Дзень горада Мінска - 2019: месцы і час святочных падзей і салюту 14-15 верасня

191
(абноўлена 10:04 16.09.2019)
Схемы галоўных і раённых святочных мерапрыемстваў на Дзень горада Мінска 14-15 верасня 2019 года - у інфаграфіцы Sputnik.
Дзень горада Мінска – 2019 | Інфаграфіка sputnik.by
© Sputnik Беларусь / Інфаграфіка

У гэтым годзе святочныя выхадныя ў Мінску ў гонар Дня горада як ніколі насычаныя буйнымі падзеямі. Традыцыйна галоўныя мерапрыемствы ў сталіцы пройдуць на "святочнай мілі" ад Верхняга горада да парку Перамогі.

У суботу, 14 верасня, варта вылучыць байкерскі фестываль H.O.G. Rally Minsk (пляцоўка каля Палаца спорту), фестываль гістарычнай рэканструкцыі "Мінск старажытны" (паркавая зона на скрыжаванні праспектаў Пераможцаў і Машэрава) і міжнародны праект "Мінск інтэрнацыянальны" (Верхні горад).

Таксама 14 верасня Дзень горада адсвяткуюць на шматлікіх пляцоўках у раёнах сталіцы. Завершыцца першы дзень музычным феерверкам у раёне Палаца спорту.

У нядзелю, 15 верасня, ад самай раніцы частка Мінска пабяжыць, а частка "стане": на цэнтральных вуліцах горада пройдзе традыцыйны Мінскі паўмарафон. Па маршруце правядзення забегаў будзе абмежаваны рух, розныя ўчасткі праспекта Пераможцаў будуць перакрытыя практычна ўвесь дзень.

Працягне апусканне ў сярэднявечча "Мінск старажытны", а па суседстве (у парку Перамогі) аматараў ваеннай гісторыі, тэхнікі і відэагульняў запрашае "Wargaming Fest: Дзень танкіста". На сцэне фестывалю пройдзе і самая "зорная" канцэртная праграма: на працягу дня ў парку Перамогі выступяць гурты The Offspring, "Звери", "Воплі Відаплясава" і "Крамбамбуля". Уваход на ўсе гэтыя мерапрыемствы будзе вольным.

Не прапусціць самыя значныя падзеі Дня горада Мінска 14-15 верасня 2019 года вам дапаможа інфаграфіка Sputnik.

191
Тэги:
Дзень горада, Мінск
Тэмы:
Куды пайсці ў Мінску (52)

Час працы выбарчых участкаў на выбарах прэзідэнта Беларусі - 2020

7
(абноўлена 15:45 05.08.2020)
Графік працы ўчасткаў падчас датэрміновага галасавання і ў дзень выбараў прэзідэнта Беларусі - у інфаграфіцы Sputnik.
Выбары прэзідэнта – 2020: час працы ўчасткаў для галасавання | Інфографіка sputnik.by
© Sputnik

4 жніўня стартавала датэрміновае галасаванне на выбарах прэзідэнта Беларусі 2020 года. Час працы выбарчых участкаў падчас датэрміновага галасавання 4-8 жніўня і ў дзень выбараў 9 жніўня - у інфаграфіцы Sputnik.

7
Тэги:
Беларусь, Выбары
Тэмы:
Выбары прэзідэнта Беларусі - 2020

Як Расія дапамагла краінам СНД у барацьбе з COVID-19

9
(абноўлена 17:12 17.07.2020)
Sputnik падрыхтаваў дэталёвы агляд расійскай гуманітарнай дзейнасці і высветліў, як менавіта Расія дапамагае краінам-суседзям у перыяд пандэміі.
Як Расія дапамагала суседзям у барацьбе з COVID-19
© Sputnik

Данара Курманава, Sputnik

З лютага 2020 года Расія садзейнічае 32 дзяржавам у барацьбе з COVID-19. Больш за палову гуманітарных грузаў было адпраўлена ў СНД, Абхазію і Паўднёвую Асецію. Пры гэтым бязвыплатная падтрымка з боку РФ не абмяжоўваецца толькі медыцынскім абсталяваннем і лекамі.

Праверылі ўсіх

Першыя партыі гуманітарнай дапамогі за мяжу былі арганізаваны ў лютым - тады Расія стала адпраўляць тэст-сістэмы для дыягностыкі каронавіруса. Пра гэта Sputnik паведамілі ў Расспажыўнаглядзе.

"Навукоўцы з цэнтра "Вектар" стварылі тэст-сістэму 19 студзеня. А 7 лютага яе эфектыўнасць пацвердзілася падчас візіту расійскіх спецыялістаў на чале з Расспажыўнаглядам ў Кітай. Пасля гэтага Расія змагла пачаць пастаўкі за мяжу, і важным аспектам стала ўзаемадзеянне з краінамі ЕАЭС і СНД", - распавялі ў прэс-службе арганізацыі.

