Гітарыста музычных гуртоў Ляпіс Трубяцкой і Trubetskoy Руслана Уладыка

Гітарыста гуртоў "Ляпіс" і Trubetskoy жорстка збілі - ён у рэанімацыі

33
(абноўлена 14:47 12.06.2019)
Сябры музыканта выказваюць надзею, што ён выжыве і зможа ўзяць гітару ў рукі.

МІНСК, 12 чэр - Sputnik. Гітарыста музычных гуртоў "Ляпіс Трубяцкой" і Trubetskoy Руслана Уладыка жорстка збілі ў Мінску, паведаміў у Facebook прадзюсар калектыву Яўген Калмыкоў.

"6 чэрвеня Руслан Пятровіч Уладыка быў дастаўлены ў рэанімацыю адной з мінскіх бальніц з чэрапна-мазгавой траўмай", - напісаў ён.

Мяркуецца, што музыку ўдарылі чымсьці цяжкім па галаве з мэтай абрабаваць. Паводле інфармацыі Калмыкава, барсетка і мабільны тэлефон пацярпелага былі выкрадзены.

"Да гэтага часу ў коме. Сітуацыя цяжкая. Спадзяемся, што выжыве і возьме ў рукі гітару", - дадаў прадзюсар Калмыкоў.

У гурце паведамілі, што заяўленыя канцэрты застаюцца ў сіле - Руслана падменяць калегі-музыки.

Інфармацыя пра тых, хто нападаў, не ўдакладняецца.

"Па факце атрымання Русланам Уладыкам цялесных пашкоджанняў Партызанскім РАСК узбуджана крымінальная справа. Зараз яго стан ацэньваецца як цяжкі. Усе абставіны здарэння высвятляюцца", - паведаміў афіцыйны прадстаўнік Следчага камітэта Сяргей Кабаковіч.

33
Тэги:
Здарэнні, Мінск, Беларусь
Бацька Марыі Калеснікавай і яе адвакат Людміла Казак

Адвакат Марыі Калеснікавай затрыманая - ГУУС

6
(абноўлена 09:11 25.09.2020)
У сталічнай міліцыі не раскрылі падрабязнасці затрымання, адзначыўшы толькі, што Людміла Казак затрыманая "за здзяйсненне адміністрацыйнага правапарушэння".

МІНСК, 25 вер - Sputnik. Адвакат члена прэзідыума Каардынацыйнага савета апазіцыі Марыі Калеснікавай Людміла Казак была затрыманая супрацоўнікамі міліцыі за здзяйсненне адміністрацыйнага правапарушэння, паведаміла Sputnik у чацвер афіцыйны прадстаўнік ГУУС Мінгарвыканкама Наталля Ганусевіч.

Раней беларускія СМІ паведамілі пра тое, што жанчына, падобная на адваката Людмілу Казак, была дастаўлена ў Цэнтральны РУУС сталіцы.
"Яна затрыманая за здзяйсненне адміністрацыйнага правапарушэння", - сказала Ганусевіч, і не стала ўдакладняць, дзе менавіта цяпер знаходзіцца адвакат.

"Думаю, сама потым раскажа. Не хачу скампрамэтаваць яе, таму і не кажу", - патлумачыла Ганусевіч.

На гэтым тыдні суд Партызанскага раёна Мінска не змяніў меру стрымання Калеснікавай і пакінуў яе ў СІЗА ў Жодзіна.

Калеснікава з'яўляецца адной з трох абвінавачаных па справе аб закліках да захопу ўлады, двое іншых - яе паплечнікі-адвакаты Максім Знак і Ілля Салей. Абодва зараз знаходзяцца ў СІЗА №1 ГУУС Мінска на вуліцы Валадарскага. Знаку на мінулым тыдні суд адмовіў у змене меры стрымання, пасля чаго ён абвясціў галадоўку.

Крымінальная справа пра заклікі да захопу ўлады па факце стварэння Каардынацыйнага савета Генеральная пракуратура Беларусі ўзбудзіла 19 жніўня. Максімальная санкцыя па гэтым артыкуле прадугледжвае да пяці гадоў пазбаўлення волі.

