МІНСК, 9 вер — Sputnik. Украінскія памежнікі спынілі спробу перамяшчэння ў Беларусь тоны сала, паведаміла ў пятніцу Дзяржаўная памежная служба Украіны.
Затрымалі нелегальны груз памежнікі аддзела "Ежа" Луцкага атрада: аб магчымым перамяшчэнні тавару імі была атрымана інфармацыя напярэдадні
"Быў знойдзены аўтамабіль, кіроўца якога спрабаваў схавацца, аднак пагранічным нарадам быў спынены ў 30 метрах ад мяжы. Іншамаркай Audi ён перавозіў у кірунку суседняй краіны 24 мяшкі сала вагой каля тоны", — паведамілі ў ГПСУ.
На парушальніка памежнікі склалі адміністрацыйныя дакументы, сала канфіскавана.
Тыдзень таму супрацоўнікі гэтага атрада затрымалі яшчэ аднаго ўкраінца, які таксама накіроўваўся ў Беларусь з салам: тона гэтага прадукта была загружаная на фурманку.
