Віктар Бабарыка

КДБ перадаў у Генэральную пракуратуру справу Віктара Бабарыкі

39
(абноўлена 16:14 18.01.2021)
Мера стрымання ў дачыненні да абвінавачаных пакінута ранейшай: сем чалавек, у тым ліку Бабарыка, знаходзяцца пад вартай, адзін - пад хатнім арыштам.

МІНСК, 18 сту – Sputnik. Следчае упраўленне КДБ перадала ў Генеральную пракуратуру для накіравання ў суд крымінальную справу ў дачыненні да топ-мэнэджараў ААТ "Белгазпрамбанк", паведамілі Sputnik у панядзелак у КДБ Беларусі.

"Абвінавачаныя і іх абаронцы азнаёміліся з матэрыяламі крымінальнай справы. Мера стрымання ў дачыненні да абвінавачаных пакінута ранейшай: сем чалавек, у тым ліку Бабарыка, знаходзяцца пад вартай, адзін - пад хатнім арыштам", - паведамілі ў Камітэце дзяржаўнай бяспекі.

Там адзначылі, што хадайніцтваў аб спыненні крымінальнага пераследу па прадугледжаных Крымінальным кодэксам падставах, а таксама аб правядзенні дадатковых следчых дзеянняў ніхто з абвінавачаных, за выключэннем Бабарыкі, не заявіў.

Абвінавачванне

Згодна з матэрыяламі справы, якую вёў КДБ, Бабарыка абвінавачваецца ў здзяйсненні злачынстваў, прадугледжаных ч. 3 арт. 430 і ч. 2 арт. 235, - атрыманні хабараў арганізаванай групай у асабліва буйным памеры, а таксама легалізацыі ("адмыванні") сродкаў, атрыманых злачынным шляхам у асабліва буйным памеры адпаведна. Бабарыка адзіны фігурант, які віну не прызнаў.

Паводле звестак КДБ, намеснікам старшыні праўлення банка Сяргею Шабану, Аляксандру Ільясюку, Кірылу Бадзею, Дзмітрыю Кузьмічу, а таксама былым першаму намесніку старшыні праўлення Аляксею Задойку і намесніку старшыні праўлення Сяргею Дабралету прад'яўлена абвінавачванне ў здзяйсненні злачынства, прадугледжанага ч.3 арт.430 (атрыманне хабару) КК Беларусі.

Заснавальніку ТАА "Актыўлізінг" Віктару Кабяку прад'яўленае абвінавачванне ў здзяйсненні злачынства па ч. 2 арт. 431 КК Рэспублікі Беларусь (дача хабару ў буйным памеры). У КДБ паведамілі, што "усе фігуранты цалкам прызналі сваю віну ў інкрымінаваных ім злачынствах, за выключэннем Бабарыкі".

Фінансавая міліцыя КДК прыйшла з вобыскамі ў Белгазпрамбанк, які раней узначальваў Бабарыка, 11 чэрвеня. Была ўзбуджана крымінальная справа за фінансавыя махінацыі: ухіленне ад выплаты падаткаў і "адмыванне" грошаў, атрыманых злачынным шляхам. Праз некалькі дзён быў затрыманы Бабарыка, яго сын і яшчэ шэраг падазроных. З 18 чэрвеня Віктар і Эдуард Бабарыка знаходзяцца пад вартай у СІЗА КДБ, 24 Ліпеня Бабарыка-старэйшаму было прад'яўлена новае абвінавачванне.

Раней тое, што адбываецца ў Белгазпрамбанку, пракаментавалі асноўныя акцыянеры - Газпром і Газпромбанк. У сумесным рэлізе кампаніі заявілі аб супрацьзаконным назначэннi часовай адміністрацыі і аб парушэнні ўладамі Беларусі як беларускага заканадаўства, так і дамоваў ЕАЭС.

Чытайце таксама:

39
Тэги:
Беларусь, Генеральная пракуратура Беларусі, КДБ РБ, Віктар Бабарыка
СІЗА, архіўны фотаздымак

Радзей заключаць пад варту ў Беларусі будуць з 14 красавіка

8
(абноўлена 13:04 03.03.2021)
У цяперашні час да абвінавачаных і падазроных ужываецца сем відаў мер стрымання, асноўная колькасць якіх не звязана з пазбаўленнем волі.

МІНСК, 3 сак – Sputnik. На 20% скарацілася колькасць санкцый, якія тычацца ўжывання меры стрымання ў выглядзе заключэння пад варту абвінавачаных, у мінулым годзе, паведамілі ў Генпракуратуры.

З сярэдзіны красавіка 2021 года ў сілу ўступаюць нормы абноўленага Крымінальна-працэсуальнага кодэкса, у адпаведнасці з якімі пашыраны пералік асоб, якіх не могуць заключаць пад варту.

"З 14 красавіка ўступаюць у сілу навацыі КПК, якімі устанаўліваецца забарона на заключэнне пад варту ў выпадку магчымасцi прымянення больш мяккай меры стрымання", - паведамілі Sputnik у сераду ў Генпракуратуры.

