Рыбалоўная сетка

Браканьер самлеў, даведаўшыся суму штрафу

23
(абноўлена 15:10 15.07.2016)
Двое жыхароў Баранавічаў за 32 рыбіны заплацяць 2,9 тысячы рублёў – у такую суму ацэнена ўчыненая шкода прыродзе і штраф за браканьерства.

МІНСК, 15 ліп — Sputnik. Супрацоўнікі Дзяржаўнай інспекцыі аховы жывёльнага і расліннага свету былі вымушаныя ратаваць браканьера — яму стала дрэнна пасля таго, як агучылі суму штрафу за незаконны набытак, паведаміла баранавіцкае выданне Intex-Press.

Дваіх жыхароў Баранавічаў затрымалі напярэдадні на торфакар'еры каля пасёлка Новы.

Паводле дадзеных Баранавіцкай міжраённай інспекцыі, мужчын заспелі ўначы, калі яны даставалі расстаўленыя на вадаёме сеткі. Ва ўлове інспектары налічылі 32 рыбіны — ліні, карасі, чырвонапёркі, гуцёркі і акуні.

Па інфармацыі выдання, калі інспектары агучылі браканьерам сумы штрафаў, аднаму з мужчын стала кепска і яму давялося аказваць першую медыцынскую дапамогу.

У інспекцыі ўдакладнілі, што ўсяго за браканьерства мужчыны могуць заплаціць 2,9 тысячы дэнамінаваных рублёў — 1,9 тысячы кампенсацыі шкоды, учыненай навакольнаму асяроддзю і тысячу штрафу.

23
Тэги:
Браканьерства, ахова навакольнага асяроддзя, Баранавічы, Беларусь
Каля пасольства Польшчы ў Мінску адбыўся пажар

Каля пасольства Польшчы ў Мінску адбыўся пажар

12
(абноўлена 17:43 16.06.2021)
Аб узгаранні каля пасольства Польшчы ў Беларусі распавялі відавочцы, у МНС патлумачылі, у чым была справа.

МІНСК, 16 чэр – Sputnik. У Мінску насупраць будынка па адрасе вуліца Бядулі, 11 адбылося ўзгаранне ў кабельным тунэлі, паведаміла прэс-служба МНС у Twitter.

Як удакладнілі ў ведамстве, выратавальнікі ў сераду днём выехалі на выклік па адрасе вуліца Бядулі, 11: відавочцы паведамілі аб узгаранні і буйным пажары недалёка ад пасольства Польшчы. Зрэшты, калі на месца здарэння прыбылі супрацоўнікі МНС, агонь ужо згас.

"Адбылося самазгасанне. Абставіны вызначаюцца", - гаворыцца ў паведамленні МНС.

У будынку па адрасе вуліца Бядулі, 11 знаходзіцца пасольства Польшчы ў Беларусі.

Чытайце таксама:

12
Тэги:
Пажар, Мінск, Польшча, пасольства
Экс-кандыдат у прэзідэнты Беларусі Святлана Ціханоўская

Ціханоўскую не выключалі з міждзяржаўнай базы вышуку СНД

20
(абноўлена 17:24 16.06.2021)
У канцы траўня 2021 года была агучана інфармацыя аб тым, што экс-кандыдата ў прэзідэнты Беларусі не шукаюць на тэрыторыі Расіі, але яна працягвае заставацца ў базе асоб, абвешчаных Мінскам у вышук.

МІНСК, 16 чэр – Sputnik. Апазіцыйнага палітыка і экс-кандыдата ў прэзідэнты Беларусі Святлану Ціханоўскую не выключылі з базы дадзеных асоб, якія абвешчаны ў міждзяржаўны вышук, паведамілі Sputnik інфармаваныя крыніцы ў беларускіх праваахоўных органах.

У канцы сакавіка 2021 года Генеральная пракуратура Беларусі распачала крымінальную справу за падрыхтоўку акта тэрарызму ў дачыненні да Святланы Ціханоўскай і ўдзельнікаў ініцыятывы BYPOL. Беларускія праваахоўныя органы аб'явілі Ціханоўскую ў міждзяржаўны вышук, яна была занесена ў адпаведную базу асоб.

