Святлана Ціханоўская

Крымінальная справа супраць Ціханоўскай у Расіі не распачыналася - МУС

18
Зараз Ціханоўская знаходзіцца на тэрыторыі Еўрасаюза, дзе правяла шэраг сустрэч з замежнымі палітыкамі.

МІНСК, 8 кас - Sputnik. Крымінальных спраў у дачыненні да экс-кандыдата ў прэзідэнты Святланы Ціханоўскай ў Расіі не распачыналася, паведаміла ў чацвер прэс-служба МУС РФ.

Напярэдадні з'явілася інфармацыя, што Ціханоўская аб'яўлена ў вышук на тэрыторыі Расіі - экс-кандыдат з'явілася ў базе дадзеных грамадзян МУС РФ.

"Крымінальных спраў у дачыненні да Святланы Ціханоўскай праваахоўнымі органамі Расійскай Федэрацыі не распачыналася", - гаворыцца ў паведамленні.

Праваахоўныя органы падкрэслілі, што з'яўленне Ціханоўскай у базе асоб, якiя адшукваюцца, тлумачыцца міждзяржаўным абменам дадзенымі ў сферы барацьбы са злачыннасцю ў рамках пагаднення краін СНД ад 22 мая 2009 года.

Што адбылося?

Акцыі пратэсту працягваюцца ў Беларусі ўжо другі месяц. Яны пачаліся адразу пасля выбараў прэзідэнта 9 жніўня, на якіх перамог Аляксандр Лукашэнка - ён набраў 80,1% галасоў. У Ціханоўскай крыху больш за 10% галасоў.

Прадстаўнікі апазіцыі Беларусі, не згодныя з вынікамі прэзідэнцкіх выбараў, раней абвясцілі аб стварэнні Каардынацыйнага савета па транзіту ўлады, першапачаткова ў прэзідыуме было сем чалавек. Генпракуратура Беларусі ў сувязі са стварэннем савета распачала справу па крымінальным артыкуле пра заклікі да захопу ўлады. Амаль усе члены КС альбо затрыманыя, альбо знаходзяцца за мяжой.

Сама Ціханоўская знаходзіцца на тэрыторыі Еўрасаюза - там яна правяла шэраг сустрэч з еўрапейскімі палітыкамі.

18
Тэги:
МУС Беларусі, Святлана Ціханоўская
Сафія Сапега

Лаўроў і Макей абмяркуюць тэму затрыманай у Мінску Сапегі

14
(абноўлена 09:27 18.06.2021)
Па словах афіцыйнага прадстаўніка расійскага МЗС, у Маскве міністры падымуць тэму Сапегі.

МІНСК, 18 чэр – Sputnik. Тэму затрыманай у Беларусі расіянкі Соф'і Сапегі абмяркуюць у пятніцу, 18 чэрвеня, на сустрэчы ў Маскве кіраўнікі МЗС Расіі і МЗС Беларусі Сяргей Лаўроў і Уладзімір Макей, паведаміла напярэдадні афіцыйны прадстаўнік расійскага знешнепалітычнага ведамства Марыя Захарава.

Яна адзначыла, што расійскі бок аказвае Сапеге неабходнае садзейнічанне, дыпламаты РФ наведваюць яе.

"Безумоўна, і гэтыя пытанні будуць абмяркоўвацца", - паведаміла Захарава ў эфіры канала RTVI.

Сапега была знята з самалёта ірландскай кампаніі Ryanair, які экстранна сеў у Мінску 23 траўня. У Беларусі расіянка праходзіць па двух крымінальных справах.

Як заявіў на прэс-канферэнцыі кіраўнік Следчага камітэта Беларусі Дзмітрый Гара, яна знаходзілася ў поле зроку беларускіх сілавікоў яшчэ з канца мінулага года як адміністратар прызнанага экстрэмісцкім Telegram-канала "Чорная кніга Беларусі", дзе выкладвалі дадзеныя сілавікоў і дзяржслужачых.

