Капітан міліцыі Станіслаў Шутовіч

Міліцыянер выратаваў дзяўчыну на каляднай службе ў касцёле пад Гродна

10
Супрацоўнік праваахоўных органаў не толькі адвёз пацярпелую ў раённую бальніцу, але і суправадзіў пасля рэанімабіль у Гродна.

МІНСК, 29 сне — Sputnik. Міліцыянер аказаў першую дапамогу 16-гадовай дзяўчыне, якой раптам стала кепска пад час набажэнства на Раство ў касцёле ў Гродзенскім раёне, паведамілі Sputnik ва УУС Гродзенскага аблвыканкама.

Інцыдэнт адбыўся ўвечары 24 снежня: у касцёле ў вёсцы Селіванаўцы каля 21:30 мясцовая жыхарка раптоўна страціла прытомнасць з-за праблем з сэрцам.

"Капітан міліцыі Станіслаў Шутовіч аказаў ёй першую медыцынскую дапамогу", — сказалі ва УУС. Там таксама паведамілі, што пасля прыбыцця брыгады хуткай медыцынскай дапамогі дзяўчыне лепш не станавілася, таму міліцыянт прыняў рашэнне даставіць яе на службовай машыне ў Сапоцкінскую бальніцу.

Пасля ён таксама суправадзіў рэанімабіль з Сапоцкіна ў шпіталь Гродна, дзе непаўнагадовую змясцілі ў рэанімацыйнае аддзяленне. Паводле інфармацыі УУС, у цяперашні час здароўю дзяўчыны нічога не пагражае.

10
Тэги:
дзеці, Здарэнні, МУС Беларусі, Гродненская вобласць
Кветкі і свечкі

У Віцебску памёр акцёр з пацверджаным каронавірусам

73
(абноўлена 11:24 31.03.2020)
Заслужаны артыст Віктар Дашкевіч трапіў у бальніцу з пнеўманіяй, ён знаходзіўся на штучнай вентыляцыі лёгкіх.

МІНСК, 31 сак - Sputnik. Акцёр Віцебскага драмтэатра імя Якуба Коласа Віктар Дашкевіч, у якога быў пацверджаны каронавірус, памёр, гэтую інфармацыю Sputnik пацвердзілі ў тэатры.

Дашкевіч трапіў у бальніцу з пнеўманіяй. Як паведамляў напярэдадні Sputnik, тэст на каронавірус COVID-19 у яго апынуўся станоўчым. Апошні тыдзень артыст знаходзіўся на штучнай вентыляцыі лёгкіх (ШВЛ). У аўторак з'явілася інфармацыя аб яго раптоўнай смерці.

"Так, сапраўды памёр", - распавялі Sputnik супрацоўнікі драмтэатра.

Міністэрства аховы здароўя на дадзены момант не каментуе прычыны смерці Дашкевіча.

Пасля выяўлення каронавіруса ў акцёра тэатр вырашыў прыпыніць спектаклі, пры гэтым рэпетыцыі працягваліся. Некаторыя супрацоўнікі знаходзяцца на карантыне, як і жонка Дашкевіча.

Віктар Дашкевіч - заслужаны артыст Беларусі, у Віцебскім драмтэатры імя Якуба Коласа ён прапрацаваў тры дзясяткі гадоў, тут жа працуе і яго жонка. Акцёру было 75 гадоў. Sputnik выказвае спачуванні родным і блізкім Віктара Дашкевіча.

Паводле дадзеных Міністэрства аховы здароўя, агучаных напярэдадні, у Беларусі пацверджаныя 152 выпадкі каронавіруса. Якая колькасць інфіцыраваных знаходзяцца ў цяжкім стане, а таксама інфармацыі па іх месцы жыхарства Міністэрства аховы здароўя не дае.

Чытайце таксама:

73
Тэги:
Віцебск, каронавірус
Тэмы:
Успышка каронавіруса з Уханя
На міжнародным памежным аўтамабільным пункце пропуску

Нават для сваіх грамадзян: Украіна закрыла межы

19
(абноўлена 09:17 27.03.2020)
З пятніцы ў краіне зачынена дзяржаўная мяжа і спынены ўсе пасажырскія перавозкі, пра ўкраінцаў, якія затрымаліся за мяжой, паклапоцяцца дыппрадстаўніцтва.

МІНСК, 27 сак - Sputnik. Украіна цалкам закрыла свае межы з 27 сакавіка, у тым ліку для сваіх грамадзян, такое рашэнне прыняў прэзідэнт краіны Уладзімір Зяленскі.

"Сёння мы дзейнічаем настолькі жорстка, наколькі таго патрабуюць сучаснасць і выклікі будучыні. Менавіта таму да канца пятніцы, 27 сакавіка, будзе зачынена дзяржаўная мяжа і спынены ўсе пасажырскія перавозкі", - гаворыцца ў яго звароце да народа.

Украінскія ўлады пайшлі на такі крок, каб засцерагчы сваіх грамадзян і захаваць іх здароўе ва ўмовах пандэміі каронавируса. Пра тых украінцах, якія не вернуцца ў краіну да нядзелі і захраснуць за мяжой, паклапоцяцца дыппрадстаўніцтвы і ўкраінскія суполкі. З 25 сакавіка на тэрыторыі Украіны ўведзены рэжым надзвычайнага становішча.

Сусветная арганізацыя аховы здароўя 11 сакавіка абвясціла выбліск новай каронавіруснай інфекцыі COVID-19 пандэміяй. Па дадзеных на сённяшні дзень, у свеце заражаныя ўжо больш за 532 тысяч чалавек, звыш 24 тысяч памерлі.

Паводле апошніх звестак Міністэрства аховы здароўя Украіны, у краіне зафіксавана 196 выпадкаў інфікавання каронавірусом, пяць чалавек загінулі. Каранцін у краіне прадоўжылі да 24 красавіка.

19
Тэги:
Украіна, каронавірус
Тэмы:
Успышка каронавіруса з Уханя
Прэзідэнт РФ Уладзімір Пуцін

Уладзімір Пуцін сёння звернецца да расіян

0
(абноўлена 13:47 02.04.2020)
Як чакаецца, прэзідэнт РФ выступіць з заявай пасля 16 гадзін. Sputnik будзе весці анлайн-трансляцыю звароту расійскага лідара да нацыі.

МІНСК, 2 кра - Sputnik. Прэзідэнт РФ Уладзімір Пуцін звернецца сёння да расіян, заявілі ў прэс-службе Крамля.

З першым зваротам да нацыі з нагоды сітуацыі з каронавірусом Уладзімір Пуцін выступіў 25 сакавіка, такая патрэба ўзнікла на фоне няпростага эканамічнага становішча, справакаванага пандэміяй. Тады быў аб'яўлены цэлы шэраг мер, у тым ліку - увядзенне выхаднога тыдня ў Расіі.

Як удакладніў прэс-сакратар кіраўніка дзяржавы Дзмітрый Пяскоў, на дадзены момант рашэння аб працягу выхаднога тыдня яшчэ няма, расійскі лідар працуе над зваротам да нацыі.

У Крамлі адзначылі, што любыя прагнозы аб развіцці сітуацыі з каронавірусам у Расіі могуць насіць толькі прыкладны характар, усё залежыць ад эфектыўнасці мер, што прымаюцца.

Уладзімір Пуцін цяпер у сваёй рэзідэнцыі ў Нова-Агараве, але, па словах прэс-сакратара кіраўніка дзяржавы Дзмітрыя Пяскова, гэта не зусім самаізаляцыя - па меры неабходнасці кіраўнік дзяржавы праводзіць сустрэчы: "Зразумела, з захаваннем усіх засцярог". Пры гэтым і ён сам, і тыя, хто з ім сустракаецца, рэгулярна здаюць тэсты на COVID-19.

0
Тэги:
каронавірус, Расія, Уладзімір Пуцін
Тэмы:
Успышка каронавіруса з Уханя