"Па Ціханоўскай нічога не памянялася", - заявіла Sputnik крыніца ў праваахоўных органах, знаёмая з ходам расследавання справы, адказваючы на ​​пытанне ці памяняўся яе працэсуальны статус і ці выкрэслілі яе прозвішча з базы дадзеных асоб, якiя адшукваюцца.

Пытанне з Ціханоўскай у спісках асоб, якiя адшукваюцца, паўстала на гэтым тыдні, калі з'явілася інфармацыя што па ініцыятыве беларускага боку яна была выключана з гэтай базы. Суразмоўца агенцтва растлумачыў, што "маглі паўстаць розначытанні".

У сувязі з гэтым ён нагадаў, што ў канцы траўня 2021 года была агучана інфармацыя, што Ціханоўскую больш не шукаюць на тэрыторыі Расіі. "Хто яе будзе шукаць у Расіі, калі ўсім вядома, што яна знаходзіцца на тэрыторыі Еўрасаюза", - сказаў суразмоўца агенцтва.

Крымінальная справа

Як раней паведамлялася са спасылкай на генеральнага пракурора Беларусі Андрэя Шведа, падставай для распачынання справы ў дачыненні да Ціханоўскай па артыкуле 289 Крымінальнага кодэкса сталі матэрыялы, прадастаўленыя КДБ і МУС Беларусі. Акрамя гэтага, Ціханоўская занесена КДБ Беларусі ў спіс асоб, маючых дачыненне да тэрарыстычнай дзейнасці.

Акрамя гэтага, адзначыў кіраўнік галоўнага нагляднага ведамства, генпракуратура даручыла КДБ неадкладна арганізаваць міжнародны вышук фігурантаў справы і падрыхтаваць пакет дакументаў аб іх выдачы, які потым будзе накіраваны ў кампетэнтныя органы Літвы і Польшчы. Інфармацыі аб тым, што Ціханоўская па просьбе беларускага боку занесена ў міжнародны спіс асоб, якiя адшукваюцца, няма.

Таксама Ціханоўская праходзіць фігурантам па крымінальнай справе, узбуджанай у дачыненні да членаў Каардынацыйнага савета апазіцыі па частцы 1 артыкула 361 КК Беларусі - "за публічныя заклікі да захопу дзяржаўнай улады, гвалтоўнай змены канстытуцыйнага ладу рэспублікі або здзяйснення іншых дзеянняў, накіраваных на прычыненне шкоды нацыянальнай бяспецы краіны".

Чытайце таксама:

20
Тэги:
Мінск, Расія, Беларусь, прэзідэнт, інфармацыя, СНД, Вышук, Святлана Ціханоўская
Тэмы:
Пратэсты пасля выбараў у Беларусі
Абітурыенты перад ЦТ

Выспацца і ніякай валяр'янкі - рэцэпты ад страху перад ЦТ

0
(абноўлена 16:27 16.06.2021)
Пачаўся самы хвалюючы для абітурыентаў час - этап цэнтралізаванага тэсціравання. У першы дзень ЦТ яны спрабавалі свае сілы ў веданні беларускай мовы.

Каля карпусоў хімфака і юрфака БДУ, дзе арганізаваны пункты тэсціравання, учарашнія школьнікі пачалі збірацца задоўга да пачатку экзамену. "Вылічыць" у натоўпе абітурыента проста - белая кашуля і блузка, строгі пінжак, ніякіх лішніх рэчаў - у руках толькі пашпарт і пропуск.

Прыкметна, што маладыя людзі хвалююцца. Як справіцца з трывогай і стрэсам? Што трэба рабіць, каб адчуваць сябе больш упэўнена? Карэспандэнт Sputnik перад пачаткам тэсціравання пацікавіўся ў маладых людзей іх настроем і "рэцэптамі" барацьбы з панікай. Хлопцы і дзяўчаты таксама распавялі, кім яны хочуць стаць і чаму выбралі менавіта беларускую мову.

