Вакаліст Neuro Dubel Юрый Навумаў

Памёр другі вакаліст гурта Neuro Dubel

8
(абноўлена 09:28 15.09.2020)
Па словах сяброў музыкі, Навумаў патрапіў у бальніцу з траўмай галавы, у выніку каля тыдня ён ляжаў без памяці.

МІНСК, 15 вер - Sputnik. Другі вакаліст беларускага гурта Neuro Dubel Юрый Навумаў памёр ва ўзросце 48 гадоў. Пра гэта ўдзельнікі калектыву паведамілі прыхільнікам на афіцыйнай старонцы ў сацыяльных сетках.

"Юра Навумаў. Светлая памяць. Няма слоў... Дзядзька Саша (Аляксандр Кулінковіч) і Юра, упэўненыя, згуляюць там хутка канцэрт з лепшымі песнямі ў падтрымку ўсім нам тут. Спі спакойна, Юра, шаноўны чалавек", - сказана ў паведамленні.

Па словах сяброў музыканта, Навумаў патрапіў у бальніцу з траўмай галавы, у выніку каля тыдня ён ляжаў без памяці ў 5-й ГКБ, паведамляецца таксама пра паралюш правага боку цела.

Напрыканцы чэрвеня музыка трапіў у рэанімацыю - на яго быў здзейснены напад. Невядомыя нанеслі музыканту некалькі нажавых раненняў.

Юрый Навумаў нарадзіўся 28 чэрвеня 1972 годзе ў Мінску, у гурце Neuro ён Dubel удзельнічаў з 1991 года. Спачуванні родным і блізкім вакаліста выказалі многія беларускія музыкі.

Нагадаем, лідар гурта Neuro Dubel Аляксандр Кулінковіч памёр крыху больш за два гады таму, 4 жнiўня 2018 года. Ён сканаў у бальніцы ў выніку запалення лёгкіх.

8
Тэги:
Neuro Dubel
Бацька Марыі Калеснікавай і яе адвакат Людміла Казак

Адвакат Марыі Калеснікавай затрыманая - ГУУС

3
(абноўлена 09:11 25.09.2020)
У сталічнай міліцыі не раскрылі падрабязнасці затрымання, адзначыўшы толькі, што Людміла Казак затрыманая "за здзяйсненне адміністрацыйнага правапарушэння".

МІНСК, 25 вер - Sputnik. Адвакат члена прэзідыума Каардынацыйнага савета апазіцыі Марыі Калеснікавай Людміла Казак была затрыманая супрацоўнікамі міліцыі за здзяйсненне адміністрацыйнага правапарушэння, паведаміла Sputnik у чацвер афіцыйны прадстаўнік ГУУС Мінгарвыканкама Наталля Ганусевіч.

Раней беларускія СМІ паведамілі пра тое, што жанчына, падобная на адваката Людмілу Казак, была дастаўлена ў Цэнтральны РУУС сталіцы.
"Яна затрыманая за здзяйсненне адміністрацыйнага правапарушэння", - сказала Ганусевіч, і не стала ўдакладняць, дзе менавіта цяпер знаходзіцца адвакат.

"Думаю, сама потым раскажа. Не хачу скампрамэтаваць яе, таму і не кажу", - патлумачыла Ганусевіч.

На гэтым тыдні суд Партызанскага раёна Мінска не змяніў меру стрымання Калеснікавай і пакінуў яе ў СІЗА ў Жодзіна.

Калеснікава з'яўляецца адной з трох абвінавачаных па справе аб закліках да захопу ўлады, двое іншых - яе паплечнікі-адвакаты Максім Знак і Ілля Салей. Абодва зараз знаходзяцца ў СІЗА №1 ГУУС Мінска на вуліцы Валадарскага. Знаку на мінулым тыдні суд адмовіў у змене меры стрымання, пасля чаго ён абвясціў галадоўку.

Крымінальная справа пра заклікі да захопу ўлады па факце стварэння Каардынацыйнага савета Генеральная пракуратура Беларусі ўзбудзіла 19 жніўня. Максімальная санкцыя па гэтым артыкуле прадугледжвае да пяці гадоў пазбаўлення волі.

