Беларускі пісьменнік Леанід Дайнека

Памёр пісьменнік Леанід Дайнека: ён вучыў нас любіць беларускую гісторыю

94
(абноўлена 13:40 21.08.2019)
"Меч князя Вячкі", "Сцежкай чарадзея", "Жалезныя жалуды" - гэтымі раманамі Леанід Дайнека дапамагаў пераадольваць абыякавасць да беларускай гісторыі.

МІНСК, 21 жні - Sputnik. Сёння памёр беларускі пісьменнік Леанід Дайнека, паведамілі ў Саюзе беларускіх пісьменнікаў. Выдатнаму беларускаму празаіку было 79 гадоў.

"Выказваем шчырыя спачуванні сям'і, родным і блізкім, і ўсім чытачам Леаніда Мартынавіча", - паведамілі ў Саюзе.

Развітанне з Леанідам Дайнекам пройдзе ў пятніцу ў рытуальнай зале па вуліцы Альшэўскага, 12. Пра час развітання пакуль не паведамляецца.

Дайнеку многія ведаюць дзякуючы яго гістарычным раманам, галоўныя дзеючыя героі якіх - рэальныя персанажы беларускай гісторыі.

У яго рамане "Меч князя Вячкі" - барацьба з крыжакамі. Дзеянні рамана разгортваюцца на пачатку XIII стагоддзя, калі Полацак сутыкнуўся з пагрозай з боку крыжакоў. Князь Вячка - Вячаслаў Барысавіч - галоўны герой рамана, улюбёнец народа. Ён бачыць праблему раздробненасці і заклікае князёў прымірыцца, аб'яднацца супраць агульнага ворага. За гэтую працу Дайнека атрымаў прэмію Саюза пісьменнікаў Беларусі імя Івана Мележа.

Полацкі князь Усяслаў Чарадзей стаў героем яго гістарычнага рамана "Сцежкай Чарадзея". За раман Дайнека атрымаў Дзяржаўную прэмію Беларусі імя Кастуся Каліноўскага.

Аб раннім этапе станаўлення ВКЛ можна прачытаць у яго рамане "Жалезныя жалуды". Князь Міндоўг ператвараецца з гістарычнага персанажа ў галоўнага героя рамана.

Сярод кніг Дайнекі - фантастычны раман "Чалавек з брыльянтавым сэрцам". Многія ведаюць яго як празаіка, але ён таксама пісаў вершы, некаторыя з іх былі пакладзены на музыку.

Дайнека нарадзіўся ў Магілёўскай вобласці ў шматдзетнай сям'і незадоўга да пачатку вайны - у студзені 1940 года. Ён скончыў аддзяленне журналістыкі філалагічнага факультэта Беларускага дзяржаўнага ўніверсітэта. Працаваў на будоўлях, на металургічным камбінаце, а пасля - на Віцебскай студыі тэлебачання.

Пісьменнік больш пятнаццаці гадоў быў адказным сакратаром часопіса "Маладосць". З 1989 года працаваў у выдавецтве "Мастацкая літаратура".

94
Тэги:
Смерць публічных людзей, Беларуская літаратура, Беларусь, Валерый Дайнека
СІЗА, архіўнае фота

Затрыманы начальнік штаба Сяргея Чарэчня

11
(абноўлена 11:09 07.08.2020)
Кіраўнік штаба кандыдата Мікалай Лысенкаў працаваў назіральнікам на адным з участкаў для галасавання ў Стоўбцах.

МІНСК, 7 жні - Sputnik. Кіраўнік перадвыбарчага штаба кандыдата ў прэзідэнты Сяргея Чарэчня Мікалай Лысенкаў затрыманы ў Стоўбцах, гэтую інфармацыю пацвердзілі ў камандзе палітыка.

Лысенкаў - давераная асоба і начальнік штаба кандыдата Сяргея Чарэчня. У рамках датэрміновага галасавання ён з'яўляўся назіральнікам на ўчастку для галасавання ў родных Стоўбцах.

Каманда палітыка раніцай у пятніцу апублікавала відэа затрымання Лысенкава.

Да кіраўніка штаба кандыдата ў прэзідэнты падышла міліцыя, супрацоўнік праваахоўных органаў паведаміў аб тым, што ў дачыненні да Лысенкава распачаты адміністрацыйны працэс па падазрэнні ў арганізацыі несанкцыянаваных масавых мерапрыемстваў (арт. 23.34 КаАП).

Лысенкава даставілі ў Стаўбцоўскі РАУС для правядзення праверкі. Яго статус на дадзены момант не вядомы.

Лысенкаў з'яўляецца актывістам партыі "Грамада", які апошнія два гады ўзначальвае Чарэчань.