Усе абітурыенты, з якімі ўдалося пагутарыць, здавалі рэпетыцыйнае тэсціраванне. Яно пачалося яшчэ восенню і праходзіла ў тры этапы. Кажуць, што РТ дае магчымасць адчуць абстаноўку экзамену, ацаніць свой узровень ведаў, зразумець структуру ЦТ і даведацца тэхнічныя моманты. Тады хваляванне сыходзіць.

Не зацыклівацца на прадмеце

Стэфанія з Мінска паступае ў БДУ, хоча стаць псіхолагам. З выбарам прафесіі вызначылася ўжо два гады таму. Займалася з рэпетытарамі па ўсіх трох прадметах, якія плануе здаваць, - беларускай, англійскай і гісторыі Беларусі. Прыйшла на першае ЦТ, таму што беларускі для яе прасцей.

Стефания еще два года назад решила, кем хочет быть
© Sputnik / Виктор Толочко
Стэфанія яшчэ два гады таму вырашыла, кім хоча быць

"Крыху, вядома, хвалююся. Як справіцца з трывогай? Для пачатку, за дзень, трэба вельмі добра выспацца, прагуляцца, не зацыклівацца на прадмеце", - сцвярджае яна. Учора, перад экзаменам, ужо не займалася - лічыць, што гэта бессэнсоўна.

"Галоўнае - расслабіцца і глыбока дыхаць. Ніякай валяр'янкі і заспакойлівых перад тэсціраваннем. Гліцын трэба піць", - раіць дзяўчына. Яна ўпэўнена, што, калі зойдзе ў аўдыторыю, возьме бланк з заданнямі, ад усяго абстрагуецца, і рэшткі хваляванняў знікнуць.

Ніякіх манетак пад пятку!

А вось у Рамана перамагчы стрэс ніяк не атрымліваецца. "Як правёў учора дзень? Ды ўчора ўжо хваляваўся. Адпачываць не мог, працягваў рыхтавацца. З-за перажыванняў зусім не выспаўся", - распавядае ён.

Роман не верит в приметы, а накануне экзамена он продолжал готовиться
© Sputnik / Виктор Толочко
Раман не верыць у прыкметы, а напярэдадні экзамену ён працягваў рыхтавацца

Раман дадае, што ні ў якія прыкметы перад экзаменам не верыць. "Ніякіх манетак пад пятку! Падручнік на ноч пад падушку не клаў. Толькі ўласныя веды", - упэўнены абітурыент.

Раман будзе паступаць у БДУ на хімфак. Плануе займацца фармацэўтыкай. Будзе здаваць яшчэ ЦТ па хіміі, матэматыцы і, на ўсялякі выпадак, - па англійскай.

"Раз-пораз бярэш у рукі падручнікі"

Анастасія негаманлівая - вельмі моцна хвалюецца. Інга, яе мама, прыйшла з ёй, каб падтрымаць дачку. Будзе чакаць заканчэння тэсціравання. Анастасія марыць атрымаць фундаментальную гуманітарную адукацыю - паступае ў БДУ на факультэт філасофіі сацыяльных навук.

Кажа, што, хоць псіхолагі раяць не займацца ў апошні дзень перад ЦТ, так не атрымліваецца. "Ходзіш, нервуешся, раз-пораз бярэш у рукі падручнікі", - дзеліцца яна.

Некоторые родители составляют абитуриентам компанию: поддержать перед экзаменом
© Sputnik / Виктор Толочко
Некаторыя бацькі складаюць абітурыентам кампанію: падтрымаць перад экзаменам

Інга дадае, што дачка прыйшла здаваць беларускую на ўсялякі выпадак, як запасны варыянт. "Раптам лепш атрымаецца, чым рускі, яго таксама будзем здаваць. Сёння гэта рэзервовы прадмет. Як бы рэпетыцыя, каб адчуць абстаноўку", - тлумачыць яна.

