Выступленне Анжалікі Агурбаш

Вярніце футра: суд у Мінску разглядае іск Белкаапсаюза да артысткi Агурбаш

18
(абноўлена 11:19 07.06.2021)
Адказчыца, ад якой беларускае прадпрыемства патрабуе вярнуць футравыя вырабы, у суд сёння не з'явілася.

МІНСК, 7 чэр - Sputnik. Эканамічны суд Мінска пачаў разгляд іску Гандлёвага ўнітарнага прадпрыемства "Белкаапзнешгандаль Белкаапсаюза" да індывідуальнага прадпрымальніка Анжалікі Агурбаш аб выпатрабаванні маёмасці.

Як перадае карэспандэнт Sputnik, на сёння прызначана папярэдняе судовае пасяджаэнне. Гаворка ідзе пра тое, што некалькі гадоў таму заслужаная артыстка Беларусі Анжаліка Агурбаш узяла на рэалізацыю ў Белкаапсаюза партыю футравых вырабаў. Сёння ў суд на папярэдняе судовае пасяджэнне прыйшлі прадстаўнікі істца - юрысты Белкаапсаюза. Ні прадстаўнік адказчыка, ні сама адказчыца ў суд не з'явіліся. У судзе была агучана інфармацыя аб тым, што адказчыцы Агурбаш было паведамлена пра гэта судовае пасяджэнне, яна атрымала пастанову суда на рукі.

Пазіцыя істца

Як паведаміла на судзе начальнік юрыдычнага аддзела Белкаапсаюза, у лістападзе 2018 года паміж Белкаапсаюзам і індывідуальным прадпрымальнікам Анжалікай Агурбаш быў заключаны дагавор аб рэалізацыі тавару - 40 футравых вырабаў. Паводле яе слоў, пасля заключэння дагавора Агурбаш зрабіла адгрузку тавару, па дамове павінна была рэгулярна пералічваць грошы ад рэалізацыі футра, але гэтага не рабіла. Белкаапсаюзам у суд быў перададзены іск аб выпатрабаванні маёмасці на суму 6 085 942,02 расійскіх рублёў (каля 83 тысяч долараў), перададзенага на падставе дагавора камісіі.

Юристы Белкоопсоюза
© Sputnik / Анна Нефедова
На папярэдняе судовае пасяджэнне прыйшлі прадстаўнікі істца - юрысты Белкаапсаюза

Па словах юрыста, тэрмін для вяртання тавару скончыўся ў 2020 годзе.

"Улічваючы публічнасць асобы адказчыка, мы спрабавалі ўрэгуляваць гэту спрэчку шляхам перагавораў, але кожны раз у адказчыка знаходзіліся аргументы аб тым, што зараз складаная эпідэміялагічная сітуацыя", - сказаў юрыст Белкаапсаюза.

Інвентарызацыя па відэа

Бокам істца была зроблена спроба інвентарызацыі атрыманага Агурбаш тавару. "Гендырэктар ездзіў у Маскву, каб убачыць у наяўнасці дадзены тавар. Анжаліка Анатольеўна не пусціла да сябе, па відэа зрабіла інвентарызацыю", - сказала прадстаўнік істца.

"Мы накіроўвалі прэтэнзіі і прасілі Анжаліку Анатольеўну Агурбаш прадставіць справаздачу аб рэалізацыі, неаднаразова прасілі вярнуць нашы вырабы, але Анжаліка Анатольеўна адмаўляецца гэта зрабіць", - заявіла юрыст суду.

Пры гэтым прадстаўнік істца паведаміла, што Агурбаш заяўляла, што гатова набыць партыю футра за 50 працэнтаў кошту. "У нас ёсць скрыншоты гэтага", - сказала юрыст.

Яна таксама заявіла суду, што Белкаапсаюз прапаноўваў мірным шляхам урэгуляваць пытанне, звязанае з дамовай аб рэалізацыі футравых вырабаў.

Юрыст Белкаапсаюза таксама заявіла суду, што ў істца ёсць падставы сцвярджаць, што футравыя вырабы, перададзеныя Агурбаш для рэалізацыі, не прададзены і знаходзяцца ў яе.

Адстойваючы сваю пазіцыю ў судзе, юрыст Белкаапсаюза заявіла, што ў Агурбаш адсутнічаюць прававыя падставы для ўтрымання партыі эксклюзіўных футравых вырабаў. У гэтай партыі - норкавае футра розных колераў, футравыя капялюшыкі, сумкі, камізэлькі.

Чытайце таксама:

18
Тэги:
суд, прадпрыемства, артыст, Белкаапсаюз, Мінск, натуральнае футра
Старшыня Следчага камітэта Дзмітрый Гара

СК Беларусі распавёў у чым абвінавачваюць расіянку Сапегу

21
(абноўлена 17:05 14.06.2021)
Грамадзянка РФ была затрымана разам з беларускім грамадзянінам Раманам Пратасевічам пасля пасадкі ў аэрапорце самалёта Ryanair.

МІНСК, 14 чэр - Sputnik. Сафія Сапега знаходзілася ў поле зроку беларускіх сілавікоў, паведаміў старшыня Следчага камітэта Дзмітрый Гара.

Паводле яго слоў, грамадзянка Расіі Сафіі Сапега была затрымана па артыкуле 342 КК Беларусі (удзел у масавых беспарадках).

"Яна была прыцягнута ў якасці абвінавачванай па крымінальнай справе, якая расследуецца па частцы трэцяй артыкула 130 - распальванне сацыяльнай варожасці", - удакладніў ён.

