Памёр Вячаслаў Кебіч - першы прэм'ер-міністр Рэспублікі Беларусь

Памёр Вячаслаў Кебіч - першы прэм'ер-міністр Рэспублікі Беларусь

38
(абноўлена 16:21 09.12.2020)
Па папярэдніх дадзеных, Кебіч памёр ад ускладненняў, выкліканых захворваннем каронавіруснай інфекцыяй.

МІНСК, 9 сне - Sputnik. Памёр Вячаслаў Кебіч - першы прэм'ер-міністр Беларусі, пра гэта паведамілі паведамілі Sputnik у Савеце міністраў рэспублікі.
Кебіч памёр у Мінску на 85-м годзе жыцця.

Адзін з найстарэйшых беларускіх палітыкаў, Кебіч быў галоўным апанентам Аляксандра Лукашэнкі на першых прэзідэнцкіх выбарах у Беларусі. Але ў гісторыю ён увайшоў не ў гэтай якасці, як адзін з палітыкаў, якія падпісалі Белавежскія пагадненні.

Кебіч быў першым прэм'ер-міністрам Беларусі - ён займаў гэтую пасаду з 1991 па 1994 гады.

Сыдучы з пасады кіраўніка ўрада, Кебіч стварыў Беларускі гандлёва-фінансавы саюз, які ўзначальваў апошнія гады. Амаль 10 гадоў Кебіч быў членам Палаты прадстаўнікоў Нацыянальнага сходу Беларусі - з 1996 па 2004. Ён мае навуковае званне - кандыдат эканамічных навук, напісаў дзве кнігі: "Спакуса ўладай" і "Белавежскі гамбіт".

Таксама Кебіч мае некалькі ўзнагарод, сярод якіх два Ордэны Працоўнага Чырвонага Сцяга, ордэн "Знак Пашаны", а таксама званне заслужанага машынабудаўніка БССР і лаўрэата Дзяржпрэміі БССР. У 1996 годзе ўзнагароджаны ганаровай граматай Прэзідыума Вярхоўнага Савета Беларусі.

У эксклюзіўным інтэрв'ю Sutnik ён прызнаваўся, што жудасна не любіць, калі кіроўца заязджае за ім хоць на хвіліну пазней. На яго стале кожную раніцу - вялікі стос газет, якія абавязкова прачытваюцца.

Былы прэм'ер-міністр БССР, адзін з падпісантаў белавежскага пагаднення распавёў у інтэрв'ю Sputnik для праекта "25 гадоў без СССР" аб тым, як падзяліліся эпохі, як будавалася жыццё без СССР, як краіны выжывалі і ці магла гісторыя скласціся па-іншаму.

38
Тэги:
Смерць публічных людзей
Самалёт Л-410 падчас паказальных выступленняў, архіўнае фота

Сем чалавек загінулі пры крушэнні самалёта пад Кемерава

13
(абноўлена 10:07 19.06.2021)
Самалёт L-410 з парашутыстамі на борце узляцеў з аэрадрома Танай і заваліўся на левы борт.

МІНСК, 19 чэр - Sputnik. Сем чалавек загінулі ў выніку крушэння самалёта ў Кемераўскай вобласці, паведаміла РІА Навіны са спасылкай на прадстаўніка экстраных службаў.

Самалёт L-410 (Л-410) са спартсменамі-парашутыстамі на борце здзейсніў жорсткую пасадку ў раёне сяла Жураўлёва ў Прамышленаўскім раёне. Да гэтага паведамлялася аб 4 загінулых і 15 параненых.
"На паветраным судне знаходзілася 20 чалавек, з іх 7 загінулі і 13 пацярпелі", - сказаў суразмоўца агенцтва.

Паводле інфармацыі СМІ, сярод загінулых - два пілоты самалёта.

Верталёт з ратавальнікамі вылецеў на месца здарэння, ідуць пошукава-выратавальныя работы.

Пра прычыны крушэння не паведамляецца. Разам з тым, расійскія СМІ са спасылкай на крыніцы пішуць, што ў самалёта адмовіў адзін з рухавікоў, і камандзір прыняў рашэнне аб экстранай пасадцы. У працэсе зніжэння самалёт сутыкнуўся з лясным масівам.

Чытайце таксама:

13
Тэги:
прыжок с парашютом, Кемерава, самалёт
Міністр замежных спраў Расіі Сяргей Лаўроў

Мінск перадаў Маскве інфармацыю аб затрыманай расіянцы Сапеге - Лаўроў

17
(абноўлена 12:57 18.06.2021)
Соф'я Сапега была знята з самалёта ірландскай кампаніі Ryanair, які экстранна сеў у Мінску 23 траўня, у Беларусі яна праходзіць па дзвюх крымінальных справах.

МІНСК, 18 чэр – Sputnik. МЗС Беларусі перадаў Расіі інфармацыю пра затрыманых расійскіх грамадзян, у тым ліку пра Соф'ю Сапегу, пра гэта заявіў міністр замежных спраў Расіі Сяргей Лаўроў.

"Уладзімір Уладзіміравіч Макей праінфармаваў пра сітуацыю з затрыманымі ў Беларусі расійскімі грамадзянамі, маю на ўвазе Соф'ю Сапегу, Ягора Дуднікава", - сказаў ён на прэс-канферэнцыі па выніках перамоў з беларускім калегам Уладзімірам Макеем.

