Аб'ява аб знікненні Максіма Мархалюка

Пошукі Максіма Мархлюка, які знік больш за год таму, працягваюцца дагэтуль

73
Хлопчык знік у верасні 2017 года ў Белавежскай пушчы, і з таго моманту ніякіх звестак пра яго няма.

МІНСК, 7 лют - Sputnik. Пошукі хлопчыка Максіма Мархалюка, які знік у Белавежскай пушчы, працягваюцца да гэтага часу, паведаміў у чацвер начальнік УУС Гродзенскага аблвыканкама Вадзім Сіняўскі.

Дзесяцігадовы хлопчык з вёскі Новы Двор сышоў у Белавежскую пушчу 16 верасня 2017 года і не вярнуўся. Была праведзена маштабная акцыя па яго пошуку, у якой прынялі ўдзел не толькі міліцыя, армія, выратавальнікі, але і тысячы валанцёраў.

"Супрацоўнікі міліцыі працягваюць пошукі Максіма да гэтага часу", - адзначыў Вадзім Сіняўскі.

Ён таксама адзначыў, што новай інфармацыі пра месцазнаходжанне дзіцяці няма. Супрацоўнікі міліцыі схіляюцца да версіі што з ім здарыўся няшчасны выпадак.

"Ужо адпрацавана звыш 3,8 тысячы такіх людзей. Устаноўлены 11,6 тысячы ўладальнікаў паляўнічай зброі, якія маглі туды прыязджаць у гэты час. Праверана больш за 2,4 тысячы транспартных сродкаў, якія маглі праязджаць ў раёне пошуку", - дадаў Сіняўскі.

Зараз дзіця працягвае знаходзіцца ў міжнародным вышуку, міліцыя расследуе распачатую па факце яго знікнення справу.

Раней кіраўнік пошукава-выратавальнага атрада "Анёл" Сяргей Коўган назваў пошукі Мархалюка самымі цяжкімі ў гісторыі арганізацыі. Таксама ён паведаміў, што валанцёры больш не ўдзельнічаюць у пошукавых мерапрыемствах у Белавежскай пушчы.

73
Тэги:
Дзеці, Гродзенская вобласць, Максім Мархалюк
Міністр замежных спраў Расіі Сяргей Лаўроў

Мінск перадаў Маскве інфармацыю аб затрыманай расіянцы Сапеге - Лаўроў

17
(абноўлена 12:57 18.06.2021)
Соф'я Сапега была знята з самалёта ірландскай кампаніі Ryanair, які экстранна сеў у Мінску 23 траўня, у Беларусі яна праходзіць па дзвюх крымінальных справах.

МІНСК, 18 чэр – Sputnik. МЗС Беларусі перадаў Расіі інфармацыю пра затрыманых расійскіх грамадзян, у тым ліку пра Соф'ю Сапегу, пра гэта заявіў міністр замежных спраў Расіі Сяргей Лаўроў.

"Уладзімір Уладзіміравіч Макей праінфармаваў пра сітуацыю з затрыманымі ў Беларусі расійскімі грамадзянамі, маю на ўвазе Соф'ю Сапегу, Ягора Дуднікава", - сказаў ён на прэс-канферэнцыі па выніках перамоў з беларускім калегам Уладзімірам Макеем.

Лаўроў удакладніў, што пасольства Расіі ў Мінску "трымае гэтае пытанне на асаблівым кантролі".

Сустрэча кіраўнікоў знешнепалітычных ведамстваў адбываецца ў Маскве ў пятніцу.

Затрыманне Сапегі

Грамадзянку Расіі Сафію Сапегу затрымалі разам з экс-галоўным рэдактарам Telegram-канала Nexta (прызнанага ў Беларусі экстрэмісцкім) Раманам Пратасевічам пасля экстранай пасадкі самалёта Ryanair у Мінску 23 траўня. Дзяўчыну арыштавалі на два месяцы па падазрэнні ў здзяйсненні шэрага крымінальных злачынстваў у жніўні-верасні 2020 года.

Афіцыйны прадстаўнік МЗС Расіі Марыя Захарава раней заявіла, што пасольства РФ у Мінску атрымала ад беларускіх улад шматразовы дазвол на наведванне Сафіі Сапегі.

Раней у эфіры тэлеканала СТБ было прадстаўлена відэа, у якім Сапега прызналася, што з'яўляецца рэдактарам Telegram-канала "Чорная кніга Беларусі", які публікуе асабістыя дадзеныя сілавікоў. Гэты сэрвіс, як і яго рэгіянальныя версіі, прызнаны ў Беларусі экстрэмісцкім.

На прэс-канферэнцыі, арганізаванай МЗС Беларусі, старшыня Следчага камітэта Дзмітрый Гара распавёў, што Сафія Сапега была затрымана ў аэрапорце па падазрэнні ў здзяйсненні злачынства, прадугледжанага артыкулам 342 КК (удзел у масавых беспарадках). Яна была прыцягнута ў якасці абвінавачанай па іншай крымінальнай справе, якая расследуецца па частцы 3 артыкула 130 (распальванне сацыяльнай варожасці).

