Віктар Бабарыка

Адвакат: Бабарыка знаходзіцца пад вартай і знаёміцца з матэрыяламі справы

37
Экс-кіраўніку Белгазпрабанка прад'яўлена абвінавачанне па фактах атрымання хабараў арганізаванай групай у асабліва буйным памеры і легалізацыі сродкаў, атрыманых злачынным шляхам.

МІНСК, 30 ліс - Sputnik. Былы прэтэндэнт на пасаду прэзідэнта Беларусі Віктар Бабарыка знаходзіцца пад вартай і прапаноў па вызваленні з СІЗА КДБ не атрымліваў, заявіў прадстаўнік абароны Бабарыкі адвакат Зміцер Лаеўскі.

На мінулым тыдні член прэзідыума Каардынацыйнага савета Павел Латушка зрабіў заяву аб тым, што Бабарыка можа быць вызвалены разам са сваім сынам у адказ на патрабаванне беларускіх уладаў пакінуць краіну.

"З раніцы абаронцы сумесна з Віктарам Бабарыкам знаёміліся з матэрыяламі справы. Гэта адбывалася ў Мінску. Віктар Дзмітрыевіч [Бабарыка] усё гэтак жа, як і да выхадных, утрымліваецца пад вартай", - напісаў Лаеўскі ў сваім Telegram-канале.

Адвакат удакладніў, што "ніякіх прапаноў пра вызваленне не гучала. Працягваем абараняць ад неабгрунтаванага і незаконнага абвінавачвання".

Абвінавачанне ўжо прад'яўленае

На мінулым тыдні КДБ заявіў, што следчыя завяршылі папярэдняе расследаванне крымінальнай справы, па якой асноўным фігурантам праходзіць Бабарыка. З амаль 10 абвінавачаных толькі ён не прызнаў віну і лічыць незаконным сваё затрыманне.

Бабарыку прад'яўлена абвінавачанне па фактах атрымання хабараў арганізаванай групай у асабліва буйным памеры і легалізацыі сродкаў, атрыманых злачынным шляхам.

На пачатку чэрвеня гэтага года КДК паведаміў, што праводзіць ператрус у Белгазпрамбанку, кіраўніком якога з'яўляўся Бабарыка-старэйшы.

Дэпартамент фінансавых расследаванняў КДК распачаў крымінальную справу па частцы 2 артыкула 243 ("Ухіленне ад выплаты падаткаў у асабліва буйным памеры") і па частцы 2 артыкула 235 ("Легалізацыя сродкаў, атрыманых злачынным шляхам у асабліва буйным памеры"). У сувязі з гэтым улады паведамілі пра затрыманне па справе 15 чалавек.

Бабарыка, які ўдзельнічаў у выбарчай кампаніі па выбарах прэзідэнта рэспублікі, але не быў зарэгістраваны ў якасці кандыдата, заявіў, што сітуацыя, якая склалася вакол крэдытнай установы, носіць заказны палітычны характар.

37
Тэги:
Белгазпрамбанк, Віктар Бабарыка
Беларускі баец Аляксей Кудзін

Байца ММА Кудзіна затрымалі ў Маскве, цяпер яго адправяць у Беларусь

29
(абноўлена 15:00 21.01.2021)
Вядомага спартсмена абвінавачваюць у супраціўленні супрацоўнікам міліцыі падчас жнівеньскіх пратэстаў у краіне.

МІНСК, 21 сту – Sputnik. Беларускі чэмпіён свету па тайскім боксе і кікбоксінгу Аляксей Кудзін затрыманы ў Маскве, у бліжэйшы час яго экстрадуюць у Беларусь, распавяла Sputnik Таццяна Кудзіна, жонка спартсмена.

Аляксей 19 лістапада 2020 года ў 9:00 выйшаў са свайго дома ў Маладзечне, каб прыйсці на пачатак судовага працэсу да 10:00, але ў суд так і не з'явіўся. Пасля гэтага яго аб'явілі ў вышук.

У пачатку снежня з'явілася інфармацыя, што спартсмен знаходзіцца ў Парыжы, пра гэта ён напісаў у сябе ў Instagram. Яго жонка Таццяна тады сказала, што не ведае, як муж трапіў у Францыю.

"У Лёшы куча сяброў, якія дапамаглі і працягваюць яму дапамагаць. Зараз ён плануе аднавіць свае трэніроўкі і байцоўскую кар'еру. У Беларусі з-за хатняга арышту ён не мог трэніравацца ў поўнай меры", - сказала тады яна.