Па дадзеных на 14 ліпеня 2020 года, Расія адправіла за мяжу 734 тысячы тэстаў на каронавірус у якасці бязвыплатнай дапамогі. Амаль 55% ад гэтага аб'ёму, або 402,7 тысяч тэстаў атрымалі краіны СНД, Абхазія і Паўднёвая Асеція. Самыя буйныя партыі тэст-сістэм Расія адправіла ў краіны Цэнтральнай Азіі - Кыргызстан, Узбекістан і Казахстан.

Акрамя гэтага, у Расспажыўнаглядзе адзначаюць: менавіта расійскія тэсты выявілі першыя выпадкі каронавіруса ў Арменіі, Беларусі і Таджыкістане. Аднак, каб правесці тэст і атрымаць вынік, неабходныя яшчэ і хімічныя рэактывы. Таму Расія перадала за мяжу рэагенты на правядзенне 723 тысяч даследаванняў. Больш за 440 тысяч з іх ізноў былі накіраваныя ў краіны СНД, Абхазію і Паўднёвую Асецію.

Не тэстам адзіным

У якасці гуманітарнай дапамогі краінам-суседзям Расія таксама выдзеліла 23 бескантактавыя тэрмометры для аснашчэння пунктаў пропуску праз дзяржаўныя межы, распавялі Sputnik у прэс-службе Расспажыўнагляда. 10 прыбораў былі дастаўлены ў Кыргызстан, 7 - у Арменію, 6 - у Таджыкістан.

Вялікую ўвагу Расія надала і адукацыйным мерапрыемствам для урачоў, якія змагаюцца з COVID-19. Расспажыўнагляд арганізаваў 10 анлайн-лекцый, у ходзе якіх расійскія лекары дзяліліся сваім вопытам з 300 спецыялістамі з СНД.

"Аднак кансультацыі ішлі не толькі ў фармаце відэасувязі, - удакладнілі ў прэс-службе арганізацыі. - Расійскія спецыялісты яшчэ выязджалі непасрэдна ў пацярпелыя краіны. Напрыклад, у траўні Расія правяла ў Таджыкістане і Малдове ацэначныя місіі і змагла даць рэкамендацыі па лабараторнай дыягностыцы віруса".

Спяшаюцца на дапамогу

Каб дапамагчы дзяржавам-партнёрам справіцца з пандэміяй, сёння ў шэрагу краін СНД працуюць цэлыя групы расійскіх урачоў. У ліпені расійскія эпідэміёлагі і вірусолагі адправіліся ў Казахстан і Кыргызстан, паведамілі ў Расспажыўнаглядзе. У прыватнасці, у Казахстане працуюць 55 расійскіх урачоў. Так як эпідэміялагічная сітуацыя ў краіне пагоршылася і рэжым каранціну падоўжаны да 2 жніўня, Расія дадаткова перадала Казахстану гуманітарны груз. Па дадзеных казахстанскага дыстрыбутара медыкаментаў "СК-Фармацыя", ён складаецца з 2 790 камплектаў ахоўнага адзення, амаль 22 тысяч масак і 236 упаковак лекаў "Фавіпіравір". Да канца ліпеня Расія перадасць яшчэ 700 тысяч таблетак гэтага прэпарата.

На сённяшні дзень групы расійскіх урачоў працуюць і ў Закаўказзе. Паводле інфармацыі Міністэрства аховы здароўя Арменіі, на ініцыятыву дапамагчы армянскім бальніцам ў барацьбе з каронавірусам адгукнуліся 50 урачоў. А 12 ліпеня Міністэрства аховы здароўя Расіі адправіла ў Азербайджан брыгаду ўрачоў Першага маскоўскага дзяржаўнага ўніверсітэта імя Сечанава. Сумесна з імі ў Баку вылецелі 17 урачоў-добраахвотнікаў, якія працавалі ў клініках Масквы, Адзінцова і Нарыльска.

Ад Сербіі да Лаоса

Аднак варта адзначыць: дапамога Расіі распаўсюджваецца не толькі на СНД. Як атрымалася даведацца Sputnik у Расспажыўнаглядзе, за перыяд пандэміі Расія аказала бязвыплатнае садзейнічанне 32 краінам.

Геаграфія гуманітарнай місіі РФ шырокая. Гвінея, Непал, Коста-Рыка, Нікарагуа, Палестына, Афганістан, Куба, Лаос, Дамініка, Ліван, Сербія, Венесуэла, Егіпет - вось няпоўны спіс краін, якія атрымалі ад Расіі ПЦР-тэсты бясплатна.

