Калегі і актывісты правялі ў Кіеве акцыю ў памяць аб Шарамеце

МУС: галоўная версія забойства Шарамета - прафесійная дзейнасць

18
(абноўлена 09:54 21.07.2017)
Прадстаўнікі МУС Украіны патлумачылі адсутнасць інфармацыі аб ходзе следства па справе Шарамета забаронай з лютага 2017 года публікаваць якія-небудзь факты пра гэта расследаванне.

МІНСК, 20 ліп — Sputnik. Галоўнай версіяй у справе Паўла Шарамета застаецца забойства з-за прафесійнай дзейнасці, паведаміў у чацвер прэс-сакратар Міністэрства ўнутраных спраў Украіны Арцём Шаўчэнка.

Ён стаў адзіным прадстаўніком выканаўчай улады і праваахоўных структур, хто ў гадавіну смерці Шарамета выйшаў да журналістаў.

Павел Шарамет 20 ліпеня 2016 года быў падарваны ў Кіеве ў машыне, якая належала яго блізкай сяброўцы Алене Прытуле. Следства казала аб шасці магчымых версіях злачынства, у тым ліку, што мішэнню магла быць сама Прытула. Аднак адказаў на пытанне, хто і навошта забіў вядомага журналіста, за гэты год знайсці так і не змагло. Замест гэтага мінімізавала ўсе кантакты з прэсай і грамадскасцю.

Шаўчэнка ў чацвер патлумачыў, што следства забараніла праваахоўнікам публікаваць падрабязнасці сваіх дзеянняў.

"8 лютага, у дзень прызначэння на пасаду старшыні Нацыянальнай паліцыі Сяргея Князева мы ў сценах МУС правялі вялікую прэс-канферэнцыю, дзе паказвалі тое, што дазволіла следства: матэрыялы справы, усё, што не перашкодзіла б справе, было апублікавана. З тых часоў следства нам не дазваляе публікаваць нейкія іншыя дадатковыя звесткі, якія сказалі нешта большае, чым на той прэс-канфэрэнцыі", — сказаў у чацвер журналістам Шаўчэнка.

Прадстаўнік МУС адзначыў, што следства зацікаўленае ў следчых дзеяннях на тэрыторыі Расіі, у прыватнасці, у допыце былога міністра даходаў і збораў Украіны Аляксандра Кліменкі, які ў цяперашні час знаходзіцца ў РФ. Шарамет сустракаўся з Кліменкай незадоўга да гібелі.

"Усе гэтыя кантакты на расійскай тэрыторыі даследаваць зараз следчым шляхам, дапытаць немагчыма. Гэтак жа немагчыма спадзявацца на прававую дапамогу з боку праваахоўных органаў Расійскай Федэрацыі. Гэта істотна ўскладняе следства, але яно не стаіць на месцы", — адзначыў Шаўчэнка.

У чацвер калегі і актывісты правялі ў Кіеве акцыю ў памяць пра Шарамета. У прыватнасці, яны прыйшлі да сцен Адміністрацыі прэзідэнта і МУС, патрабавалі знайсці забойцаў.

18
Тэги:
Забойства, МУС Украіны, Павел Шарамет, Кіеў, Украіна, Беларусь
Каментары