Жыхар Брэста спрабаваў вывезці бурштын у Польшчу ў попельніцы з недапалкамі

© Flickr / Julian-G. AlbertБурштын
Бурштын - Sputnik Беларусь
Падпісацца
Жыхар абласнога цэнтра за незаконнае перамяшчэнне праз мяжу камянёў для вырабаў можа пазбавіцца аўтамабіля.

МІНСК, 21 кра — Sputnik. Супрацоўнікі аддзела па барацьбе з кантрабандай Брэсцкай мытні затрымалі на беларуска-польскай мяжы жыхара Брэста, які спрабаваў вывезці ў Польшчу неапрацаваны бурштын, схаваўшы яго ў аўтамабілі, паведамілі Sputnik ў прэс-групе мытні.

Кантрабанду мытнікі знайшлі ў машыне Mercedes Viano, які перасякаў мяжу ў пункце мытнага афармлення "Варшаўскі мост".

"Службовыя асобы мытні выявілі ў салоне транспартнага сродку 18 камянёў бурштыну. Кіроўца схаваў тавар ад мытнага кантролю ў розных месцах транспартнага сродку: у сярэдзіне рацыі, у панэлі за аўтамагнітолу, у засыпанай цыгарэтамі попельніцы", — распавялі ў мытні.

Мытнікі нагадалі, што згодна з заканадаўствам вываз бурштыну фізічнымі асобамі за межы ЕАЭС забаронены.

Паводле звестак мытні, мінералы і аўтамабіль, агульны кошт якіх складае, па папярэдняй ацэнцы, каля 150 мільёнаў рублёў, канфіскаваныя мытняй да рашэння суда.

Стужка навiн
0