Сёння Макей правядзе ў Маскве сустрэчу са сваім расійскім калегам Лаўровым. Праграмай прадугледжаны перамовы па шырокім коле пытанняў двухбаковага супрацоўніцтва і міжнароднага парадку.

Чытайце таксама:

14
Тэги:
Масква, МЗС, Сафія Сапега, Мінск, Уладзімір Макей, Сяргей Лаўроў
Студэнтка Сафія Сапега пазіруе фатографу ў Гётэбаргу, Швецыя, 2019 год

Бацька Сафіі Сапегі просіць Лукашэнку памілаваць дачку

27
(абноўлена 10:33 17.06.2021)
Расійская грамадзянка была затрымана разам з Раманам Пратасевічам пасля пасадкі самалёта Ryanair ў аэрапорце беларускай сталіцы.

МІНСК, 17 чэр – Sputnik. Бацька арыштаванай у Беларусі грамадзянкі Расіі Сафіі Сапегі звярнуўся да Аляксандра Лукашэнкі з просьбай памілаваць яго дачку.

Самалёт Ryanair, які ляцеў па маршруце Афіны - Вільнюс, пасадзілі ў нацыянальным аэрапорце Мінск 23 траўня пасля паступлення інфармацыі аб мініраванні пасажырскага рэйса. Пасля праверкі дакументаў былі арыштаваны грамадзянін Беларусі Раман Пратасевіч і расійская грамадзянка Соф'я Сапега.

Зараз яны ўтрымліваюцца ў СІЗА КДБ, ім прад'яўлены абвінавачанні па крымінальных артыкулах. Інцыдэнт з пасажырскім самалётам выклікаў абурэнне ў заходніх краінах, якія не толькі ініцыявалі ўласнае расследаванне таго, што здарылася, але збіраюцца ўвесці за гэта дадатковыя санкцыі ў дачыненні да беларускіх улад.

Гісторыя кахання, а не перакананняў

Андрэй Сапега запісаў відэазварот да вышэйшага кіраўніцтва Беларусі. У роліку, які апублікавала прыморскае інфармацыйнае агенцтва PrimaMedia, ён распавёў, што з'яўляецца бацькам чатырох дзяцей, а Соф'я - яго старэйшая дачка.

"Ёй пагражаюць вельмі сур'ёзныя турэмныя тэрміны. У гэтым звароце напярэдадні візіту Аляксандра Лукашэнкі ў Прыморскі край я б хацеў звярнуцца асабіста да яго як бацька да бацькі. Аляксандр Рыгоравіч, я прашу вас аб міласэрнасці. Хопіць жорсткасці, у апошні час свет ёй перапоўнены. Любы разважны чалавек разумее, што Соф'я апынулася не ў тым месцы і не з тым чалавекам. Да сустрэчы з Раманам Пратасевічам гэта была звычайная дзяўчына", - сказаў бацька расіянкі.

Пры гэтым ён звярнуў увагу, што падчас пратэстаў, якія ўспыхнулі ў Беларусі, пасля абвяшчэння вынікаў выбараў прэзідэнта рэспублікі, дзяўчына знаходзілася ў Літве.

"І калі нешта яна і рабіла ў той перыяд, калі была знаёмая з Пратасевічам, - гэта дакладна гісторыя кахання, а не перакананняў. Я думаю, яна дапамагала Раману ў яго працы. Аляксандр Рыгоравіч, як бацька бацьку я прашу пра асабістую сустрэчу і гатовы прывесці ўсе неабходныя гарантыі таго, што мая дачка больш не будзе ўцягнута ў супрацьпраўныя дзеянні", - заявіў Андрэй Сапега.

Проста маленькая дзяўчынка

Бацька затрыманай беларускімі ўладамі дзяўчыны звярнуўся з просьбай да губернатара Прыморскага края Алега Кажамякі аказаць садзейнічанне ў арганізацыі яго асабістай сустрэчы з беларускім лідэрам.

"Магчыма, мне ўдасца пераканаць яго памілаваць маю дачку. Прашу вас, не ламайце ёй лёс, яна проста маленькая дзяўчынка, якая толькі пачынае жыццё", - канстатаваў ён.