11
Тэги:
Беларусь, Выбары, Сяргей Чарэчань
Кандыдат у прэзідэнты Святлана Ціханоўская

У Мінску затрымлівалі давераную асобу Святланы Ціханоўскай

14
(абноўлена 15:10 06.08.2020)
У жніўні былі затрыманыя некалькі іншых давераных асоб Ціханоўскай, у тым ліку Валянцін Троцкі і Мікалай Маслоўскі.

МІНСК, 6 жні - Sputnik. Давераная асоба кандыдата ў прэзідэнты Святланы Ціханоўскай Марыя Мароз была затрыманая ў Мінску, паведамілі ў чацвер у аб'яднаным штабе кандыдата.

Пра затрыманне Мароз стала вядома днём у чацвер. У аб'яднаным штабе палітыка гэтую інфармацыю пацвердзілі.

"Была затрыманая людзьмі, якія прадставіліся супрацоўнікамі МУС, каля 11 раніцы сёння пры выхадзе з літоўскага пасольства пасля падачы дакументаў на візу", - распавялі ў аб'яднаным штабе.

Штаб Святланы Ціханоўскай, а таксама штабы Валерыя Цапкалы і Віктара Бабарыкі, якія падтрымліваюць кандыдата, працягваюць сваю працу.

На пытанне Sputnik аб затрыманні Мароз у ГУУС Мінгарвыканкама сказалі, што такой інфармацыяй на дадзены момант не маюць.

У праваахоўных органах Sputnik пацвердзілі інфармацыю аб затрыманні Мароз, але ўдакладнілі, што "яе, хутчэй за ўсё, затрымлівалі не супрацоўнікі ГУУС Мінска, а аператыўнікі ДФР або АБЭП". Там таксама адзначылі, што "можа быць, яе проста даставілі для высвятлення асобы, альбо высвятлення нейкіх іншых абставінаў".

У сваю чаргу афіцыйны прадстаўнік МУС Беларусі Вольга Чамоданава паведаміла Sputnik, што "інфармацыі пра затрыманне дадзенай асобы (Марыі Мароз Sputnik) у МУС няма. Магчыма, яе запрасілі. Затрымалі і запрасілі - гэта два цалкам розных паняцця".

Як пазней паведамілі ў штабе Ціханоўскай, у 12:45 Марыю Мароз праваахоўнікі адпусцілі. Прычына правядзення гутаркі пакуль не вядомая.

Такім чынам, Мароз не затрымлівалі, а запрашалі на "размову" ў аддзел па барацьбе з арганізаванай злачыннасцю і экстрэмізмам, дзе папярэджвалі аб недапушчальнасці арганізацыі масавых беспарадкаў.

У жніўні былі затрыманыя некалькі іншых давераных асоб Ціханоўскай, у тым ліку Валянцін Троцкі і Мікалай Маслоўскі.

У ходзе кампаніі па зборы подпісаў таксама затрымліваўся шэраг сяброў ініцыятыўнай групы Святланы Ціханоўскай, у тым ліку - кіраўнік групы, яе муж Сяргей Ціханоўскі, які на дадзены момант знаходзіцца ў СІЗА і падазраецца ў арганізацыі масавых беспарадках і гвалце ў дачыненьні да супрацоўніка міліцыі.

14
Тэги:
Святлана Ціханоўская, Беларусь, Выбары
Тэмы:
Выбары прэзідэнта Беларусі - 2020
Медык у клініка-дыягнастычнай лабараторыі

Колькасць выпадкаў заражэння каронавірусам у Беларусі перавысіла 68,6 тысячы

1
(абноўлена 15:13 07.08.2020)
Паправіліся і выпісаныя 64 200 пацыентаў, у якіх раней быў пацверджаны дыягназ COVID-19.

МІНСК, 7 жні - Sputnik. Колькасць тых, хто захварэў на каронавірус у Беларусі перавысіла 68,6 тысячы чалавек, пра гэта паведамілі ў Міністэрстве аховы здароўя рэспублікі ў пятніцу.

"Зарэгістраваныя 68 тысяч 614 чалавек з станоўчым тэстам на COVID-19", - удакладнілі ў профільным ведамстве.

За суткі колькасць выпадкаў павялічылася на 111. Паправіліся і выпісаныя 64 тысячы 200 пацыентаў, у якіх раней быў пацверджаны дыягназ COVID-19, іх за мінулыя 24 гадзіны стала больш на 444.

"За ўвесь перыяд распаўсюджвання інфекцыі на тэрыторыі краіны памерлі 583 пацыента з шэрагам хранічных захворванняў з выяўленай каронавіруснай інфекцыяй", - праінфармавалі ў Міністэрстве аховы здароўя.

Так, колькасць смяротных выпадкаў ўзрасла на тры. Сумарна на тэрыторыі краіны праведзена больш за 1 мільён 353 тысяч тэстаў.

Чытайце таксама:

1
Тэги:
Міністэрства аховы здароўя Рэспублікі Беларусь, каронавірус, Беларусь
Тэмы:
Каронавірус COVID-19