Там удакладнілі, што ў мінулым годзе з ліку абвінавачаных, у дачыненні да якіх дадзена санкцыя на заключэнне пад варту, больш за 50% былі раней судзімыя, больш за 10% хаваліся ад органа крымінальнага пераследу, больш за 5% - замежныя грамадзяне і асобы без грамадзянства, а 5 % - не мелі пэўнага месца жыхарства.

Адзначым, што з-за адсутнасці дастатковых падстаў пракуроры ў мінулым годзе адмовілі ў дачы санкцыі на заключэнне пад варту ў дачыненні да 315 грамадзян.

Меры стрымання ў Беларусі

У адпаведнасці з КПК, у цяперашні час у Беларусі да абвінавачаных і падазроных ужываецца сем відаў мер стрымання, з якіх пераважная большасць не звязана з пазбаўленнем волі.

Сярод іх - падпіска аб нявыездзе і належных паводзінах, асабістае даручальніцтва, залог, перадача асобы, на якую распаўсюджваецца статус ваеннаслужачага, пад назіранне камандавання вайсковай часткі. Непаўналетніх могуць аддаваць пад нагляд на час следства. Таксама ў Беларусі прымяняецца такая мера стрымання, як хатні арышт.

Тэрмін утрымання пад вартай вылічаецца з часу заключэння падазронага, абвінавачанага пад варту і да перадачы крымінальнай справы пракурору для накіравання ў суд. Знаходжанне абвінавачанага пад вартай больш за тры месяцы падчас следства можа быць падоўжана да трох месяцаў пракурорамі раёнаў. Далей тэрміны ўтрымання абвінавачанага пад вартай падаўжаюць пракуроры вобласці, горада Мінска або іх намеснікі да шасці месяцаў.

Падаўжэнне тэрміну ўтрымання пад вартай звыш шасці месяцаў дапускаецца толькі ў дачыненні да асоб, якія абвінавачваюцца ў здзяйсненні цяжкіх або асабліва цяжкіх злачынстваў, а таксама аб'ёмных крымінальных спраў.

Чытайце таксама:

8
Тэги:
воля, мера стрымання, варта, Беларусь
Суд Маскоўскага раёна горада Мінска

Суд вынес абвінаваўчы прысуд па справе журналісткі TUT.BY і ўрача БХМД

14
(абноўлена 18:43 02.03.2021)
Дадзенае рашэнне суда неканчатковае і можа быць абскарджана ў судзе вышэйшай інстанцыі.

МІНСК, 3 сак – Sputnik. Напярэдадні суд Маскоўскага раёна Мінска абвясціў прысуд па справе аб разгалашэнні медыцынскай тайны пра загінулага актывіста апазіцыі Рамана Бандарэнку.

Абвінавачанымі па гэтай справе праходзяць супрацоўніца партала TUT.BY, журналіст Кацярына Барысевіч і ўрач гарадской клінічнай бальніцы хуткай медыцынскай дапамогі Арцём Сарокін. Яны былі затрыманы ў рамках крымінальнай справы аб разгалашэнні медыцынскіх звестак пра Рамана Бандарэнку. Крымінальная справа ў дачыненні да Барысевіч і Сарокіна ўзбудзіла Генеральная пракуратура.

Суд праходзіў за зачыненымі дзвярыма.

Барысевіч прызнана вінаватай у падбухторванні да выдавання медыцынскай тайны, ёй прызначаны 6 месяцаў пазбаўлення волі і штраф 100 базавых, доктар Сарокін прызнаны вінаватым у разгалашэнні медыцынскай тайны, яму прызначаны 2 гады пазбаўлення волі з адтэрміноўкай на год і штраф 50 базавых.

Сутнасць абвінавачвання

Як адзначалі раней у Генпракуратуры, "Барысевіч з 12 па 13 лістапада 2020 года ў парушэнне парадку атрымання, прадастаўлення і распаўсюджвання інфармацыі, якая складае медыцынскую тайну, без згоды пацыента або іншых упаўнаважаных асоб у час неаднаразовых злучэнняў па сетках электрасувязі з Сарокіным шляхам просьбаў і дамаўленняў схіліла яго да прадастаўлення вуснай інфармацыі пра пацыента бальніцы Рамана Бандарэнку, які праходзіў лячэнне і памёр у азначанай установе 12 лістапада 2020 года, а таксама да перадачы праз мессенджэр Telegram фотакопій медыцынскай дакументацыі Бандарэнкі".

Таксама Генпракуратура паведамляла, што доктар Сарокін, паддаўшыся ўгаворам, наўмысна незаконна выдаў звесткі пра факт паступлення Бандарэнкі ў стацыянар і стане яго здароўя, наяўнасці захворвання, дыягназе, вынiках медыцынскага агляду і іншыя даныя, у тым ліку асабістага характару.

