Міліцыя ў цэнтры Мінска

Кіраўнікі МЗС ЕС абмяркуюць сітуацыю ў Беларусі на надзвычайнай канферэнцыі

20
(абноўлена 10:56 12.08.2020)
Тры дні ў Мінску працягваюцца пратэсты незадаволеных вынікамі прэзідэнцкіх выбараў грамадзян, сілавікі пры разгоне акцый выкарыстоўвалі спецтэхніку і спецсродкі.

МІНСК, 12 жні - Sputnik. Кіраўнікі МЗС Еўрасаюза абмяркуюць сітуацыю ў Беларусі на надзвычайнай відэаканферэнцыі ў пятніцу, паведамілі ў Міністэрстве замежных спраў Польшчы.

Сцягі ў адлюстраванні на стэндзе з эмблемай ЕС
© Sputnik / Алексей Витвицкий

"У адказ на заклік Польшчы ў бліжэйшую пятніцу адбудзецца надзвычайная відэаканферэнцыя міністраў замежных спраў краін ЕС, прысвечаная сітуацыі ў Беларусі", - гаворыцца ў паведамленні, апублікаваным у Twitter замежнапалітычнай установы.

Таксама, паводле звестак МЗС, на канферэнцыі будуць абмяркоўвацца пытанні, якія тычацца "Турцыі, Венесуэлы і падзей у Ліване".

Раней міністр замежных спраў Эстоніі Урмас Рэйнсалу заявіў, што гэтая краіна мае намер падняць пытанне аб сітуацыі ў Беларусі на адкрытым пасяджэнні Савета Бяспекі ААН. А сенатар ЗША Крыс Мэрфі заклікаў Белы дом адклікаць кандыдатуру на пасаду пасла ў Беларусі - на ягоную думку, цяпер не час паляпшаць дыпламатычныя стасункі з афіцыйным Мінскам, пасол павінна была прыехаць у Мінск ужо гэтым летам.

9 жніўня ў Беларусі адбыліся выбары прэзідэнта, перамогу на якіх атрымаў дзеючы кіраўнік дзяржавы Аляксандр Лукашэнка. Пасля абвяшчэння выніку ў шэрагу гарадоў пачаліся масавыя несанкцыянаваныя акцыі пратэсту. Яны працягваюцца ўжо трэці вечар. Міліцыя ўжывала супраць пратэстоўцаў слезацечны газ, вадамёты і светлашумавыя гранаты, а таксама выціснула пратэстоўцаў з цэнтру горада. Па дадзеных МУС, за першыя два дні пратэстаў па ўсёй краіне былі затрыманыя каля 5 тысяч чалавек.

У МЗС Беларусі напярэдадні заявілі, што гатовыя даць заходнім партнёрам канкрэтныя факты аб падаплёцы падзей, якія гэтымі днямі адбываюцца ў краіне.

У МЗС падкрэслілі, што асобныя гучныя высновы на вышэйшым і высокім узроўнях заснаваныя на аднабаковай інфармацыі і няпраўдзе.

20
Тэги:
Еўрасаюз, Беларусь
Адвакат Максім Знак

Справа каардынацыйнага савета: Максім Знак абвясціў у СІЗА галадоўку

11
(абноўлена 16:52 18.09.2020)
Усім тром фігурантам крымінальнай справы пра заклікі да захопу ўлады сёння прад'яўлена абвінавачванне, яны будуць знаходзіцца пад вартай як мінімум да пачатку лістапада.

МІНСК, 18 вер - Sputnik. Фігурант крымінальнай справы аб закліках да змены ўлады, член прэзідыума Каардынацыйнага савета Максім Знак абвясціў галоўку ў следчым ізалятары, паведаміў Sputnik адзін з адвакатаў, якія абараняюць палітыкаў па гэтай справе.

"Сёння Максіму і Іллі (Максім Знак і Ілля Салей - абвінавачаныя па гэтай справе) было прад'яўлена абвінавачанне. Макс у знак нязгоды з затрыманнем і абвінавачваннем абвясціў галадоўку", - паведаміў Sputnik адвакат.

