Пажар у зоне адчужэння Чарнобыльскай АЭС

Каля траціны тураб'ектаў згарэла пры пажарах у Чарнобыльскай зоне

7
(абноўлена 11:16 15.04.2020)
Украінскія ратавальнікі змагаліся з агнём у зоне адчужэння каля 10 дзён, справіцца з пажарамі напярэдадні дапамог дождж.

МІНСК, 15 кра - Sputnik. Больш за 30% турыстычных аб'ектаў згарэлі пры пажарах ва ўкраінскай зоне адчужэння, паведаміў сябра грамадскага савета пры дзяржагенцтва Украіны па пытаннях кіравання зонай адчужэння, дырэктар агенцтва "Чарнобыль тур" Яраслаў Емяльяненка.

Каля 10 дзён украінскія ратавальнікі змагаліся з агнём у зоне адчужэння. Для тушэння агню выкарыстоўвалася авіяцыя. Напярэдадні змянілася надвор'е, пахаладала і пайшоў дождж, які дапамог затушыць полымя. У выніку прадстаўнікі Дзяржслужбы па надзвычайных сітуацыях змаглі паведаміць, што адкрытага агню ў зоне адчужэння няма, у асобных месцах захоўваецца тленне. Падраздзяленні ДСНС працягваюць працу на тэрыторыях, дзе тлеюць пні і драўніна.

"Больш за 30% турыстычных лакацый страчана цалкам і аднаўленню не падлягаюць. Таму што мы паказвалі ў шматдзённых турах старэнькія савецкія базы адпачынку... Страчаныя даволі многа вёсак палескіх... Страчаныя нават некаторыя металічныя лакацыі", - цытуе Емяльяненку "Грамадскае ТБ".

Па словах Емяльяненкі, пажар нанёс сур'ёзны ўдар па "турызме, спадчыне і гісторыі".

"Будзем зараз размаўляць з адміністрацыяй. Частку лакацый, верагодна, будзем неяк спрабаваць аднавіць, магчыма нават з выкарыстаннем сучасных тэхналогій, як дабаўленая рэальнасць. Таму што мы павінны паказаць людзям, якія прыязджаюць, па меншай меры, што тут было", - дадаў ён.

Пры гэтым Емяльяненка адзначыў, што асноўныя турыстычныя лакацыі не пацярпелі.

7
Тэги:
Украіна, Пажар, Чарнобыль
Супрацоўнік Дэпартамента фінансавых расследаванняў КДК

КДК: Віктар Бабарыка затрыманы

44
(абноўлена 17:29 18.06.2020)
Кіраўнік камітэта дзяржкантролю заявіў аб тым, што Бабарыка кіраваў злачыннай групай.

МІНСК, 18 чэр - Sputnik. Экс-кіраўнік Белгазпрамбанка і прэтэндэнт у кандыдаты ў прэзідэнты Віктар Бабарыка затрыманы, пра гэта ў эфіры Белтэлерадыёкампаніі паведаміў кіраўнік КДК Іван Церцель.

Віктар Бабарыка і яго сын Эдуард раніцай у чацвер былі дастаўлены ў Дэпартамент фінансавых расследаванняў. Яны даюць паказанні па "справе Белгазпрамбанка". У доме прэтэндэнта на прэзідэнцкі пост прайшоў ператрус.

"Бабарыка затрыманы ў сувязі з тым, што з'яўляўся непасрэдным арганізатарам супрацьпраўнай дзейнасці, спрабаваў уздзейнічаць на сведкаў, схаваць сляды раней учыненых злачынстваў і літаральна на днях зняць буйную суму грошай з падкантрольных яму рахункаў", - заявіў Церцель.

Па словах кіраўніка КДК, вядзецца праца па шэрагу напрамкаў: махінацыі з векселямі на суму звыш 60 мільёнаў долараў ЗША, у выніку якіх "на замежныя рахункі падкантрольныя структуры членамі злачыннай групы была выведзена буйная сума валюты".

"Акрамя таго, намі ўсталяваныя "адмывачныя" схемы, па якіх ажыццяўляўся вываз у банкі вялікіх сум валюты на падкантрольныя структуры", - дадаў ён.

Па словах Церцеля, адной з такіх структур з'яўляўся латвійскі банк ABLV. "Паводле дадзеных, якія мы атрымалі ад нашых партнёраў, латвійскіх калег, за некалькі гадоў у інтарэсах гэтага банка на яго рахункі з рахункаў Белгазпрамбанка было выведзена звыш 430 мільёнаў долараў ЗША", - паведаміў кіраўнік КДК.

Усталявалі ў КДК і факты дачы хабару службовым асобам банка за прадастаўленне крэдытаў прадпрымальнікам і асобам "з дрэннай крэдытнай гісторыяй".

"Устаноўлена таксама дачыненне шэрагу службовых асобаў да арганізацыі схем з фактычным прымусам грамадзян да атрымання крэдытаў на сваё імя з наступнай перадачай грашовых сродкаў і забеспячэннем гэтымі сродкамі грамадзян за працэнты", - дадаў ён.

Як заявілі ў эфіры тэлеканала, усяго па крымінальных справах затрымана каля 20 чалавек, частка з іх супрацоўнічае са следствам. Беларускія праваахоўнікі супрацоўнічаюць па справе з калегамі з 18 краін.

З чаго ўсё пачалося

Фінансавая міліцыя прыйшла ў Белгазпрамбанк - адзін з найбуйнейшых банкаў краіны - на мінулым тыдні ў рамках расследавання крымінальнай справы па падазрэнні ва ўхіленні ад выплаты падаткаў і "адмыванні" грошай. Прыходзілі супрацоўнікі ДФР Камітэта дзяржкантролю і ў шэраг прыватных кампаній - "ПрыватЛізінг", "Кентаўр" і "Кампары".

