Стужка агароджы, архіўнае фота

Снарады часоў вайны знайшлі адначасова ў двух раёнах Віцебшчыны

15
(абноўлена 15:37 01.08.2018)
Артылерыйскія снарады, міны і гранаты знайшоў на сваім прысядзібным участку пенсіянер, а авіябомбы знайшлі грыбнікі ў лесе.

МІНСК, 1 жні — Sputnik. Снарады часоў Вялікай Айчыннай вайны знайшлі ў апошні дзень ліпеня адразу ў двух раёнах Віцебскай вобласці, паведамілі ва УУС Віцебскага аблвыканкама.

Першы выпадак адбыўся днём у вёсцы Мяклава ў Віцебскім раёне. Пенсіянер 1948 года нараджэння праводзіў земляныя работы на сваім прысядзібным участку і раскапаў некалькі артылерыйскіх снарадаў. Пра сваю небяспечную знаходку ён адразу ж паведаміў у міліцыю. На месцы здарэння сапёры выявілі чатыры артылерыйскія снарады, 13 мінамётных мін, 12 гранат і шэсць артылерыйскіх узрывальнікаў часоў Вялікай Айчыннай вайны. Пасля ўсе яны былі знішчаны.

Пазней з паведамленнем аб знаходке снарадаў у міліцыю звярнуліся грыбнікі. Жыхары вёскі Прудок Лепельскага раёна падчас "ціхага палявання" натыкнуліся на дзевяць авіябомбаў. Высветлілася, што ў гэтым месцы падчас вайны размяшчаўся нямецкі аэрадром. Гэтыя снарады таксама былі вывезены на палігон і знішчаны.

Нядаўна артылерыйскія снарады часоў ВАВ знайшлі ў адзін дзень у розных месцах Брэсцкай вобласці: адзін — на тэрыторыі цукровага завода ў Жабінцы, другі — у Баранавічах на тэрыторыі пункта прыёму металалому Баранавіцкага райпо. У абодвух выпадках снарады былі абясшкоджаныя і знішчаныя.

15
По теме
Снарад часоў Вялікай Айчыннай вайны знайшлі ў цэнтры Мінска
Снарад часоў ВАВ знайшлі на тэрыторыі "БелЭкспа" ў Мінску
Снарад часоў ВАВ знайшлі на вуліцы ў Баранавічах
Каментары