На прэс-канферэнцыі, арганізаванай МЗС Беларусі, старшыня Следчага камітэта Дзмітрый Гара распавёў, што Сафія Сапега была затрымана ў аэрапорце па падазрэнні ў здзяйсненні злачынства, прадугледжанага артыкулам 342 (удзел у масавых беспарадках). Яна была прыцягнута ў якасці абвінавачанай па іншай крымінальнай справе, якая расследуецца па частцы 3 артыкула 130 (распальванне сацыяльнай варожасці).

Чытайце таксама:

27
Тэги:
сталіца, Аэрапорт, Ryanair, Раман Пратасевіч, дачка, Аляксандр Лукашэнка, Сафія Сапега, бацька
Правядзенне вакцынацыі ад COVID-19

Расія спадзяецца супрацоўнічаць з Беларуссю па вакцыне "ЭпиВакКорона"

2
(абноўлена 10:02 18.06.2021)
МЗС РФ прывяло у прыклад станоўчае супрацоўніцтва з Мінскам па вакцыне ад каронавіруса "Спутник V" і хоча прадоўжыць падобную барацьбу з COVID-19.

МІНСК, 18 чэр – Sputnik. Расія разлічвае на працяг супрацоўніцтва з Беларуссю па вакцыне ад каронавіруса "ЭпиВакКорона" па прыкладзе аналагічнай сумеснай працы па "Спутник V", заявілі ў МЗС Расіі.

У Беларусі і Расіі быў станоўчы вопыт узаемадзеяння ў сумеснай барацьбе з COVID-19. Так, гаворыцца на сайце ведамства, у Беларусь былі адпраўлены наборы тэст-сістэм і рэагентаў для вызначэння віруса, рэспіратары, СІА і многае іншае - усё на бязвыплатнай аснове.

Акрамя таго, у рэспубліцы таксама праводзіліся клінічныя выпрабаванні расійскай вакцыны ад каронавіруса "Спутник V". Удзельнічаць у іх вызвалася каля чатырох тысяч добраахвотнікаў, усяго ж было адабрана 100 чалавек.

Як нагадаў МЗС РФ, Беларусь стала першай замежнай дзяржавай, якая зарэгістравала ў сябе расійскую вакцыну.

У Беларусі 19 студзеня пачалася масавая вакцынацыя медработнікаў, 26 лютага - выпусцілі пробную партыю расійскай вакцыны ад каронавіруса "Спутник V" на прадпрыемстве "Белмедпрэпараты", а 25 сакавіка - стартаваў прамысловы выпуск вакцыны па расійскіх тэхналогіях.

"Разлічваем, што працягнем такое супрацоўніцтва і ў дачыненні да "ЭпиВакКороны", - паведамілі ў МЗС Расіі, нагадаўшы, 3 лютага кіраўнік Расспажыўнагляду Ганна Папова бязвыплатна перадала Беларусі дозы гэтай вакцыны.

Зараз Беларусь выпускае расійскую вакцыну ад каронавіруса "Спутник V", разліваючы яе на прадпрыемстве "Белмедпрэпараты" з паўпрадуктаў.

Акрамя таго, міністр аховы здароўя рэспублікі Дзмітрый Піневіч заяўляў, што да кастрычніка магчыма будзе наладжана вытворчасць расійскай вакцыны па поўным цыкле.

Зараз у Беларусі працуюць над стварэннем уласнай вакцыны ад каронавіруса. 16 чэрвеня стала вядома, што навукоўцы краіны прыступілі да выпрабаванняў айчыннага прэпарату ад COVID-19.

Чытайце таксама:

2
Тэги:
COVID-19, Барацьба, "Спутник V", каронавірус, Мінск, супрацоўніцтва, МЗС РФ, МЗС, "ЭпиВакКорона", вакцына "ЭпиВакКорона", вакцына, Беларусь, Расія
Тэмы:
Расійскія вакцыны ад каронавіруса