Затрыманне Дуднікава

Дуднікаў быў затрыманы 5 траўня ў Мінску. На яго здымнай кватэры правялі вобыск, распачата справа па частцы 1 артыкула 342 Крымінальнага кодэкса ("Арганізацыя дзеянняў, што груба парушаюць грамадскі парадак"), па якой яму пагражае да трох гадоў пазбаўлення волі. Яго вінавацяць у Беларусі ў арганізацыі групавых дзеянняў, якія груба парушаюць грамадскі парадак.

Крымінальную справу, па інфармацыі адваката, у дачыненні да Дуднікава распачалі з-за таго, што ён агучваў ролікі для беларускай апазіцыі.

Расіянін знаходзіцца ў СІЗА нумар 1 УДВП па Мінску і Мінскай вобласці, да гэтага ён знаходзіўся амаль месяц у СІЗА КДБ.

Чытайце таксама:

17
Тэги:
крымінальная справа, справа, Расія, Беларусь, самалёт, Ryanair, Сяргей Лаўроў, Сафія Сапега, інфармацыя, Масква, Мінск
Сафія Сапега

Лаўроў і Макей абмяркуюць тэму затрыманай у Мінску Сапегі

19
(абноўлена 09:27 18.06.2021)
Па словах афіцыйнага прадстаўніка расійскага МЗС, у Маскве міністры падымуць тэму Сапегі.

МІНСК, 18 чэр – Sputnik. Тэму затрыманай у Беларусі расіянкі Соф'і Сапегі абмяркуюць у пятніцу, 18 чэрвеня, на сустрэчы ў Маскве кіраўнікі МЗС Расіі і МЗС Беларусі Сяргей Лаўроў і Уладзімір Макей, паведаміла напярэдадні афіцыйны прадстаўнік расійскага знешнепалітычнага ведамства Марыя Захарава.

Яна адзначыла, што расійскі бок аказвае Сапеге неабходнае садзейнічанне, дыпламаты РФ наведваюць яе.

"Безумоўна, і гэтыя пытанні будуць абмяркоўвацца", - паведаміла Захарава ў эфіры канала RTVI.

Сапега была знята з самалёта ірландскай кампаніі Ryanair, які экстранна сеў у Мінску 23 траўня. У Беларусі расіянка праходзіць па двух крымінальных справах.

Як заявіў на прэс-канферэнцыі кіраўнік Следчага камітэта Беларусі Дзмітрый Гара, яна знаходзілася ў поле зроку беларускіх сілавікоў яшчэ з канца мінулага года як адміністратар прызнанага экстрэмісцкім Telegram-канала "Чорная кніга Беларусі", дзе выкладвалі дадзеныя сілавікоў і дзяржслужачых.

Сёння Макей правядзе ў Маскве сустрэчу са сваім расійскім калегам Лаўровым. Праграмай прадугледжаны перамовы па шырокім коле пытанняў двухбаковага супрацоўніцтва і міжнароднага парадку.

Чытайце таксама:

19
Тэги:
Масква, МЗС, Сафія Сапега, Мінск, Уладзімір Макей, Сяргей Лаўроў
Стадыён Уэмблі у Лондане

Фінал Еўра-2020 могуць перанесці з Лондана

10
(абноўлена 12:21 18.06.2021)
УЕФА можа перанесці фінальны паядынак, так як у Лондане дзейнічаюць жорсткія каранцінныя меры.

МІНСК, 18 чэр – Sputnik. Фінал чэмпіянату Еўропы па футболе могуць перанесці з Лондана ў Будапешт, паведамляе Times.

Фінал Еўра-2020 павінен прайсці ў Лондане на стадыёне "Уэмблі" 11 ліпеня.

Паводле інфармацыі крыніцы, калі афіцыйныя асобы УЕФА і ФІФА не будуць вызвалены ад неабходнасці праходзіць самаізаляцыю па прыбыцці, будзе разгледжаны варыянт з пераносам матча з Лондана ў Будапешт.

У сваю чаргу, брытанскі Кабмін абмяркоўвае магчымасць зрабіць выключэнне для 2,5 тысяч прадстаўнікоў УЕФА і ФІФА, палітыкаў, спонсараў і вяшчальнікаў і дазволіць ім не сыходзіць на ізаляцыю.

Афіцыйным асобам могуць дазволіць наведваць матчы плэй-оф Еўра на "Уэмблі", трэніроўкі каманд, сустракацца з членамі ўрада Вялікабрытаніі.

Стадыён "Уэмблі" умяшчае 90 000 гледачоў. На першых матчах кантынентальнага першынства ў Лондане ўстаноўлена абмежаванне ў 25% ад ёмістасці арэны - 22 500 чалавек. Плануецца, што гэтая колькасць будзе павялічана да плэй-оф.

Дарэчы, на матчах чэмпіянату Еўропы ў Венгрыі дазволена 100-працэнтная запаўняльнасць стадыёна.

У Лондане пройдуць яшчэ дзве сустрэчы групавога этапу з удзелам зборнай Англіі, два матчы 1/8 фіналу турніру, паўфінал і фінал.

Чытайце таксама:

10
Тэги:
УЕФА, Лондан, Еўра-2020, фінал