3
Тэги:
Мінск, Арышт і затрыманне, ГУУС Мінгарвыканкама
Затрыманне ў Мінску ўвечары 23 верасня

МУС расказала, колькі чалавек было затрымана на акцыях пратэсту 23 верасня

7
(абноўлена 11:57 24.09.2020)
У Мінску групы людзей выстройваліся ў ланцугі ўздоўж праезнай часткі, збіраліся каля станцый метрапалітэна, гандлёвага цэнтра "Галерэя".

МІНСК, 24 вер - Sputnik. У Беларусі ўвечары 23 верасня зафіксавана 59 пратэстных акцый, паведамілі ў МУС краіны.

Паводле ацэнак ведамства, у іх прынялі ўдзел каля 5 тысяч чалавек.

Як удакладніла афіцыйны прадстаўнік ведамства Вольга Чамаданава, у сталіцы пратэстоўцы збіраліся непадалёк ад станцый метро, каля ГЦ "Галерэя", выстройваліся ў ланцугі ўздоўж праезнай часткі. Так, каля сямі вечара каля скрыжавання праспектаў Пераможцаў і Машэрава сабралася каля трох тысяч чалавек. Позна ўвечары ў розных частках горада асобныя групы ад 10 да 50 чалавек блакавалі праезную частку.

У Віцебску на несанкцыянаваную акцыю сабраліся каля 100 чалавек. Там пратэстоўцы таксама блакавалі рух на дарогах. На скрыжаванні праспектаў Перамогі і Будаўнікоў невядомыя рассыпалі металічныя шыпы.

За ўдзел у акцыях па ўсёй краіне затрыманыя 364 мітынгоўцы, у тым ліку 252 чалавекі - у Мінску. У месцы ўтрымання да разгляду ў судзе спраў адпраўлена 320 чалавек.

Акцыі пратэсту ў Беларусі пачаліся 9 жніўня, пасля выбараў прэзідэнта, на якіх, па дадзеных ЦВК Беларусі, перамог Аляксандр Лукашэнка. У сераду, 23 верасня, адбылася яго інаўгурацыя.

7
Тэги:
акцыі пратэстаў, Беларусь, МУС РБ
Тэмы:
Пратэсты пасля выбараў у Беларусі
Калькулятар, архіўнае фота

Падаходны падатак для шматдзетных работнікаў хочуць знізіць

0
(абноўлена 09:17 25.09.2020)
Падатковыя органы распрацоўваюць законапраект, у адпаведнасці з якім плануецца прадастаўляць падатковыя льготы ў залежнасці ад колькасці дзяцей у сям'і супрацоўніка.

МІНСК, 25 вер - Sputnik. Павялічыць суму, якая не падпадае пад падатковы вылік, збіраюцца ў Беларусі, паведаміў начальнік упраўлення падаткаабкладання даходаў і маёмасці фізічных асоб міністэрства па падатках і зборах Андрэй Кавалеўскі.

Зараз работнікі, якія выхоўваюць аднаго дзіцяці, атрымліваюць падатковую льготу ў памеры 34 рублі, двух - 65 рублёў. У будучыні плануецца павялічыць гэтую суму.

"У цяперашні час распрацоўваецца праект закона аб ўнясенні змяненняў у Падатковы кодэкс. У адпаведнасці з ім прадугледжваецца далейшая індэксацыя падатковых ільгот. У прыватнасці, стандартнага падатковага выліку. Плануецца, што ён будзе павялічаны", - распавёў у эфіры тэлеканала "Беларусь-1" Кавалеўскі.

Прадстаўнік МПЗ удакладніў, што падаткам будзе абкладацца не ўся сума заробку, а за мінусам льготы. Паводле яго слоў, чым больш у супрацоўніка будзе дзяцей, тым больш будзе гэтая льгота.

У эфіры ТБ распавялі, што таксама прадугледжаны шэраг іншых мер для падтрымкі шматдзетных - сем'і з трыма і больш дзецьмі вызваляюцца ад падаткаў на зямлю і нерухомасць, але толькі ў тым выпадку, калі ўчастак і жыллё выкарыстоўваюцца для падсобнай гаспадаркі, а не прадпрымальніцкай дзейнасці.

0
Тэги:
Падаткі, Беларусь