Уведзены рэжым забароны на наведванне лясоў

Забарона на наведванне лясоў уведзена ў 11 раёнах Беларусі

26
(абноўлена 15:10 09.06.2015)
У асноўным абмежавальныя меры закранулі жыхароў поўдня рэспублікі.

МІНСК, 9 чэр — Sputnik. Забарона на наведванне лясоў грамадзянамі ў сувязі з павышэннем небяспекі ўзнікнення пажараў ўведзены ў 11 раёнах Беларусі, паведамілі Sputnik ў прэс-службе Міністэрства лясной гаспадаркі рэспублікі.

Мясцовыя ўлады ўводзяць забароны, каб забяспечыць пажарную бяспеку і не дапусціць ўскладнення становішча падчас засухі.

Так, па інфармацыі Мінлясгаса, нельга наведваць лесу ў Калінкавіцкім, Хойніцкім, Пінскім, Брагінскім, Столінскім, Чэрыкаўскім, Гомельскім, Мсціслаўскім, Касцюковіцкім, Бабруйскам і Нараўлянскім раёнах.

У міністэрстве сказалі, што Дзяржаўная лясная ахова для кантролю за выкананнем забароны праводзіць рэйдавыя праверкі.

У Мінлясгасе таксама паведамілі, што па стане на 8 чэрвеня ў лясным фондзе рэспублікі зарэгістраваныя 286 пажараў, з іх 114 выпадкаў — на Гомельшчыне, 65 — у Брэсцкай вобласці, 64 — на Магілёўшчыне, 31 — на Міншчыне, 5 — на Гродзеншчыне і 9 — у Віцебскай вобласці. Агульная плошча пажараў склала больш за 1300 га.

26
Тэги:
Навакольнае асяроддзе, Бедствы і надзвычайныя здарэнні, Бедствы, Міністэрства лясной гаспадаркі Рэспублікі Беларусь, Беларусь, Еўропа, Увесь свет
Каментары