Акрамя таго, яна дадала, што ў бліжэйшы час Аляксей збіраецца даць адкрытае інтэрв'ю пра жнівеньскія падзеі і як яго затрымлівалі.

За што збіраюцца судзіць Кудзіна?

Аляксей Кудзін 10 жніўня знаходзіўся на цэнтральнай плошчы ў Маладзечне, дзе праходзіла несанкцыянаваная акцыя. Спартсмена ў гэты ж дзень затрымалі непадалёк ад месца падзей. Па рашэнні суда ён адбываў арышт у Жодзіна. Як сцвярджаў сам Кудзін, удзел у пратэстах ён не прымаў.

Па крымінальнай справе яму быў прызначаны хатні арышт. Аднак, пасля таго як Кудзін не з’явіўся ў суд, мера стрымання была зменена на заключэнне пад варту.

Знакамітага атлета павінны былі пачаць судзіць па артыкуле 363 "Супраціўленне супрацоўніку органаў унутраных спраў або іншай асобе, якія ахоўваюць грамадскі парадак" Крымінальнага кодэкса Беларусі. Дадзены артыкул прадугледжвае да 5 гадоў пазбаўлення волі.

Чытайце таксама:

29
Тэги:
Беларусь, акцыі пратэстаў, Маладзечна, Мінск, Масква
Тэмы:
Пратэсты пасля выбараў у Беларусі
Вярхоўны суд, архіўны фотаздымак

Справа Віктара Бабарыкі перададзена ў Вярхоўны суд

13
(абноўлена 13:25 21.01.2021)
Генпракуратура вывучыла крымінальную справу і прыйшла да высновы, што ўсе доказы цалкам адпавядаюць прад'яўленым абвінавачванням.

МІНСК, 21 сту – Sputnik. Справа ў дачыненні да Віктара Бабарыкі і іншых топ-менеджэраў Белгазпрамбанка перададзена ў суд, паведамляе Генеральная пракуратура.

"Вывучэнне ў Генеральнай пракуратуры матэрыялаў крымінальнай справы паказала, што даследаванне яго абставінаў выканана ўсебакова, поўна і аб'ектыўна. Абвінавачванне прад'яўлена з улікам сабраных доказаў. Падстаў для адмены альбо змены абвінавачаным мер стрымання няма", - гаворыцца ў паведамленні.

У чым абвінавачваюць Бабарыку і топ-менеджэраў

Былы старшыня праўлення Белгазпрамбанка Віктар Бабарыка абвінавачваецца ў атрыманні хабару ў асабліва буйным памеры, арганізаванай групай, а таксама легалізацыі сродкаў, атрыманых злачынным шляхам, у асабліва буйным памеры па ч.3 арт.430 і ч.2 ст.235 КК Беларусі.

Шасці іншым - яго намеснікам - Сяргею Шабану, Аляксандру Ільясюку, Кірылу Бадзею, Дзмітрыю Кузьмічу, а таксама былому першаму намесніку старшыні праўлення Аляксею Задойку і намесніку старшыні праўлення Сяргею Дабралету прад'яўлена абвінавачванне ў атрыманні хабару ў асабліва буйным памеры, арганізаванай групай па ч.3 арт.430 Крымінальнага кодэкса.

Заснавальніку ТАА "Актыўлізінг" Віктару Кабяку прад'яўлена абвінавачванне ў здзяйсненні злачынства па ч.2 арт.431 КК Рэспублікі Беларусь (дача хабару ў буйным памеры).

Раней у КДБ паведамілі, што "усе фігуранты цалкам прызналі сваю віну ў інкрымінаваных ім злачынствах, за выключэннем Бабарыкі".

У ходзе расследавання ўстаноўлена, што Віктар Бабарыка, калі быў старшынёй праўлення ААТ "Белгазпрамбанк", з мэтай сістэматычнага атрымання незаконных грашовых узнагарод ад прадстаўнікоў камерцыйных структур стварыў з ліку сваіх намеснікаў арганізаваную групу", - распавяла падрабязнасці начальнік упраўлення ўзаемадзеяння са сродкамі масавай інфармацыі і рэдакцыйнай дзейнасці Генпракуратуры Анжаліка Курчак.

Па матэрыялах справы, Віктар Бабарыка і іншыя топ-менеджэры банку з 1 студзеня 2004 года па 11 чэрвеня 2020 года незаконна атрымалі ад камерцыйных арганізацый не менш за 30,491 мільёнаў рублёў (каля 12 мільёнаў долараў на цяперашні курс) "за спрыяльнае вырашэнне пытанняў".

