Адзін з медалёў

Манеты Германскай імперыі і медалі хацелі вывезці з Беларусі ўкраінцы

10
(абноўлена 17:01 18.01.2019)
У асабістых рэчах вадзіцеля і пасажыра мытнікі выявілі больш за 70 юбілейных медалёў i нагрудных знакаў, у тым ліку тыя, якія з'яўляюцца культурнай каштоўнасцю.

ГРОДНА, 19 сту - Sputnik. Медалі і манеты, прызнаныя культурнай каштоўнасцю, а таксама неапрацаваны бурштын, які нельга вывозіць з тэрыторыі ЕАЭС, хацелі незаконна перамясціць праз беларуска-літоўскую мяжу грамадзяне Украіны, паведамілі ў пятніцу ў Гродзенскай рэгіянальнай мытні.

Грамадзяне Украіны накіроўваліся ў Літву праз пункт пропуску "Беняконі". Падчас мытнага кантролю яны далі толькі дакументы на машыну. Але пры надглядзе ў асабістых рэчах вадзіцеля і аднаго з пасажыраў супрацоўнікі мытні выявілі больш за 70 юбілейных медалёў i нагрудных знакаў адрознення. Таксама ў машыне знаходзіўся 51 камень неапрацаванага бурштыну, які забаронена вывозіць з тэрыторыі ЕАЭС.

Паводле заключэння эксперта Мытнай лабараторыі два з медалёў створаны больш за 50 гадоў таму і з'яўляюцца культурнымі кашоўнасцямі. Гэта юбілейныя медалі "Дваццаць гадоў Перамогі ў Вялікай Айчыннай вайне 1941-1945" і "Пяцьдзесят гадоў Узброеных сіл СССР".

Да культурных каштоўнасцяў аднесены і шэсць манет Германскай імперыі, выпушчаныя на пачатку XX стагоддзя, самая старэйшая з іх - 1901 года выпуску.

У дачыненні да грамадзян Украіны распачаты адміністрацыйныя працэсы ў адпаведнасці з ч.1 ст.14.5 КоАП. Прадметы канфіскаваныя да рашэння суда.

10
Тэги:
манеты, Мытня, Гродна
Супрацоўнік Дэпартамента фінансавых расследаванняў КДК

КДК: Віктар Бабарыка затрыманы

44
(абноўлена 17:29 18.06.2020)
Кіраўнік камітэта дзяржкантролю заявіў аб тым, што Бабарыка кіраваў злачыннай групай.

МІНСК, 18 чэр - Sputnik. Экс-кіраўнік Белгазпрамбанка і прэтэндэнт у кандыдаты ў прэзідэнты Віктар Бабарыка затрыманы, пра гэта ў эфіры Белтэлерадыёкампаніі паведаміў кіраўнік КДК Іван Церцель.

Віктар Бабарыка і яго сын Эдуард раніцай у чацвер былі дастаўлены ў Дэпартамент фінансавых расследаванняў. Яны даюць паказанні па "справе Белгазпрамбанка". У доме прэтэндэнта на прэзідэнцкі пост прайшоў ператрус.

"Бабарыка затрыманы ў сувязі з тым, што з'яўляўся непасрэдным арганізатарам супрацьпраўнай дзейнасці, спрабаваў уздзейнічаць на сведкаў, схаваць сляды раней учыненых злачынстваў і літаральна на днях зняць буйную суму грошай з падкантрольных яму рахункаў", - заявіў Церцель.

Па словах кіраўніка КДК, вядзецца праца па шэрагу напрамкаў: махінацыі з векселямі на суму звыш 60 мільёнаў долараў ЗША, у выніку якіх "на замежныя рахункі падкантрольныя структуры членамі злачыннай групы была выведзена буйная сума валюты".

"Акрамя таго, намі ўсталяваныя "адмывачныя" схемы, па якіх ажыццяўляўся вываз у банкі вялікіх сум валюты на падкантрольныя структуры", - дадаў ён.

Па словах Церцеля, адной з такіх структур з'яўляўся латвійскі банк ABLV. "Паводле дадзеных, якія мы атрымалі ад нашых партнёраў, латвійскіх калег, за некалькі гадоў у інтарэсах гэтага банка на яго рахункі з рахункаў Белгазпрамбанка было выведзена звыш 430 мільёнаў долараў ЗША", - паведаміў кіраўнік КДК.

Усталявалі ў КДК і факты дачы хабару службовым асобам банка за прадастаўленне крэдытаў прадпрымальнікам і асобам "з дрэннай крэдытнай гісторыяй".

"Устаноўлена таксама дачыненне шэрагу службовых асобаў да арганізацыі схем з фактычным прымусам грамадзян да атрымання крэдытаў на сваё імя з наступнай перадачай грашовых сродкаў і забеспячэннем гэтымі сродкамі грамадзян за працэнты", - дадаў ён.

Як заявілі ў эфіры тэлеканала, усяго па крымінальных справах затрымана каля 20 чалавек, частка з іх супрацоўнічае са следствам. Беларускія праваахоўнікі супрацоўнічаюць па справе з калегамі з 18 краін.