6
Тэги:
Мінск, Арышт і затрыманне, ГУУС Мінгарвыканкама
Затрыманне ў Мінску ўвечары 23 верасня

МУС расказала, колькі чалавек было затрымана на акцыях пратэсту 23 верасня

7
(абноўлена 11:57 24.09.2020)
У Мінску групы людзей выстройваліся ў ланцугі ўздоўж праезнай часткі, збіраліся каля станцый метрапалітэна, гандлёвага цэнтра "Галерэя".

МІНСК, 24 вер - Sputnik. У Беларусі ўвечары 23 верасня зафіксавана 59 пратэстных акцый, паведамілі ў МУС краіны.

Паводле ацэнак ведамства, у іх прынялі ўдзел каля 5 тысяч чалавек.

Як удакладніла афіцыйны прадстаўнік ведамства Вольга Чамаданава, у сталіцы пратэстоўцы збіраліся непадалёк ад станцый метро, каля ГЦ "Галерэя", выстройваліся ў ланцугі ўздоўж праезнай часткі. Так, каля сямі вечара каля скрыжавання праспектаў Пераможцаў і Машэрава сабралася каля трох тысяч чалавек. Позна ўвечары ў розных частках горада асобныя групы ад 10 да 50 чалавек блакавалі праезную частку.

У Віцебску на несанкцыянаваную акцыю сабраліся каля 100 чалавек. Там пратэстоўцы таксама блакавалі рух на дарогах. На скрыжаванні праспектаў Перамогі і Будаўнікоў невядомыя рассыпалі металічныя шыпы.

За ўдзел у акцыях па ўсёй краіне затрыманыя 364 мітынгоўцы, у тым ліку 252 чалавекі - у Мінску. У месцы ўтрымання да разгляду ў судзе спраў адпраўлена 320 чалавек.

Акцыі пратэсту ў Беларусі пачаліся 9 жніўня, пасля выбараў прэзідэнта, на якіх, па дадзеных ЦВК Беларусі, перамог Аляксандр Лукашэнка. У сераду, 23 верасня, адбылася яго інаўгурацыя.

7
Тэги:
акцыі пратэстаў, Беларусь, МУС РБ
Тэмы:
Пратэсты пасля выбараў у Беларусі
Вуж

Карона Змяінага цара і цмок-спакуснік: паданні на Змяінае свята

283
(абноўлена 12:18 25.09.2020)
У даўніну людзі верылі што 27 верасня змеі збіраюцца і разам сыходзяць у зімовую спячку, у сувязі з гэтым у лес імкнуліся не хадзіць.

Па народных паданнях, 27 верасня паўзуноў надзвычай шмат - яны збіраюцца разам, каб запаўзці глыбока ў лес і там легчы ў спячку. Людзі імкнуліся не хадзіць у лес або поле, таму што лічылася: калі змяя ўкусіць у гэты дзень, ніякія лекі не дапамогуць.

Асабліва сцерагліся гадзюк. Насамрэч, шмат дзе на беларускіх землях усіх паўзуноў называлі "вужамі", але калі сапраўдны вуж – істота бяскрыўдная і нават карысная, яд гадзюкі здольны забіць, таму іх знішчалі, а каб пазбегнуць укуса, перад тым, як ісці ў месцы, дзе водзяцца змеі, чыталі загавар. 

Вуж-дамавік аберагаў ад бяды

На беларускіх землях вужы здаўна лічыліся апекунамі дома і дамашніх жывёл. Ім пакідалі малако і ніколі не крыўдзілі, таму што верылі: такі жылец можа папярэдзіць пра няшчасце і нават дапамагчы знайсці скарб.

У хаце вуж жыў звычайна пад печчу. Раней, калі дзяцей саджалі снедаць на падлогу, ён мог выпаўзаць і есці з імі з адной міскі. Малыя гулялі з ім і вуж ніколі іх не крыўдзіў.

Жылі вужы і ў хляве, дзе нават маглі піць малако прама з каровінага вымя. Іх ні ў якім разе не праганялі, таму што па-перше, яны знішчалі грызуноў, якія маглі пераносіць хваробы, а па-другое, лічылася, што калі пазбавіць карову такога "сябра", у яе можа знікнуць малако.