Інга лічыць, што лепшы рэцэпт заспакаення перад экзаменам - пасядзець вечарам дома і пагутарыць з блізкімі. "І ў сацсеткі дачка заходзіла, хоць гэта не рэкамендуюць. А што тут такога? Пераключаешся, адцягваешся - і супакойвае. Займаешся звыклымі рэчамі", - упэўненая Інга.

Моцная загартоўка

Сярод тых, хто сабраўся ва ўніверсітэцкім дворыку ўвагу прыцягнула невялікая група маладых людзей - яны жартавалі паміж сабой і смяяліся. Высветлілася, што ўсе чацвёра - выпускнікі Мінскага дзяржаўнага абласнога ліцэя. Сцвярджаюць, што не хвалююцца наогул.

Аляксей прыехаў у Мінск з Беразіно, Таццяна - з Мінскага раёна, Аляксандра - з Крупскага, Юлія - ​​з Мар'інай Горкі. Навучаючыся ў ліцэі, у сталіцы ўжо два гады жывуць самастойна, без бацькоў.

"Мы абсалютна спакойныя. Бо выбар небагаты - альбо хвалявацца, альбо не. Лепш - не. Тады не забудзешся нічога з перапуду", - жартуе Таццяна.

Аляксей дадае, што ўсе яны прайшлі вельмі моцную загартоўку. "Мы ў ліцэі вучыліся - нам ужо няма чаго баяцца. Гэта была такая падрыхтоўка - словамі не перадаць", - дадае Аляксей.

Алексей, Татьяна, Александра и Юлия - выпускники Минского государственного областного лицея
© Sputnik / Виктор Толочко
Аляксей, Таццяна, Аляксандра і Юлія - ​​выпускнікі Мінскага дзяржаўнага абласнога ліцэя

Ён адзначае, што ніякіх рэцэптаў спакою даць не можа. "Вядома ж, ніякіх заспакойлівых. Я здаваў усе тры этапы РТ, ужо прывык. Выпускныя экзамены прайшлі. З зоны камфорту даўно выйшаў і ў тонусе", - распавядае малады чалавек.

Рыхтаваліся ўчора разам, але не дапазна. Пасядзелі днём, пагарталі падручнікі.

Аляксей таксама паведамляе, чаму ён абраў на ЦТ менавіта беларускую мову. "Я - патрыёт. У перспектыве хачу і ў паўсядзённым побыце размаўляць толькі па-беларуску. Мне падабаецца. Вельмі прыгожая мова", - сцвярджае ён.

А вось Юлія не адразу вызначылася з выбарам прадмета. "Спачатку рыхтавалася да рускай, думала, што не ведаю беларускую. Але калі пачала вучыць рускую, зразумела, што яе я таксама не ведаю. І абрала тое, куды легла душа. Проста сэрца падказала, што трэба ісці, вось і пайшла", - усміхаецца Юлія.

Аляксей, Аляксандра і Юлія ідуць на геафак БДУ, а Таццяна - на фізіка-матэматычны. Яна будзе праграмістам.

"Са спецыяльнасцю пакуль не вызначыўся. Можна быць эколагам, геадэзістам, геолагам. Прыцягваюць будучыя камандзіроўкі. Геадэзістаў, напрыклад, могуць адправіць у Расію, у Антарктыду. Не тут жа нафту шукаць. Хоць, хто шукае, той заўсёды знойдзе", - жартуе ён .

Усе чацвёра кожную суботу на працягу двух гадоў наведвалі факультатывы па кожным з трох прадметаў, якія будуць здаваць на ЦТ. Гэта - геаграфія, матэматыка, мова, а для фізмата - замест геаграфіі - фізіка.

Можна было б выбраць чацвёрты для падстрахоўкі, але маладыя людзі сцвярджаюць, што яны вельмі ўпэўнены ў сабе.

Чытайце таксама:

0
Тэги:
Беларуская мова, Страхі, ЦТ