Жывёл з заапарка ў Венесуэле скралі, каб з'есці

© PixabayАшэйнікавы пекары, архіўнае фота
Ашэйнікавы пекары, архіўнае фота - Sputnik Беларусь
Падпісацца
Гэта не першы выпадак выкрадання жывёл з заапарка, раней былі скрадзеныя яшчэ дзесяць звяроў, сярод якіх быў буйвал.

МІНСК, 18 жні — Sputnik. Жывёлы былі скрадзены з заапарка ў Венесуэле дзеля ежы, вядзецца расследаванне інцыдэнту, паведамляюць СМІ.

Два ашэйнікавых пекары былі выкрадзеныя з заапарка горада Маракайба на паўночным захадзе краіны ў мінулыя выхадныя.

"Мы мяркуем, што іх ўзялі, каб з'есці", — заявіў прадстаўнік мясцовай паліцыі Луіс Маралес.

Аднак у заапарку не згодныя з такой версіяй. Па словах кіраўніка звярынца Леанарда Нуньеса, жывёл маглі выкрасці наркагандляры. Ён нагадаў, што за апошнія некалькі тыдняў былі скрадзены дзесяць насельнікаў заапарка, у тым ліку буйвал.

"Яны забіраюць усё! Жывёл не кралі, каб з'есці", — заявіў Нуньес. Навошта драгдылерам маглі спатрэбіцца звяры, ён не ўдакладніў.

Эканоміка Венесуэлы сур'ёзна пацярпела ў выніку зніжэння коштаў на нафту тры гады таму. З-за моцнай залежнасці бюджэту ад экспартнай выручкі і праблем з вытворчасцю ўнутры краіны, у Баліварыянскай Рэспубліцы пачаўся голад і дэфіцыт тавараў першай неабходнасці. Рэгулярна праходзяць галодныя бунты. У 2016 годзе дзяржава была вымушана часова адкрыць мяжу з суседняй Калумбіяй, каб жыхары краіны маглі закупіцца таварамі ў сумежнай краіне.        

Стужка навiн
0