Сыход вужа з хаты з'яўляўся перасцярогай гаспадарам пра нейкую бяду. Напрыклад, неўзабаве ў доме мог здарыцца пажар, або ў яго магла трапіць маланка.

Вужыны кароль, яго дачкі і чароўныя скарбы

Па легендах, вуж таксама мог дапамагчы гаспадару знайсці скарб. У некаторых мясцінах, калі дамашні вуж паміраў, з яго тлушчу рабілі свечку. Людзі верылі, што калі яе запаліць, з'явіцца цэлае змяінае войска на чале з Вужыным каралём, які пакажа, дзе схаваны скарб.

Калі Вужынага караля давадзілася сустрэць недзе ў лесе або полі, трэба было пакласці перад ім рушнік. Тады ён нібыта запаўзе на яго і пакіне сваю залатую карону. Але часта караля суправаджала яго світа, і вось гэтыя змеі зусім не былі бяспечнымі, таму тым, хто шукае клады, раілі насіць з сабой ясеневы кій – нібыта калі ўдарыць ім па клубку змей, яны разпаўзуцца, пакінуўшы свайго караля.

Нямала паданняў існуе і пра прыгожых дачок Змяінага цара – вужалак. Яны нібыта да паловы мелі выгляд прыгожых дзяўчын з доўгімі валасамі, а замест ног у іх быў хвост. Вужалкі любілі залатыя ўпрыгожваллі, а вось вопраткі не насілі ніякай. Да чалавечых дамоў вужалкі не набліжаліся, жылі глыбока ў лесе, каля вадаёмаў. Самі дачкі Вужынага цара не робяць чалавеку ніякай шкоды, але там, дзе яны жывуць, шмат змей. Лічылася, што калі чалавек знойдзе ўпрыгожванне вужалкі, яму больш не страшныя змяіныя ўкусы.

Жоўтыя плямы на галаве вужа - нібы завушніцы
© CC0 / Pixabay / JarkkoManty
Па легендзе, Вужалкі маглі ператварацца ў змей, а жоўтыя плямачкі па баках галавы нагадваюць залатыя завушніцы

Змей-волат і цмок-спакуснік

Існуюць на беларускіх землях паданні і пра велізарных змей, велічынёй з дом і нават больш. Па адной легендзе, у даўніну асілак змог перамагчы такога змея, парубіў яго на тры часткі і пахаваў іх асобна – так утварыліся вялікія курганы. Па іншай, людзі здолелі злавіць змея, але не забіць яго, і тады вырашылі закапаць вялізную пачвару. Але кожную раніцу яны знаходзілі зямлю раскіданай. І тады адзін чалавек узяў чорнага пеўня, запраг яго ў стары лапаць і ў ім прывёз да звязанага змея зямлі. Тры разы хадзіў ён так, і больш зямля са змея не асыпалася.

У адрозненні ад велізарнага змея (на вобраз якога, несумненна, аказала ўплыз хрысціянскае паданне пра змаганне святога Георгія з драконам), лятучы змей, цмок, мог пераўтварацца ў чалавека. Паўставаў ён звычайна ў абліччы барадатага мужчыны або прыгожага хлопца. Калі дзяўчына закахалася ў такога, яна неўзабаве памірала.

У абліччы змея цмока ўяўлялі велізарным, памерам з дом, да таго ж, у яго магло быць шмат галоў – некаторыя легенды налічвалі да 12.

Свайму гаспадару цмок прыносіў багацце, але гэтыя грошы лічыліся нешчаслівымі. Часта цмок увогуле асацыюецца з вобразам чорта або Люцыфера, які ненавідзіць усе божыя стварэнні. Падчас навальніцы цмок хаваецца ў дупле старога дуба, таму маланка святога Пятра часцей за ўсё трапляе менавіта ў гэта дрэва.

283
Тэги:
Традыцыі і абрады, змяя
Тэмы:
Спадчына: традыцыі і вераванні нашых продкаў