Мытнікі знайшлі ў пасылцы з Галандыі старажытны пісталет

© Photo : ГТКЗнойдзены пісталет
Знойдзены пісталет - Sputnik Беларусь
Падпісацца
Зброю знайшлі мытнікі мінскага аэрапорта, па факце распачалі крымінальную справу.

МІНСК, 30 ліп — Sputnik. Беларускія мытнікі выявілі ў пасылцы, якая прыйшла ў Мінск з Нідэрландаў, старадаўні дульназарадны пісталет, паведамілі Sputnik у панядзелак у Дзяржаўным мытным камітэце рэспублікі.

Рарытэтны трайнік зброевага майстры пачатку XX стагоддзя знайшлі ў Брэсце - Sputnik Беларусь
Рарытэтную паляўнічую стрэльбу знайшла жанчына ў Брэсце

Зброю знайшлі супрацоўнікі мытні "Мінск-2" пры прыёме міжнародных паштовых адпраўленняў у Нацыянальным аэрапорце Мінск.

"Абрысы зброі паказала сканаграма, што паслужыла падставай для накіравання пасылкі на мытны дагляд", — сказалі ў ДМК.

У камітэце ўдакладнілі, што пасля выкрыцця пасылкі высветлілася — у ёй знаходзіцца мушкет вагой каля 1,3 кілаграма. Эксперты ўстанавілі, што пісталет з'яўляецца гладкаствольнай дульназараднай зброяй.

Па факце была ўзбуджаная крымінальная справа па ч. 1 арт. 333-1 Крымінальнага кодэкса Беларусі, яго расследаваннем будзе займацца райаддзел Следчага камітэта Кастрычніцкага раёна Мінска.

Стужка навiн
0