З чаго ўсё пачалося

Фінансавая міліцыя прыйшла ў Белгазпрамбанк - адзін з найбуйнейшых банкаў краіны - на мінулым тыдні ў рамках расследавання крымінальнай справы па падазрэнні ва ўхіленні ад выплаты падаткаў і "адмыванні" грошай. Прыходзілі супрацоўнікі ДФР Камітэта дзяржкантролю і ў шэраг прыватных кампаній - "ПрыватЛізінг", "Кентаўр" і "Кампары".

Як паведамлялі ў КДК, на дадзены момант затрыманыя 15 былых і цяперашніх супрацоўнікаў банка. Сітуацыю каментаваў і прэзідэнт Беларусі Аляксандр Лукашэнка, адзначыўшы, што праваахоўныя органы зацікавіліся Белгазпрамбанкам яшчэ ў 2016 годзе.

Пасля таго, што здарылася Нацбанк вырашыў адхіліць праўленне Белгазпрамбанка, якое дзейнічаоа, і прызначыць часовую адміністрацыю на чале з экс-кіраўніком Нацбанка Надзеяй Ермаковай.

Асноўныя акцыянеры банка - Газпрам і "Газпрамбанк" - заяўлялі аб незаконнасці дзеянняў па прызначэнні часовай адміністрацыі як супярэчаць заканадаўству як Беларусі, так і ЕАЭС.

44
Тэги:
Мінск, Віктар Бабарыка
Памёр вядомы беларускі мастак Уладзімір Басалыга

Памёр вядомы беларускі мастак Уладзімір Басалыга

18
(абноўлена 14:05 08.06.2020)
На стварэнне графічнай серыі "Помнікі дойлідства Беларусі" Уладзіміра Басалыгу натхніў класік беларускай літаратуры Уладзімір Караткевіч.

МІНСК, 8 чэр - Sputnik. Вядомы беларускі графік Уладзімір Басалыга памёр у Мінску на 81 годзе жыцця, паведаміў яго сын Андрэй Басалыга.

Уладзімір Басалыга з'яўляецца аўтарам ілюстрацый да кніг класікаў беларускай літаратуры: Янкі Купалы, Максіма Танка, Ніла Гілевіча, Уладзіміра Караткевіча. Працаваў у тэхніцы літаграфіі, афорта, лінагравюры, акварэлі.

"Сёння не стала майго бацькі. Дзякуй табе за ўсё, люблю", - напісаў на сваёй старонцы ў ФБ яго сын Андрэй Басалыга.

Уладзімір Самойлавіч Басалыга нарадзіўся ў Слуцку ў 1940 годзе. У 1960-ым скончыў Мінскае мастацкае вучылішча імя Глебава, у 1967-ым - Беларускі дзяржаўны тэатральна-мастацкі інстытут. У савецкія часы працаваў галоўным мастаком Мастацкага фонду БССР, затым выкладаў на мастацкім факультэце Беларускай акадэміі мастацтваў. З 2001 па 2007 гады быў старшынёй Беларускага саюза мастакоў.

Акрамя ілюстрацый да кніг беларускіх пісьменнікаў і паэтаў, Уладзімір Басалыга стварыў графічную серыю "Помнікі дойлідства Беларусі", на стварэнне якой яго натхніў Уладзімір Караткевіч. Класіка беларускай літаратуры Басалыга лічыў сябрам і аднадумцам.

За асабістыя дасягненні ў галіне выяўленчага мастацтва ў 1991 годзе быў узнагароджаны медалём Францыска Скарыны.

18
Тэги:
Смерць публічных людзей, Беларусь, Мастацтва
Квітнее лён

Які сёння дзень: 12 ліпеня 2020 года

0
(абноўлена 09:52 10.07.2020)
Гэты дзень з'яўляецца сто дзевяноста чацвёртым па грыгарыянскім календары, да канца года засталося 172 дні.

Сёння адзначаецца Сусветны дзень бортправадніка. Якія яшчэ падзеі адбыліся 12 ліпеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 12 ліпеня

  • У 1920 годзе: РСФСР паводле Маскоўскага дагавора прызнала Літоўскую Рэспубліку і яе правы на значную частку тэрыторыі Беларусі.

Хто нарадзіўся 12 ліпеня

  • 1916 год: Лаўрэнцій Абецэдарскі, беларускі гісторык.

Таксама сёння нарадзіліся італьянскі мастак Амедэо Мадыльяні і савецкая і расійская спявачка Валянціна Талкунова.

12 ліпеня ў народным календары

Сёння праваслаўныя вернікі шануюць памяць апосталаў Пятра і Паўла. Царква шануе іх як першых прапаведнікаў хрысціянства.

Гэты дзень – свята для рыбакоў, якія лічаць апостала Пятра сваім правадыром. Яны ставілі ў царкве свечку Пятру-рыбалову, маліліся пра багаты ўлоў.

Гэтым днём заканчваецца Пятроў пост. У народзе ладзілі гулянні, накрывалі вялікія сталы, варылі піва.

Дзяўчыны варажылі: плялі вянкі і надзявалі іх на галаву каня любімага хлопца. Калі да раніцы вянок не падаў, лічылася, што хлопец сапраўды кахае.

Калі Пятроў дзень быў ясны, то і год будзе добрым. Жоўтыя аблокі прадвяшчаюць дождж.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей