Капітан міліцыі Станіслаў Шутовіч

Міліцыянер выратаваў дзяўчыну на каляднай службе ў касцёле пад Гродна

10
Супрацоўнік праваахоўных органаў не толькі адвёз пацярпелую ў раённую бальніцу, але і суправадзіў пасля рэанімабіль у Гродна.

МІНСК, 29 сне — Sputnik. Міліцыянер аказаў першую дапамогу 16-гадовай дзяўчыне, якой раптам стала кепска пад час набажэнства на Раство ў касцёле ў Гродзенскім раёне, паведамілі Sputnik ва УУС Гродзенскага аблвыканкама.

Інцыдэнт адбыўся ўвечары 24 снежня: у касцёле ў вёсцы Селіванаўцы каля 21:30 мясцовая жыхарка раптоўна страціла прытомнасць з-за праблем з сэрцам.

"Капітан міліцыі Станіслаў Шутовіч аказаў ёй першую медыцынскую дапамогу", — сказалі ва УУС. Там таксама паведамілі, што пасля прыбыцця брыгады хуткай медыцынскай дапамогі дзяўчыне лепш не станавілася, таму міліцыянт прыняў рашэнне даставіць яе на службовай машыне ў Сапоцкінскую бальніцу.

Пасля ён таксама суправадзіў рэанімабіль з Сапоцкіна ў шпіталь Гродна, дзе непаўнагадовую змясцілі ў рэанімацыйнае аддзяленне. Паводле інфармацыі УУС, у цяперашні час здароўю дзяўчыны нічога не пагражае.

10
Тэги:
дзеці, Здарэнні, МУС Беларусі, Гродненская вобласць
Памежнік каля беларускага памежнага перахода паміж Беларуссю і Польшчай Перароў

Сотням "моцных хлопцаў" забаранілі ўезд у Беларусь

34
Па словах памежнікаў, ніхто з іх пры спробе выехаць у краіну не змог патлумачыць мэту наведвання.

МІНСК, 26 кас - Sputnik. Беларускія памежнікі адзначаюць рост колькасці замежнікаў спартыўнага целаскладу, якія спрабуюць уехаць у краіну з незразумелымі мэтамі, паведаміў Sputnik афіцыйны прадстаўнік ДПК Беларусі Антон Бычкоўскі.

У Беларусі з 9 жніўня праходзяць вулічныя пратэстныя акцыі, міліцыя заяўляе, што ў апошні час у іх удзельнічае ўсё больш "радыкальна настроеных асоб".

"За мінулы тыдзень на беларускай мяжы ва ўездзе ў нашу краіну з розных падставаў адмоўлена 595 замежнікам", - паведаміў Бычкоўскі.

Паводле яго слоў, абсалютная большасць з іх - гэта "дужыя маладыя людзі, спартыўнага целаскладу, якія ніяк не змаглі патлумачыць або пацвердзіць мэты прыбыцця ў Беларусь".

Прадстаўнік ДПК адзначыў, што практычна ўсе з названых асоб спрабавалі ўехаць з суседніх з намі краін - Украіны, Польшчы і Літвы".

34
Тэги:
Дзяржаўны памежны камітэт РБ, Беларусь
Студэнты падчас акцыі пратэста

Мінздароўя абвергла інфармацыю аб гібелі студэнта ад кулявога ранення

13
У ведамстве адзначылі, што навучэнец БНТУ, пра якога распаўсюдзілі інфармацыю ў сеціве, у медустановы не паступаў.

МІНСК, 26 кас - Sputnik. Міністэрства аховы здароўя Беларусі абвяргае інфармацыю аб гібелі студэнта ад кулявога ранення, якую распаўсюдзілі ў сетцы, пра гэта заявілі ў прэс-службе ведамства.

"Афіцыйна паведамляем, што інфармацыя, якая распаўсюджваецца ў сетцы інтэрнэт аб гібелі студэнта БНТУ ад кулявога раненні, з'яўляецца фэйкам", - падкрэслілі там.

Па дадзеных Міністэрства аховы здароўя, студэнт БНТУ, пра якога распаўсюдзілі інфармацыю ў сацсетках і на розных рэсурсах, у медустановы не паступаў. У цэлым гаворка аб загінуўшых на пратэстных акцыях не ідзе.

"Усяго за апошнія суткі, ва ўстановы аховы здароўя з траўмамі рознай ступені цяжкасці звярнуліся 13 чалавек, з іх пяць былі шпіталізаваны", - агучылі лічбы ў міністэрстве.

Нагадаем, у мінулую нядзелю ў Мінску прайшоў несанкцыянаваны Марш народнага ультыматума. Ён завяршыўся сутыкненнямі удзельнікаў акцыі пратэсту і сілавікоў. Паводле звестак МУС, у сталіцы былі затрыманыя 160 чалавек, частка з іх змешчана ў месцы ўтрымання затрыманых.

13
Тэги:
Міністэрства аховы здароўя Рэспублікі Беларусь, БНТУ
Які сёння дзень: 27 кастрычніка 2020 года

Які сёння дзень: 27 кастрычніка 2020 года

0
(абноўлена 09:48 20.10.2020)
Гэты дзень з'яўляецца трыста першым па грыгарыянскім календары, да канца года застаецца 65 дзён.

У гэты дзень у 1989 годзе Беларусь стала бяз'ядзернай дзяржавай. Якія яшчэ падзеі адбыліся 27 кастрычніка і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 27 кастрычніка

  • У 1989 годзе ў Дзяржынскім раёне на вайсковай базе пад в. Станькава паводле савецка-амерыканскага дагавору пра ліквідацыю ракет сярэдняй і малой дальнасці была знішчана апошняя ракета СС-23, Беларусь стала бяз’ядзернай тэрыторыяй.

Хто нарадзіўся 27 кастрычніка

  • 1890 год: Віктар Шутовіч, беларускі каталіцкі святар, прыхільнік беларусізацыі касцёла.
  • 1908 год: Уладзімір Сакалоў, беларускі мастак-графік.
  • 1911 год: Мікола Лобан, беларускі пісьменнік і мовазнавец.

Таксама сёння нарадзіліся нідэрландскі гуманіст Эразм Ратэрдамскі, брытанскі першаадкрывальнік Джэймс Кук і італьянскі скрыпач-віртуоз Нікола Паганіні.

27 кастрычніка ў народным календары

У гэты дзень Праваслаўная царква шануе памяць Параскевы Сербскай. Гэта святая лічыцца заступніцай жаночай справы, перад усім прадзення. На Параскеву-льняніцу пачыналі мяць і церабіць лён. Таму яшчэ адна назва гэтага дня – Параскева-Трапальніца. Прасці забаранялася ў пятніцу: казалі, што ў таго, хто прадзе ў пятніцу, бацькі на тым свеце будуць сляпыя, таму што ў вочы трапіць кастрыца.

Таксама ў гэты дзень не варта было смяяцца, бо лічылася, што хто на Параскеву многа смяецца, у старасці будзе плакаць. На Параскеву ўдовы і старыя дзевы маліліся, каб Бог паслаў ім суджанага.

У народзе гэты дзень таксама называлі Параскева Гразнуха. "На Гразнуху не бывае суха", - казалі людзі. Такое надвор'е звычайна празягвалася чатыры тыдні – да самай зімы.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей