Пажар, архіўнае фота

Інвалід з ДЦП атрымаў моцныя апёкі на пажары ў Лунінецкім раёне

13
Пацярпелага шпіталізавалі ў раённую бальніцу, узгаранне, згодна дадзеных МНС, адбылося праз непатушаную цыгарэту.

МІНСК, 2 мая — Sputnik. Інвалід атрымаў моцныя апёкі і быў шпіталізаваны ў выніку пажару ў Лунінецкім раёне, паведамілі Sputnik ў панядзелак у Брэсцкім абласным УМНС.

Пажар адбыўся напярэдадні ўвечары ў двухкватэрным доме на вуліцы Маладзёжнай у вёсцы Лахва.

"У доме ўсталяваны аўтаномны пажарны апавяшчальнік, пачуўшы яго сігнал, гаспадыня кватэры самастойна пакінула дом. Да моманту прыбыцця да месца выкліку першага падраздзялення МНС гарэў дах, жанчына знаходзілася на вуліцы, у доме заставаўся яе брат", — сказалі ў МНС.

Там таксама паведамілі, што пажарныя выратавалі 43-гадовага мужчыну, інваліда I групы (дзіцячы цэрэбральны параліч).

Паводле інфармацыі МНС, пацярпелы брыгадай хуткай дапамогі з апёкамі галавы, грудной клеткі, рук (50% цела), быў шпіталізаваны ў Лунінецкую цэнтральную раённую бальніцу.

У цяперашні час супрацоўнікі МНС ўстанаўліваюць прычыну ўзнікнення агню, у якасці адной з версій разглядаецца неасцярожнае абыходжанне з агнём пры курэнні.

13
Тэги:
Пажар, Брэсцкае УМНС, Брэсцкая вобласць

Здарэнні