Суд у Херсоне пакінуў журналіста Вышынскага пад вартай

Суд у Херсоне пакінуў журналіста Вышынскага пад вартай

11
(абноўлена 09:05 12.12.2018)
Арыштаваны журналіст застанецца ў СІЗА ў горадзе Херсоне як мінімум да 28 снежня бягучага года.

МІНСК, 12 сне - Sputnik. Кіраўнік партала РІА "Новости Украина" Кірыл Вышынскі пакінуты пад вартай да 28 снежня, такое рашэнне прыняў Херсонскі апеляцыйны суд пасля разгляду скаргі абароны на падаўжэнне арышту журналіста.

"У задавальненні хадайніцтва адмовілі", - цытуе РІА "Новости" словы адваката Андрэя Даманскага.

Арышт Вышынскага быў падоўжаны Херсонскім гарадскім судом у лістападзе бягучага года, цяпер ён знаходзіцца ў СІЗА абласнога цэнтра.

На рашэнне апеляцыйнага суда ўжо адрэагавала Еўрапейская федэрацыя журналістаў (EFJ): па словах яе генеральнага сакратара Рыкарду Гутэрэша, падаўжэнне арышту журналіста з'яўляецца абсалютна негуманным, а само ўтрыманне яго пад вартай - абуральным парушэннем свабоды СМІ.

Вышынскага ўзялі пад варту 15 мая гэтага года ў Кіеве. Ён падазраецца ў падтрымцы самаабвешчаных рэспублік Данбаса і дзяржаўнай здрадзе. Пасля гэтага Масква накіравала Кіеву ноты пратэсту з патрабаваннем спыніць гвалт над прадстаўнікамі прэсы і вызваліць журналіста. На абарону Вышынскага ўстаў прадстаўнік АБСЕ па пытаннях свабоды СМІ Арлем Дэзір: ён неаднаразова заклікаў улады Украіны выпусціць кіраўніка РІА "Новости Украина" з-пад варты. У дачыненні да арышту Вышынскага выказаўся таксама прэзідэнт РФ Уладзімір Пуцін, назваўшы дзеянні Украіны беспрэцэдэнтнымі і абсалютна недапушчальнымі.

11
Тэги:
РІА "Новости Украина", Кірыл Вышынскі

Здарэнні