МІНСК, 5 сне — Sputnik. Мытнікі канфіскавалі ў грамадзяніна Расіі дзесяць штык-нажоў, якія ён збіраўся незаконна завезці на тэрыторыю Беларусі, паведамілі Sputnik у аўторак у Дзяржаўным мытным камітэце.
Мужчына ехаў у Беларусь з Польшчы на аўтамабілі Toyota Land Cruiser праз пункт пропуску "Бераставіца".
"Грамадзянін заявіў, што не перамяшчае тавары, якія падлягаюць абавязковаму пісьмоваму дэклараванню. Мытны агляд транспартнага сродку абверг сказанае", — паведамілі ў камітэце.
Там таксама ўдакладнілі, што ў багажніку машыны знайшлі спакаваныя ў поліэтыленавыя пакеты штык-нажы.
Пасля эксперт Слонімскага межрайаддзела ГКСЭ устанавіў, што 40-гадовы мужчына вёз штык і дзесяць штык-нажоў, якія адносяцца да халоднай зброі.
Зараз канфіскаванае знаходзіцца на экспертызе ў Мытнай лабараторыі, каб вызначыць, ці з'яўляецца гэта зброя гісторыка-культурнымі каштоўнасцямі.