Паводле яго слоў, акрамя таго, што ім прад'яўлена абвінавачванне, вызначаны і тэрмін утрымання пад вартай - на два месяцы - да 9 лістапада.

Суразмоўца агенцтва таксама паведаміў, што і Салей, і Знак знаходзяцца пад вартай у СІЗА нумар 1 ГУУС Мінгарвыканкама.

Крымінальная справа па факце стварэння Каардынацыйна савета ўзбуджаная па арт. 361 КК Беларусі (публічныя заклікі да захопу дзяржаўнай улады, учыненыя з выкарыстаннем СМІ або сеткі Інтэрнэт). Пакаранне па дадзеным артыкуле прадугледжвае пазбаўленне волі на тэрмін ад 2 да 5 гадоў. Па справе праходзяць тры абвінавачаных - акрамя Знака і Салея яшчэ і член КС Марыя Калеснікава.

11
Тэги:
Апазіцыя, Беларусь
Марыя Калеснікава

Калеснікаву да 8 лістапада пакінулі пад вартай у СІЗА Жодзіна

37
(абноўлена 15:21 18.09.2020)
Санкцыя крымінальнага артыкула, па якім затрыманая палітык, у якасці пакарання прадугледжвае ад двух да пяці гадоў пазбаўлення волі.

МІНСК, 18 вер - Sputnik. Абвінавачаная па справе пра заклікі да захопу ўлады Марыя Калеснікава будзе знаходзіцца ў СІЗА ў следчай турме ў Жодзіне як мінімум да 8 лістапада, паведаміла крыніца, знаёмая з ходам расследавання яе справы.

На гэтым тыдні апазіцыйнаму палітыку, якая з'яўляецца членам прэзідыума Каардынацыйнага савета, было прад'яўленае абвінавачванне, а таксама абраная мера ўтрымання - утрыманне пад вартай.

"Калеснікаву затрымалі і адразу ўжылі да яе меру ўтрымання ў выглядзе ўтрымання пад вартай на два месяцы - з 8 верасня па 8 лістапада", - паведаміла Sputnik у пятніцу крыніца, знаёмая з ходам расследавання крымінальнай справы.

Паводле яго слоў, "гэта звычайная практыка, калі пракурор дае санкцыю на ўтрыманне абвінавачанага пад вартай адразу на два месяцы". Санкцыя крымінальнага артыкула, па якой затрыманая палітык, у якасці пакарання прадугледжвае ад двух да пяці гадоў пазбаўлення волі.

Генеральная пракуратура 19 жніўня ўзбудзіла крымінальную справу па факце стварэння Каардынацыйнага савета (КС). Гаворка ідзе пра заклікі да захопу ўлады.

"Стварэнне і дзейнасць Каардынацыйнага савета накіраваны на захоп дзяржаўнай улады, а таксама на прычыненне шкоды нацыянальнай бяспецы Рэспублікі Беларусь. Па дадзеным факце ўзбуджаная крымінальная справа па артыкуле 361 Крымінальнага кодэкса", - заявілі тады ў пракуратуры.

Па гэтай справе акрамя Калеснікавай затрыманыя яшчэ два члена прэзідыума Каардынацыйнага савета - адвакаты Максім Знак і Ілля Салей.

Марыя Калеснікава, якая ўваходзіла ў перадвыбарчы штаб экс-банкіра Віктара Бабарыкі і якая перайшла пазней у аб'яднаны штаб Святланы Ціханоўскай, была затрыманая 7 верасня. Яна разам з прэс-сакратаром Антонам Раднянковым і выканаўчым сакратаром Іванам Краўцовым знаходзілася на мяжы Беларусі і Украіны.