Справа Белгазпрамбанка

Фінансавая міліцыя КДК прыйшла з вобыскамі ў Белгазпрамбанк, які раней узначальваў Бабарыка, 11 чэрвеня. Была ўзбуджана крымінальная справа за фінансавыя махінацыі: ухіленне ад выплаты падаткаў і "адмыванне" грошаў, атрыманых злачынным шляхам. Праз некалькі дзён быў затрыманы Бабарыка, яго сын і яшчэ шэраг падазроных.

З 18 чэрвеня Віктар і Эдуард Бабарыка знаходзяцца пад вартай у СІЗА КДБ, 24 ліпеня Бабарыку-старэйшаму было прад'яўлена новае абвінавачванне. Пазней тэрміны па справе працягнулі.

Раней тое, што адбываецца ў Белгазпрамбанку пракаменціравалі асноўныя акцыянеры - Газпром і Газпромбанк. У сумесным рэлізе кампаніі заявілі аб супрацьзаконным назначэннi часовай адміністрацыі і аб парушэнні ўладамі Беларусі як беларускага заканадаўства, так і дамоў ЕАЭС.

Чытайце таксама:

13
Тэги:
ААТ "Белгазпрамбанк", Генеральная пракуратура Беларусі, Вярхоўны суд РБ, Віктар Бабарыка
Працаўнікі прадпрыемства Беларуськалій выйшлі на забастоўку

Кампанія Yara выступіла з заявай пасля саступак "Беларуськалія"

1
(абноўлена 14:41 22.01.2021)
Нарвежскія партнёры беларускага гіганта гарнаруднай прамысловасці выказвалі занепакоенасць у сувязі з парушэннямі правоў шахцёраў у Салігорску, якія, на іх погляд, былі.

МІНСК, 22 сту – Sputnik. Галоўным клопатам Yara застаецца здароўе, бяспека і дабрабыт работнікаў "Беларуськалія", гаворыцца ў афіцыйнай заяве нарвежскай кампаніі.

Раней стала вядома, што "Беларуськалій" заявіў аб гатоўнасці вярнуць на працу супрацоўнікаў, якія былі звольненыя за ўдзел у стачцы, і зняць з іх дысцыплінарныя спагнанні. Для гэтага былым шахцёрам трэба толькі падаць заявы, а нарвежскія партнёры былі запрошаны ажыццяўляць маніторынг сітуацыі на прадпрыемстве.

З клопатам аб шахцёрах

У сваю чаргу, "будучы доўгатэрміновым партнёрам адной з найбуйнейшых кампаній Беларусі, Yara ў апошнія месяцы імкнулася да пазітыўных змяненняў з дапамогай цеснага і рэгулярнага дыялогу з кіраўніцтвам БКК і Беларуськалія".

Кіраўніцтва нарвежскай кампаніі наведвала Салігорск, каб данесці сваю пазіцыю ў дачыненні да правоў працоўных да менеджменту Беларускай калійнай кампаніі і непасрэдна найбуйнейшай гарнаруднай вытворчасці ў рэспубліцы. Для гэтага Yara таксама актыўна супрацоўнічае з беларускімі і нарвежскімі прафсаюзамі.

"Yara працягвае ўзаемадзейнічаць з шэрагам зацікаўленых бакоў унутры і за межамі Беларусі, у тым ліку лідэра беларускай дэмакратычнай апазіцыі Святлану Ціханоўскую, каб ацаніць, як гэта можа аказаць найбольш станоўчы ўплыў", - напісана ў заяве кампаніі.

Пры гэтым нарвежцы сцвярджаюць, што галоўным для іх застаецца здароўе, бяспека і дабрабыт работнікаў Беларуськалія, які ў сваю чаргу пацвярджае сваю гатоўнасць супрацоўнічаць.

Найбуйнейшы замежны партнёр Беларуськалія лічыць усе гэтыя крокі пазітыўным знакам, але абяцае і надалей сачыць за сітуацыяй у Салігорску.

Стачка на "Беларуськаліі"

Пасля прэзідэнцкіх выбараў у Беларусі на прадпрыемстве быў створаны стачачны камітэт, які выказваў нязгоду з іх вынікамі.

Забастоўкі на "Беларуськаліі" праходзілі 17 і 18 жніўня 2020 года: у тыя дні супрацоўнікі адмовіліся выходзіць на працу. Вярхоўны суд прызнаў забастоўку на прадпрыемстве незаконнай.

1
Тэги:
Святлана Ціханоўская, Беларусь, Беларуськалій
Тэмы:
Пратэсты пасля выбараў у Беларусі