Посцім смачна: як прыгатаваць кісель

© Sputnik / Ларыса МятлеўскаяКісель з марожанай ароніі будзе дарэчы
Кісель з марожанай ароніі будзе дарэчы - Sputnik Беларусь
Падпісацца
Этнограф Ларыса Мятлеўская распавядае як па старажытных народных рэцэптах прыгатаваць некалькі варыянтаў кісялю адмыслова да поснага стала.
Народную прымаўку "Бегчы сем вёрст, каб кісялю пахлябаць" можна трактаваць па рознаму. З аднаго боку выцякае, што кісель – страва не вельмі спажыўная: пасля яе ўжывання хутка хочацца есці зноў. Калі зірнуць на прымаўку з другога боку, больш аптымістычнага, то хтосці любіць кісялі настолькі, што гатовы сем вёрст бегчы, абы пачаставацца любімай стравай.
Бульба з мазёхай - Sputnik Беларусь
Посцім смачна: гатуем мазёху, мілту і мурцоўку
На Беларусі кісялі заўсёды былі абавязковай поснай стравай, любімым ласункам малых і дарослых.
Старажытныя кулінарныя кнігі вучаць, што кісель можна прыгатаваць са свежых, свежазамарожаных і сушаных пладоў і ягад, сокаў, сіропаў і бульбянага крухмалу. Узяўшы большую або меншую колькасць крухмалу, можна атрымаць рознныя па гушчыні кісялі. Звычайна гатуюць кісель сярэдняй гушчыні. На 4 стаканы такога кісялю бяруць 2 лыжкі крухмалу. Калі дадаць яшчэ 1 лыжку да гэтай колькасці вадкасці, то атрымаецца густы кісель.
 
Парады спрактыкаванай гаспадыні:
  • каб на паверхні кісялю не ўтварылася плёнка, трэба пасыпаць яго тонкім слоем цукару;
  • каб прыгатаваць кісель са свежых ягад, спачатку варта адціснуць сок, потым зварыць ягады, пасля дадаць крухмал і толькі пасля гэтага дадаць сок. Такі спосаб прыгатавання дазвале захаваць у страве больш вірамінеаў;
  • разведзены крухмал абавязкова уліваюць у гарачы сіроп адразу, а не па частках, і хутка размешваюць. Ліць лепей не ў сярэдзіну, а па краях каструлі;
  • у ягадныя кісялі можна дадавць крыху лімоннай кіслаты ці лімоннага соку, разбаўленага у халоднай гатаванай вадзе;
  • у гарачы кісель для лепшага смаку можна пакласці крыху ваніліну.

Кісель з сока каліны

Інгрыдыенты:
  • 100 мл сока каліны
  • 280 гр цукру
  • 90 гр крухмалу
  • 2 л вады
 
Як гатаваць:
Крухмал развесці ў невялікай колькасці вады, уліць у гарачы сок, разбаўлены вадой, і, мяшаючы, давесці да кіпення.

Кісель з паранай каліны

Інгрыдыенты:
  • 100 гр каліны
  • 0,5 стакана цукру
  • 2 ст лыжкі крухмалу
  • 2 шклянкі вады
Як гатаваць:
Ягады перабраць, памыць, пакласці ў каструлю, заліць гарачай вадой і парыць на пліце або ў печы 1 гадзіну. Затым каліну працерці праз сіта, уліць гарачую ваду, дадаць цукар, перамяшаць і давесці да кіпення, уліць разведзены ў шклянцы вады крухмал і даць яшчэ раз закіпець.

Аўсяны кісель

Інгрыдыенты:
  • 1 кг аўса
  • мёд або цукар па смаку
  • 1 л вады
Як гатаваць:
Авёс намачыць, закруціць у марлю і пакласці ў цёплае месца, каб ён пачаў прарастаць. Калі прарос, трэба яго высушыць і стаўчы ў ступцы, такім чынам атрымаецца солад. Яго трэба высыпаць у гліняны посуд, уліць 3-4 шклянкі цёплай вады і паставіць у цёплае месца, каб заквасіўся, на 24 гадзіны. Калі солад закісне, неабходна уліць у яго яшчэ 2-3 шклянкі вады і працадзіць праз сіта. Павінна атрымацца каля літра вадкасці. Працэджаны раствор варта пераліць у каструлю і давесці да кіпення, увесь час мяшаючы. Калі маса загусцее, яе трэба пераліць у формы і даць астыць.Есці такі кісель можна з мёдам ці варэннем.
 
А можна зрабіць з гэтага кісялю і не салодкую страву. Для гэтага трэба пакрышыць цыбулю і пасмажыць яе на алеі. Такі варыянт трэба падаваць на стол пад лусту чорнага хлеба.
Стужка навiн
0