Леонардо Ди Каприо на вручении премий гильдии режиссеров США

Дапамажы Леа атрымаць “Оскар” - анлайн-гульня

35
(абноўлена 17:08 17.02.2016)
Няпростыя адносіны Леа і “Оскара” сталі крыніцай натхнення для стваральнікаў відэагульні Leo's Red Carpet Rampage.

МІНСК, 17 лют — Sputnik. Лонданская студыя The Line стварыла гульню Leo's Red Carpet Rampage, прысвечаная той бясконцай пагоні актора за статуэткай. Гульню можна знайсці ў адкрытым доступе.

У браузерной аркадзе вам прыйдзецца бегчы па чырвонай дывановай дарожцы, пераадольваць перашкоды і збіраць ўзнагароды, ўхіляцца ад папарацы і перамагаць канкурэнтаў на статуэтку.

Падчас пагоні за "Оскарам" карэспандэнт Sputnik ад імя Ды Капрыа сабрала 44 залатыя глобусы, 5 прэмій BAFTA, яшчэ калекцыю прэмій рознага кшталту і гонару — і ніводнага "Оскара".

Сёлета лепшым акцёрам могуць назваць Брайанка Крэнстана, Мэтта Дэймана, Леанарда Ды Капрыа, Майкла Фасбендэра або Эдзі Рэдмэйна, які летась ужо атрымаў узнагароду ў гэтай намінацыі за выкананне ролі Стывена Хокінга. А Ды Капрыа намінаваны на прэмію ўжо ў пяты раз.

За званне лепшай актрысы пазмагаюцца Кейт Бланшэт, Джэніфер Лоўренс, Сірша Ронан і Шарлота Рэмплінг. Дарэчы, Лоўрэнс ўжо атрымлівала ўзнагароду ў 2013-м годзе, а ў Бланшэт у скарбонцы дзве залатыя статуэткі.

 

35
Тэмы:
Оскар-2016: чаканні спраўдзіліся (7)

Месцы сілы: карта прыродных святынь Мінскай вобласці

1287
(абноўлена 17:34 07.05.2021)
Сучасныя беларусы ходзяць з ахвяраваннямі да дрэў, крыніц і валуноў і просяць збавіць ад слепаты, падарыць добрага мужа і палегчыць роды. Што, дзе і ў чаго прасіць – у інфаграфіцы Sputnik.
Карта прыродных святынь Мінскай вобласці – інфаграфіка sputnik.by
© Sputnik Беларусь / Інфаграфіка

Па сціплых падліках, на Міншчыне знаходзіцца больш за 40 шанаваных прыродных святынь. Гэта камяні, крыніцы і нават дрэвы.

Гэтыя месцы здаўна ахутаныя легендамі і паданнямі. Напрыклад, побач з вёскай Крыжоўка Мінскага раёна ёсць Волас-камень, які, згодна з народнымі меркаваннямі, адказвае за ўрадлівасць і багацце. Назва каменя паходзіць ад язычніцкага бога Вялеса, які быў заступнікам хатняй жывёлай. Нават зараз на дрэвах вакол каменя можна знайсці чарапы быкоў і кароў.

Тут жа непадалёк знаходзіцца "Камень кахання", які 150 тысяч гадоў таму прынёс сюды ледавік. Да яго прыходзяць людзі не толькі ў пошуках бясконцага кахання, але і пары з просьбамі зачаць дзіця і палегчыць роды.

Самыя папулярныя прыродныя святыні Мінскай вобласці з інфармацыяй аб іх – на карце Sputnik.

КАЛІ Ў ВАС НЕ АДЛЮСТРОЎВАЕЦЦА ІНФАГРАФІКА — ГЛЯДЗІЦЕ МАТЭРЫЯЛ НА ПОЎНАЙ ВЕРСІІ САЙТА>>

1287
Тэги:
Святыні, дрэвы, камяні, Беларусь, Мінская вобласць
Тэмы:
Забытыя і знакамітыя: самыя цікавыя славутасці Беларусі
По теме
Дзе беларусы шукаюць здароўе і каханне і як у гэтым дапамагаюць камяні і вада
Беларускія вербы

Вербная магія або вярба на ўсялякую патрэбу

157
(абноўлена 16:37 24.04.2021)
Этнограф Ларыса Мятлеўская распавядае пра Вербную нядзелю і дзеліцца сакрэтамі народных завядзёнак.

