяць труса

Дастаўшы з вады, тушку абсушыць, нашпігаваць салам і пасаліць,  пакласці на бляху і пячы, абклаўшы кавалкамі масла. Калі спячэцца напалову, паліць смятанай і ў ёй дапячы. Тады парэзаць на кавалкі і заліць ядлоўцавым соусам.

Рыба, тушаная у смятане з бульбай

Інгрыдыенты:

  • 1,5 кг шчупака
  • 1,5 кг бульбы
  • 1 ст лыжка масла
  • Соль па смаку
  • Шчопаць духмянага перцу
  • 400 г смятаны

Як гатаваць:

Змазаць форму для запякання тоўстым слоем масла. Нарэзаць абабраную бульбу кружочкамі, выкласці тонкім слоем у форму. Пачышчаную і выпатрашаную рыбу нарэзаць на кавалкі, пасаліць і паперчыць па смаку і выкласці слаямі па чарзе з бульбай.

Живая щука на ярмарке стоит 5,2 рубля
© Sputnik / Мария Амелина
Каб прыгатаваць смачную страву, трэба выбраць добрага шчупака

Заліць усё смятанай і уставіць у печ альбо ў духоўку на 30-40  хвілін.

50
Тэги:
беларуская кухня, Ларыса Мятлеўская
Тэмы:
Спадчына: традыцыі і вераванні нашых продкаў (76)

Спадчына