Як паведамлялі ў КДК, на дадзены момант затрыманыя 15 былых і цяперашніх супрацоўнікаў банка. Сітуацыю каментаваў і прэзідэнт Беларусі Аляксандр Лукашэнка, адзначыўшы, што праваахоўныя органы зацікавіліся Белгазпрамбанкам яшчэ ў 2016 годзе.

Пасля таго, што здарылася Нацбанк вырашыў адхіліць праўленне Белгазпрамбанка, якое дзейнічаоа, і прызначыць часовую адміністрацыю на чале з экс-кіраўніком Нацбанка Надзеяй Ермаковай.

Асноўныя акцыянеры банка - Газпрам і "Газпрамбанк" - заяўлялі аб незаконнасці дзеянняў па прызначэнні часовай адміністрацыі як супярэчаць заканадаўству як Беларусі, так і ЕАЭС.

44
Тэги:
Мінск, Віктар Бабарыка
Памёр вядомы беларускі мастак Уладзімір Басалыга

Памёр вядомы беларускі мастак Уладзімір Басалыга

18
(абноўлена 14:05 08.06.2020)
На стварэнне графічнай серыі "Помнікі дойлідства Беларусі" Уладзіміра Басалыгу натхніў класік беларускай літаратуры Уладзімір Караткевіч.

МІНСК, 8 чэр - Sputnik. Вядомы беларускі графік Уладзімір Басалыга памёр у Мінску на 81 годзе жыцця, паведаміў яго сын Андрэй Басалыга.

Уладзімір Басалыга з'яўляецца аўтарам ілюстрацый да кніг класікаў беларускай літаратуры: Янкі Купалы, Максіма Танка, Ніла Гілевіча, Уладзіміра Караткевіча. Працаваў у тэхніцы літаграфіі, афорта, лінагравюры, акварэлі.

"Сёння не стала майго бацькі. Дзякуй табе за ўсё, люблю", - напісаў на сваёй старонцы ў ФБ яго сын Андрэй Басалыга.

Уладзімір Самойлавіч Басалыга нарадзіўся ў Слуцку ў 1940 годзе. У 1960-ым скончыў Мінскае мастацкае вучылішча імя Глебава, у 1967-ым - Беларускі дзяржаўны тэатральна-мастацкі інстытут. У савецкія часы працаваў галоўным мастаком Мастацкага фонду БССР, затым выкладаў на мастацкім факультэце Беларускай акадэміі мастацтваў. З 2001 па 2007 гады быў старшынёй Беларускага саюза мастакоў.

Акрамя ілюстрацый да кніг беларускіх пісьменнікаў і паэтаў, Уладзімір Басалыга стварыў графічную серыю "Помнікі дойлідства Беларусі", на стварэнне якой яго натхніў Уладзімір Караткевіч. Класіка беларускай літаратуры Басалыга лічыў сябрам і аднадумцам.

За асабістыя дасягненні ў галіне выяўленчага мастацтва ў 1991 годзе быў узнагароджаны медалём Францыска Скарыны.

18
Тэги:
Смерць публічных людзей, Беларусь, Мастацтва
Прэзідэнт Расіі Уладзімір Пуцін

Папраўкі ў Канстытуцыю Расіі ўвойдуць у сілу 4 ліпеня

0
(абноўлена 17:29 03.07.2020)
Расійскі прэзідэнт заклікаў не страціць каштоўныя прапановы, якія не ўвайшлі ў Канстытуцыю.

МІНСК, 3 ліп - Sputnik. Канстытуцыя Расійскай Федэрацыі з унесенымі ў яе папраўкамі ўвойдзе ў сілу 4 ліпеня. Дату вызначыў прэзідэнт РФ Уладзімір Пуцін сваім указам, які быў апублікаваны ў пятніцу на афіцыйным партале прававой інфармацыі.

Галасаванне па папраўках (было прапанавана 206 паправак) да расійскай Канстытуцыі праходзіла з 25 чэрвеня па 1 ліпеня. Сёння кіраўнік ЦВК РФ Эла Памфілава абвясціла канчатковыя дадзеныя плебісцыту: 77,92% тых, хто прагаласаваў падтрымалі змены, супраць выказаліся 21,27%.

"Папраўкі ў Канстытуцыю Расійскай Федэрацыі (...) ўступаюць моц 4 ліпеня 2020 года", - гаворыцца ў тэксце ўказу.
Расійскі прэзідэнт у ходзе сустрэчы з рабочай групай па падрыхтоўцы паправак у Канстытуцыю падкрэсліў, што "людзі сэрцам адчулі, што тое, што было прапанавана самімі грамадзянамі Расіі, рабочай групай, дэпутатамі парламента, запатрабавана і трэба краіне".

Разам з тым ён звярнуў увагу, што ўсе "ўпакаваць" у канстытуцыю немагчыма, але іншыя каштоўныя прапановы ад людзей павінны быць рэалізаваныя.

"Усе спакаваць у канстытуцыю практычна не магчыма, нерэальна, ды і па сутнасьці не трэба, гэта не канстытуцыйны ўзровень. Але прапановы, якія паступілі ад людзей, якія мы не можам ўлічыць ў канстытуцыі і якія ўяўляюць з сябе безумоўную каштоўнасць для грамадства, гэтыя прапановы, без усялякіх сумневаў, павінны быць рэалізаваныя. альбо ў законах, альбо ў падзаконных актаў", - сказаў Пуцін.

"Галоўнае, каб нам нічога не страціць з таго, што людзі напрацавалі і прапанавалі карыснага для краіны", - дадаў прэзідэнт.

0
Тэги:
Канстытуцыя, Расія