А ў В'етнаме вывучэннем каронавіруса займаецца Сумесны расійска-в'етнамская навукова-даследчы цэнтр. На яго базе расійскія спецыялісты правялі больш за 2 тысячы даследаванняў ўзбуджальніка COVID-19.

Значны ўнёсак у барацьбу з вірусам ўнёс і МЗС РФ. Як паведамляецца на сайце міністэрства, Расія адправіла ў Джыбуці палаткі і камплектуючыя для стварэння медыцынскіх комплексаў. А ў Камбоджу з Расіі ў рамках гуманітарнай акцыі паступіла тысяча упаковак "Цыклаферона".

Аб'ёмы экспарту растуць

Паралельна з пастаўкамі гуманітарнай дапамогі растуць і аб'ёмы экспарту. Сёння на платнай аснове расійскія тэст-сістэмы пастаўляюцца ў Арменію, Беларусь, Казахстан, Кыргызстан, Малдову, Таджыкістан, Турцыю, а таксама Грузію і Украіну, паведамілі Sputnik ў Міністэрстве прамысловасці і гандлю РФ.

Не менш актыўна развіваюцца пастаўкі тэстаў і ў далёкае замежжа - Аўстрыю, Бангладэш, Балгарыю, Бразілію, Венгрыю, Германію, Індыю, Італію і Аб'яднаныя Арабскія Эміраты.

"Усяго экспартавана больш за 20 тысяч набораў. Зараз ідуць перамовы пра пастаўкі ў Алжыр, Афганістан, Венесуэлу, Малайзію, Марока, Сербію і Пакістан", - заявілі ў прэс-службе міністэрства.

Паспяхова праходзіць і экспарт расійскіх апаратаў штучнай вентыляцыі лёгкіх (ШВЛ). Больш за 600 расійскіх ШВЛ ўжо адгружаны ў Узбекістан, Беларусь, Сербію і Італію, распавёў міністр прамысловасці і гандлю РФ Дзяніс Мантураў падчас свайго выступу ў Савеце Федэрацыі. Акрамя гэтага, Расія абмяркоўвае продаж тэрміналаў вымярэння тэмпературы з ЗША.

9
Тэги:
каронавірус, Расія
Прэзідэнт РФ Уладзімір Пуцін

Адбылася тэлефонная размова паміж Лукашэнкам і Пуціным

0
(абноўлена 14:43 07.08.2020)
Прэзідэнты абмеркавалі затрыманне расіян, выказана ўпэўненасць, што сітуацыя будзе ўрэгулявана ў духу ўзаемаразумення.

МІНСК, 7 жні - Sputnik. Тэлефонная размова паміж прэзідэнтам Беларусі Аляк

сандрам Лукашэнкам і прэзідэнтам Расіі Уладзімірам Пуціным адбылася ў пятніцу, паведаміла прэс-служба Крамля.

Кіраўнікі дзвюх дзяржаў абмеркавалі актуальныя пытанні далейшага развіцця брацкіх расійска-беларускіх адносін.

У гутарцы таксама была закранутая тэма затрымання беларускімі сілавікамі 33 грамадзян Расійскай Федэрацыі.

"Пуцін і Лукашэнка выказалі ўпэўненасць, што сітуацыя з затрыманнем расіян будзе ўрэгулявана ў духу ўзаемаразумення", - паведамілі ў Крамлі.

"Праведзены абмен меркаваннямі ў сувязі з нядаўнім затрыманнем на тэрыторыі рэспублікі 33 расійскіх грамадзян. Выказана ўпэўненасць, што сітуацыя будзе ўрэгулявана ў духу ўзаемаразумення, характэрнага для супрацоўніцтва дзвюх краін", - паведамілі ў пятніцу ў Крамлі.

Акрамя таго, падчас размовы Пуцін падкрэсліў, што расійскі бок "зацікаўлены ў захаванні ў Беларусі стабільнай ўнутрыпалітычнай сітуацыі і правядзенні будучых прэзідэнцкіх выбараў у спакойнай абстаноўцы".

Таксама, адзначылі ў Крамлі, былі "абмеркаваны актуальныя пытанні далейшага развіцця брацкіх расійска-беларускіх адносін".

"Акрамя двухбаковага парадку значная частка гутаркі датычылася актуальных пытанняў процідзеяння пандэміі COVID-19 у дзвюх краінах, выпрацоўкі вакцыны для барацьбы з гэтай інфекцыяй", - паведамілі ў прэс-службе беларускага прэзідэнта.

0
Тэги:
Аляксандр Лукашэнка, Уладзімір Пуцін, Расія, Беларусь