"Распаўсюджванне інфармацыі, у тым ліку ілжывай, неабмежаванаму колу асоб і яе проціпастаўленне афіцыйным каментарыям дзяржорганаў выклікалі грамадскі рэзананс і стварылі атмасферу недаверу да кампетэнтных службаў. Гэта негатыўна паўплывала на стан правапарадку і пацягнула за сабой цяжкія наступствы - прывяло да павышэння напружанасці ў грамадстве, заахвоціла грамадзян да правядзення незаконных масавых мерапрыемстваў, іншых проціпраўных дзеянняў", - заявілі ў Генпракуратуры.

Чытайце таксама:

14
Тэги:
урач, TUT.BY, журналіст, суд
Тэмы:
Пратэсты пасля выбараў у Беларусі
Кардыёлаг і тэлевядучы Аляксандр Мяснікоў

Прыняць як дадзенасць: Мяснікоў агучыў "цынічны прагноз" аб каронавірусе

0
(абноўлена 14:19 03.03.2021)
Тое, што COVID і ў бягучым годзе, і ў наступным, і нават праз два гады будзе часткай нашага жыцця - гэта дакладна, лічыць кардыёлаг і тэлевядучы Аляксандр Мяснікоў, але пры гэтым урач сумняваецца ў тым, што трымаць межы на замку - гэта правільнае рашэнне.
Пора принять как данность: Мясников озвучил циничный прогноз о коронавирусе

"Каронавірусны прагноз" на бліжэйшыя 2 гады аўтарытэтны расійскі медык агучыў у эфіры "Вести ФМ". Аднак дадаў, што не ведае, як доўга яшчэ прыйдзецца насіць маскі, "наколькі захаваюцца вось гэтыя прэвентыўныя меры і маскі, у прыватнасці, гэта асобнае пытанне", адзначыў ён.

"Будзе расці праслойка вакцынаваных, будзе расці колькасць людзей, якія ўжо перахварэлі, але я мяркую, што наўрад ці ўрады шматлікіх краін адмовяцца ад масак, таму што гэта бачная мера", - сказаў Мяснікоў.

Па словах урача, усім пара зразумець простую рэч - акрамя вакцынацыі цяпер няма іншага рэальнага інструмента ўздзеяння на пандэмію.

"Калі падыходзіць цынічна да ацэнкі, адкуль-небудзь з Марса паглядзець на Зямлю, што там людзі робяць, я разумею, што ўвогуле інфекцыя будзе ісці, яна будзе распаўсюджвацца - адна, мутацыі. Мы будзем мадыфікаваць вакцыны", - распавёў Мяснікоў .

На яго думку, у выніковасці барацьбы з каронавірусам мала што зменіцца, "пакуль мы не будзем да гэтага ставіцца, як мы да грыпу ставімся - ён ёсць". Была іспанка, зараз вось грып, "пакуль мы ў галаве гэта не возьмем, нічога не будзе", перакананы ўрач.

"Я вось не ведаю, наколькі правільна трымаць межы на замку, парушыць эканоміку многіх краін, я не нас бяру, у нас як раз вельмі добры прыклад, проста я рэальна бачу. І пакуль увесь свет не ўспрыме гэта нават не як стыхійнае бедства, а як дадзенасць, на жаль, усё астатняе будзе працягвацца", - прагназуе Мяснікоў.

У той жа час смяротнасць, па словах лекара, будзе змяншацца. Мы сёння не ведаем, наколькі можам перапыніць перадачу хваробы вакцынамі, асабліва ў плане новых мутацый, але мы разумеем, што можам перапыніць цяжкае цячэнне і рэзка знізіць смяротнасць, якая і так невысокая - менш за 2% сярод зарэгістраваных выпадкаў, а на самай справе яшчэ ніжэй, сказаў спецыяліст.

"Так што тое, што гэты год і наступны, гэта сказаў Фаучы пра 2022 год. Але гэта будзе і ў 2023 годзе. Вы ж разумееце, што вірус мутуе, каб выжыць, мутацыі адбываюцца кожную секунду", - папярэдзіў Мяснікоў.

Нагадаем, раней амерыканскі імунолаг і інфекцыяніст, дырэктар Нацыянальнага інстытута алергічных і інфекцыйных захворванняў ЗША Энтані Фаучы выказаўся пра тое, што каронавірусная інфекцыя будзе працягваць распаўсюджвацца ў бліжэйшыя 2 гады. На яго думку, з'яўленне больш заразных мутацый, не толькі брытанскай, але таксама паўднёваафрыканскай і бразільскай, абцяжарвае прагнозы аб магчымых тэрмінах заканчэння пандэміі.

Паводле афіцыйнай статыстыкі, каля 20% усіх смяротных зыходаў, справакаваных COVID-19 у свеце, прыйшліся менавіта на ЗША, хаця колькасць жыхароў краіны складае толькі 4% ад насельніцтва планеты.

Чытайце таксама:

0
Тэги:
мяжа, урач, каронавірус, парады ўрача, Аляксандр Мяснікоў
Тэмы:
Каронавірус COVID-19