37
Тэги:
Апазіцыя, Беларусь
Дзяржаўны сакратар Саюзнай дзяржавы Рыгор Рапота

Рапота распавёў аб актывізацыі шэрагу "дарожных карт" і адмене роўмінга

3
(абноўлена 09:30 21.09.2020)
Дзяржсакратар Саюзнай дзяржавы Рыгор Рапота распавёў аб далейшым збліжэнні Беларусі і Расіі і актуалізацыі "дарожных карт".

МІНСК, 21 вер - Sputnik. Міністэрствы сувязі дзвюх дзяржаў плануюць вырашыць пытанне з адменай роўмінгу паміж Беларуссю і Расіяй да канца года, пра гэта напярэдадні ў эфіры тэлеканала "Беларусь-1" заявіў дзяржсакратар Саюзнай дзяржавы Рыгор Рапота.

На пачатку мінулага тыдня ў Сочы адбылася сустрэча паміж прэзідэнтам Беларусі Аляксандрам Лукашэнкам і яго расійскім калегам Уладзімірам Пуціным. Як адзначае дзяржсакратар Саюзнай дзяржавы, пасля размовы лідараў краін па шэрагу напрамкаў намецілася актывізацыя ў збліжэнні двух краін. У прыватнасці, з "мёртвай кропкі" ссунуліся пытанні актуалізацыі дарожных карт.

Аднаўленне інтэграцыі

Па словах Рапоты, пасля падрыхтоўкі дарожных карт утварылася нейкая паўза "ў сілу розных абставінаў".

"Толькі зараз па некаторых дарожным картах прапанавана актывізаваць дзейнасць. У нас плануецца у гэтым месяцы пасяджэнне групы высокага ўзроўню і, магчыма, яно надасць дадатковы імпульс у рабоце над гэтымі дарожнымі картамі", - распавёў дзяржсакратар СД.

Ён адзначыў, што дадзеныя планы па інтэграцыі накіраваны на стварэнне яшчэ больш лепшых умоў для расіян і беларусаў у розных галінах, такіх як медыцынскае забеспячэнне, страхаванне, падаткаабкладанне.

"Дарэчы, вельмі важная сфера дзейнасці (падаткаабкладанне - Sputnik), якая павінна палегчыць працу бізнесу перш за ўсё", - сказаў Рапота.

Зараз Саюзнай дзяржаве прапанавана разгледзець гарманізацыю падатковага заканадаўства. Палітык мяркуе, што ў будучыні на гэтым узровень, магчыма, будуць абмяркоўвацца пытанні падатковых манеўраў па нафце і іншых энерганосьбітах.

"Такім чынам рух ёсць. Наколькі хутка ён дасць вынікі мне зараз казать цяжка, але рух пачаўся і, мне здаецца, дасягнута нейкае паразуменне, як рухацца далей. Вырашаць гэтую праблему (падатковыя манеўры і кошты на энерганосьбіты - Sputnik) у любым выпадку прыйдзецца. Гэта разуменне ёсць і гэта прымушае абодва бакі працаваць", - адзначыў Рапота.

Адмена роўмінга

Сярод мерапрыемстваў па выкананні "дарожных карт" значыцца і адмена роўмінга паміж Беларуссю і Расіяй. Нядаўна бакі абмеркавалі гэтае пытанне па відэаканферэнцыі на нарадзе зацікаўленых ведамстваў.

"Міністэрствы сувязі, якія рэалізуюць гэтую задуму, радуюць нас абяцаннямі у гэтым годзе вырашыць гэтую праблему. Ці атрымацца гэта ў гэтым годзе ці крыху пазней, паглядзім. Але праца вядзецца", - паведаміў Рапота.

Праца па адмене роўмінга на тэрыторыі Саюзнай дзяржавы вядзецца з 2017 года. У снежні 2019-га зацверджана адпаведная "дарожная карта". Згодна з дакументам, плата за ўваходныя званкі ў роўмінгу павінна быць адменена не пазней за верасень 2020 года. Наступная нарада паміж міністэрствамі дзвюх краін па пытанні адмены роўмінга плануецца правесці праз пяць дзён.

3
Тэги:
Саюзная дзяржава, Рыгор Рапота