Каталіцкі храм канца XIX стагоддзя згарэў у Віцебскай вобласці

© Photo : МЧС РБКаталіцкі храм канца XIX стагоддзя згарэў у Віцебскай вобласці
Каталіцкі храм канца XIX стагоддзя згарэў у Віцебскай вобласці - Sputnik Беларусь
Падпісацца
Паводле папярэдняй версіі, да пажару прывяло неасцярожнае абыходжання з агнём падчас спальвання смецця.

МІНСК, 18 кра - Sputnik. Драўляны храм Святых апосталаў Пятра і Паўла цалкам згарэў у Гарадоцкім раёне, паведамілі ў Віцебскім упраўленні МНС.

Пасля пажару: погляд з вышыні на згарэлы дах Нотр-Дама – відэа - Sputnik Беларусь
Відэа
Пасля пажару: погляд з вышыні на згарэлы дах Нотр-Дама – відэа

Паведамленне пра ўзгаранне ў вёсцы Рамні выратавальнікі атрымалі ў 13:21 17 красавіка. Калі пажарныя прыбылі да месца выкліку, пабудова гарэла адкрытым полымем. Агонь удалося аператыўна патушыць, аднак полымя знішчыла дах і столевыя перакрыцці, пашкодзіла сцены. Храм апынуўся цалкам разбураны.

Пацярпелых у выніку таго, што здарылася, няма.

Прычыны ўзгарання ўстанаўліваюцца, на месцы працуе следча-аператыўная група.

"Папярэдне ўстаноўлена, што полымя перайшло на храм у ходзе неасцярожнага абыходжання з агнём пры спальванні смецця, яно перайшло на сухую расліннасць", - распавялі ў СК.

Каталіцкі храм Святых апосталаў Пятра і Паўла быў пабудаваны ў 1896 годзе і спалучаў у сабе некалькі стыляў: класіцызм, мадэрн і псеўдарускі. Пабудова ўваходзіла ў Дзяржаўны спіс гісторыка-культурных каштоўнасцяў Беларусі. Будынак не эксплуатаваўся больш за 30 гадоў.

Нагадаем, што ў мінулы панядзелак пажар моцна пашкодзіў сусветна вядомы каталіцкі храм у Парыжы. Сабор Парыжскай Божай Маці знаходзіўся на рэстаўрацыі і быў акружаны будаўнічымі лясамі, якія спрыялі распаўсюджванню агню. Тушэнне доўжылася каля 9 гадзін, будынак пазбавілася шпіля, даху і гадзінніка, аднак сцены і вежы захаваліся, удалося выратаваць і рэліквіі, якія захоўваліся там. Шкода, нанесеная Нотр-Дам-дэ-Пары, яшчэ не ацэнена, аднак на яго аднаўленне ўжо пералічана больш за 800 мільёнаў еўра.

Стужка навiн
0