Лаўроў удакладніў, што пасольства Расіі ў Мінску "трымае гэтае пытанне на асаблівым кантролі".

Сустрэча кіраўнікоў знешнепалітычных ведамстваў адбываецца ў Маскве ў пятніцу.

Затрыманне Сапегі

Грамадзянку Расіі Сафію Сапегу затрымалі разам з экс-галоўным рэдактарам Telegram-канала Nexta (прызнанага ў Беларусі экстрэмісцкім) Раманам Пратасевічам пасля экстранай пасадкі самалёта Ryanair у Мінску 23 траўня. Дзяўчыну арыштавалі на два месяцы па падазрэнні ў здзяйсненні шэрага крымінальных злачынстваў у жніўні-верасні 2020 года.

Афіцыйны прадстаўнік МЗС Расіі Марыя Захарава раней заявіла, што пасольства РФ у Мінску атрымала ад беларускіх улад шматразовы дазвол на наведванне Сафіі Сапегі.

Раней у эфіры тэлеканала СТБ было прадстаўлена відэа, у якім Сапега прызналася, што з'яўляецца рэдактарам Telegram-канала "Чорная кніга Беларусі", які публікуе асабістыя дадзеныя сілавікоў. Гэты сэрвіс, як і яго рэгіянальныя версіі, прызнаны ў Беларусі экстрэмісцкім.

На прэс-канферэнцыі, арганізаванай МЗС Беларусі, старшыня Следчага камітэта Дзмітрый Гара распавёў, што Сафія Сапега была затрымана ў аэрапорце па падазрэнні ў здзяйсненні злачынства, прадугледжанага артыкулам 342 КК (удзел у масавых беспарадках). Яна была прыцягнута ў якасці абвінавачанай па іншай крымінальнай справе, якая расследуецца па частцы 3 артыкула 130 (распальванне сацыяльнай варожасці).

Затрыманне Дуднікава

Дуднікаў быў затрыманы 5 траўня ў Мінску. На яго здымнай кватэры правялі вобыск, распачата справа па частцы 1 артыкула 342 Крымінальнага кодэкса ("Арганізацыя дзеянняў, што груба парушаюць грамадскі парадак"), па якой яму пагражае да трох гадоў пазбаўлення волі. Яго вінавацяць у Беларусі ў арганізацыі групавых дзеянняў, якія груба парушаюць грамадскі парадак.

Крымінальную справу, па інфармацыі адваката, у дачыненні да Дуднікава распачалі з-за таго, што ён агучваў ролікі для беларускай апазіцыі.

Расіянін знаходзіцца ў СІЗА нумар 1 УДВП па Мінску і Мінскай вобласці, да гэтага ён знаходзіўся амаль месяц у СІЗА КДБ.

Чытайце таксама:

17
Тэги:
крымінальная справа, справа, Расія, Беларусь, самалёт, Ryanair, Сяргей Лаўроў, Сафія Сапега, інфармацыя, Масква, Мінск
Собака ў вадзе

Дрэнная вада: забаронена купацца ў пяці вадаёмах Беларусі

13
(абноўлена 14:58 19.06.2021)
На працягу тыдня спецыялісты санэпідслужбы абследавалі 329 зон рэкрэацыі. Было ўзята 806 проб вады. Многія з іх не адпавядаюць нарматыўным паказчыкам.

МІНСК, 19 чэр - Sputnik. Санітарна-эпідэміялагічная служба забараніла купанне ў пяці вадаёмах Беларусі, паведамляе Рэспубліканскі цэнтр гігіены, эпідэміялогіі і грамадскага здароўя.

На працягу тыдня спецыялісты санэпідслужбы абследавалі 329 зон рэкрэацыі. Было ўзята 806 проб вады. Як высветлілася, 20 проб не адпавядалі гігіенічным нарматывам па санітарна-хімічных паказчыках, 12 - па мікрабіялагічных паказчыках.

Па выніках праверак абмежавана купанне ў зонах адпачынку Брэсцкай вобласці: пляжы "Цэнтральны" правы і левы бераг ракі Мухавец і цэнтральны пляж возера Алтушскае, а таксама на пляжы Вільчыцкага вадасховішча Магілёўскага раёна.

На Гомельшчыне пляж на Дняпры ў парку культуры і адпачынку "Прыдняпроўскі" ў Жлобіне зачынены для купання, але даступны для заняткаў воднымі відамі спорту.

Бярозы ў блакітнай вадзе Новасібірскай ЦЭЦ-5
© Sputnik / Александр Кряжев

Забаронена купанне і заняткі воднымі відамі спорту на чатырох пляжах ў Магілёве і Магілёўскім раёне: пляж на Грэбенеўскім вадасховішчы Магілёва; гарадскі пляж на Дняпры ў Магілёве; пляж на Пячэрскім вадасховішчы Магілёва і пляж на Дняпры ў аграгарадку Палыкавічы Магілёўскага раёна.

Між тым забароны на наведванне грамадзянамі лясных угоддзяў уведзены ўжо ў 25 раёнах Беларусі, паведамляе міністэрства лясной гаспадаркі рэспублікі.

Увядзенне падобных забарон - гэта вымушаны крок, каб пазбегнуць пажараў у лясных угоддзях рэспублікі. Па меры стабілізацыі пажаранебяспечнай абстаноўкі абмежаванні на наведванне лясоў аператыўна здымаюцца.

Чытайце таксама:

13
Тэги:
Беларусь, вадаём, вада