Пры гэтым кіраўнік СК дадзеныя меры растлумачыў тым, што Сапега была адміністратарам Telegram-канала, які прызнаны экстрэмісцкім ў Беларусі і дзе выкладвалі дадзеныя сілавікоў і дзяржслужачых.

Па дадзеным факце вялася аператыўная праца яшчэ з канца мінулага года, калі былі распачаты крымінальныя справы.

"Натуральна, Сафія Сапега знаходзілася ў полі зроку", - запэўніў Дзмітрыя Гара.

Пасля чаго дадаў, што ў поле зроку яна была як асоба, маючая дачыненне да дадзеных злачынстваў.

"Пасля таго, як яна апынулася тут, яна адразу дала паказанні аб тым, што з'яўлялася адміністратарам гэтых Telegram-каналаў. То бок, у нас з'явіліся пэўныя падставы, каб яе прыцягваць да адказнасці па гэтай крымінальнай справе. Яна прыцягнута ў якасці абвінавачванай", - асабліва адзначыў кіраўнік СК.

Прычым удакладніў, што ёй ужо прад'яўленя абвінавачванні па артыкуле "Арганізацыя дзеянняў, што груба парушаюць грамадскі парадак".

Чытайце таксама:

21
Тэги:
Ryanair, самалёт, Раман Пратасевіч, грамадзяне, Сафія Сапега, СК РБ
Суд Партызанскага раёна Мінска

Суд у Мінску разгледзеў скаргу расіянкі Сапегі

13
(абноўлена 12:33 14.06.2021)
Суд над затрыманай грамадзянкай Расіі прайшоў за зачыненымі дзвярыма, абвінавачваную ў Дом правасуддзя з СІЗА КДБ прывозіць не сталі.

МІНСК, 14 чэр – Sputnik. Суд Партызанскага раёна Мінска разгледзеў скаргу расіянкі Сафіі Сапегі на яе затрыманне і вырашыў пакінуць скаргу без задавальнення, перадае карэспандэнт Sputnik з Дома правасуддзя.

Разгляд прайшоў за зачыненымі дзвярыма.

Дадзенае рашэнне суда можна абскардзіць на працягу 24 гадзін.

Гэта не першая скарга на затрыманне Сапегі - больш за тыдзень таму адвакат падаваў аналагічную скаргу, але суд адмовіў і не адпусціў Сапегу з СІЗА КДБ.

Пакуль няма інфармацыі аб тым, па якіх артыкулах у дачыненні да Сапегі ўзбуджана крымінальная справа і прад'яўлена абвінавачванне. Следства ні разу афіцыйна не паведаміла аб ходзе расследавання і сутнасці абвінавачвання, а адвакаты не падаюць інфармацыі па гэтым пытанні з-за падпіскі аб невыдаванні.

Затрыманне Сафіі Сапегі ў Мінску

Грамадзянку Расіі Сафію Сапегу затрымалі разам з экс-галоўным рэдактарам Telegram-канала Nexta (прызнанага ў Беларусі экстрэмісцкім) Раманам Пратасевічам пасля экстранай пасадкі самалёта Ryanair ў Мінску 23 траўня. Дзяўчыну арыштавалі на два месяцы па падазрэнні ў здзяйсненні шэрага крымінальных злачынстваў у жніўні-верасні 2020 года.

Афіцыйны прадстаўнік МЗС Расіі Марыя Захарава раней заявіла, што пасольства РФ у Мінску атрымала ад беларускіх улад шматразовы дазвол на наведванне Сафіі Сапегі.

Раней у эфіры тэлеканала СТБ было прадстаўлена відэа, у якім Сапега прызналася, што з'яўляецца рэдактарам Telegram-канала "Чорная кніга Беларусі", які публікуе асабістыя дадзеныя сілавікоў. Гэты сэрвіс, як і яго рэгіянальныя версіі, прызнаны ў Беларусі экстрэмісцкім.

Чытайце таксама:

13
Тэги:
СІЗА КДБ, Расія, Сафія Сапега, скарга, Мінск, суд
Які сёння дзень: 15 чэрвеня 2021 года

Які сёння дзень: 15 чэрвеня 2021 года

0
(абноўлена 10:46 14.06.2021)
Гэты дзень з'яўляецца сто шасцьдзясят шостым па грыгарыянскім календары, да канца года засталося 199 дзён.

Якія падзеі адбыліся 15 чэрвеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 15 чэрвеня

  • У 1812 годзе Полацкі езуіцкі калегіум пераўтвораны ў Полацкую езуіцкую акадэмію з правамі ўніверсітэта.

Хто нарадзіўся 15 чэрвеня

  • 1831 год: Вінцэсь Каратынскі, беларускі і польскі пісьменнік, перакладчык.
  • 1936 год: Мікола Гіль, беларускі пісьменнік, журналіст, перакладчык.
  • 1954 год: Янка Крук, беларускі фалькларыст.

Таксама сёння нарадзіліся французскі мастак Нікаля Пусэн, паэт Канстанцін Бальмонт і рок-музыкант Джоні Холідэй.

15 чэрвеня ў народным календары

Сёння праваслаўныя вернікі шануюць памяць свяціцеля Нікіфара спавядальніка.

У гэты дзень дзяўчыны збіраліся разам і плялі вянкі з павою, якія потым захоўвалі як абярэг на шчасце.

На полі ў гэты дзень касілі сена, а ў лесе нарыхтоўвалі кару для дублення скур.

Калі напярэдадні сонца садзілася ў аблокі, 15 чэрвеня будзе непагодлівым. Калі пойдзе дождж, потым будзе шмат грыбоў.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей