Флаконы з лекамі

Супрацоўнікі Нясвіжскага завода медпрэпаратаў папаліся "на слоіках"

5
(абноўлена 14:03 15.09.2016)
Фігуранты справы рэалізоўвалі адбракаваную прадукцыю ў абыход дакументаў за наяўны разлік.

МІНСК, 15 вер — Sputnik. Крымінальная справа распачата ў дачыненні да двух кіраўнікоў цэха Нясвіжскага завода медыцынскіх прэпаратаў па факце крадзяжу шляхам злоўжывання службовымi паўнамоцтвамi, паведамілі Sputnik ва УУС Мінаблвыканкама.

Аператыўнікі высочвалі махінатараў некалькі месяцаў, пакуль не змаглі злавіць іх на месцы злачынства. Два кіраўнікі цэха завода ў змове з работнікам склада атрымлівалі даходы з адходаў вытворчасці, якія павінны былі адпраўляцца на перапрацоўку. Акрамя прэпаратаў на прадпрыемстве вырабляліся пластмасавыя ёмістасці для іх захоўвання, частка ёмістасцяў у ходзе вытворчасці адбракоўвалася і рэалізоўвалася іншым прадпрыемствам у якасці нявыкарыстанай сыравіны.

"Шляхам няхітрых дзеянняў з лічбамі на складзе ўтвараўся лішак бракаванай прадукцыі, якую прадпрымальная тройца рэалізоўвала за наяўны разлік", — распавялі ва УУС.

Там адзначылі, што бракаваная прадукцыя адгружалася на адно з прадпрыемстваў Мінскай вобласці, з якім у завода былі ўстойлівыя сувязі на працягу некалькіх гадоў.

Частка прадукцыі пастаўлялася з афармленнем неабходных дакументаў, а за "няўлічку" з махінатарамi расплачваліся наяўнымі.

Паводле інфармацыі праваахоўнікаў, толькі апошняя пастаўка магла прынесці фігурантам справы больш за 700 дэнамінаваных рублёў.

5
Тэги:
хімічная прамысловасць, Лекі, Праваахоўчыя органы, УУС Мінскага аблвыканкама, Нясвіж, Мінская вобласць
Каментары