Нарэшце распусцілася вярба і ў паветры залунала свята. Паабапал дарог, на фоне яшчэ шэрых лясоў жоўтыя ад пяшчотных кветак вербы, свецяцца нібыта свечы ў храмах, нагадваючы ўсім аб надыходзе свята.

Вербніца – прадвесніца Вялікадня – узнёслае ўрачыстае свята. У хрысціянстве яно прымеркавана да Уваходу Ісуса Хрыста ў Іерусалім, дзе народ сустракаў яго пальмавым лісцем. У беларусаў сімвал свята – вярба, якую падчас набажэнства асвячаюць у храмах. Чаму свецяць вярбу, а не пальмавае лісце ў народзе тлумачылі так:

"Ну, а ў нас пальмаў ужэ ж няма, то і рашылі вярбу. Вот паэтаму і вярба".

У некаторых мясцінах Гарадзенскай губерніі яшчэ ў 19 стагоддзі на Вербніцу прывозілі ў цэрквы вярбу цэлымі дрэвамі з карэннямі і пасля асвячэння ламалі з яе галіны.

Што пра свята людзі кажуць

Аб тым, як Хрыстос уваходзіў у Іерусалім, народ складаў легенды. На Гомельшчыне гэтую падзею пажылыя людзі апісвалі так:

"Бог ехаў на кані. Людзі расцілалі палотны, багатыя расцілалі каўры, дарогу ўсцілалі. А бедныя ўсцілалі ветачкі. Так Бог не паехаў па каўрах і палотнах, а паехаў па ветачках".

З цягам часу "вярбой" у народзе сталі называць галінкі вярбы, аздобленыя каляровымі сухімі кветкамі, травамі, каласкамі, мохам і інш. Яны імітавалі сабой "пальмы". Вядома ж, у розных рэгіёнах Беларусі ёсць свае, адметныя традыцыі аздаблення велікодных верб з выкарыстаннем прыродных матэрыялаў. Сярод іх асабліва вылучаюцца вядомыя на ўвесь свет так званыя "Віленскія пальмы". У мастацкім аздабленні гэтых вербаў удала спалучыліся народныя традыцыі і беларусаў, і літоўцаў. "Пальмы", падобныя на "віленскія", распаўсюджаны таксама і ў заходняй частцы Беларусі, якая мяжуе з Літвой, на Браслаўшчыне, Гарадзеншчыне, у Лідзе, Гродна, на Астравеччыне.

Вербы са Скідзеля
© Photo : Ларыса Мятлеўская
Вербы са Скідзеля

Для вырабу такіх "пальм" нарыхтоўваюцца палачкі рознага памеру ад 50 да 70 см. Каб складаўся ўзор, да іх прывязваюцца ў адпаведным парадку сухія кветкі рознакаляровага геліхрызума і іншых сухацветаў, каласы збожжа, сухія травы, якія ў сваю чаргу фарбуюцца ў яркі зялёны колер. Над іх стварэннем напрацягу года працуюць цэлыя сямейныя дынастыі, ствараючы сапраўдныя творы традыцыйнага мастацтва.

У Вербную нядзелю "пальмы" можна сустрэць і нават набыць на кірмашах каля цэркваў і касцёлаў буйных гарадоў. І не толькі набыць, але і пагутарыць, даведацца шмат цікавага аб народных завядзёнках, бо яшчэ жывая вера аб магічных уласцівасцях вербных галінак.

Вербныя завядзёнкі

Як толькі ў народзе не выкарыстоўвалі асвечаную вярбу! Ёю лячылі не толькі людзей, жывёл але і прадметы побыту, з ёй варажылі на замужжа, хадзілі на могілкі, асвячалі агарод і інш. Асабліва моцнай яна лічылася ў Вербніцу. Вось некаторыя прыклады народных завядзёнак і побытавай магіі.

Чаму свецяць вярбу? На гэта пытанне адказваюць па-рознаму. Напрыклад, жыхары вёсак Полацкага раёна мяркуюць, што "вярбу свецяць, каб жыта ішло такое высокае і чыстае, як вярба. А ядловец засцерагае ад усякага зглазу, ад уреда" (Ганна Баратынская, 1912 г.н., в. Мураўшчына).

Традыцыйныя вербы і паштоўкі
© Photo : Ларыса Мятлеўская
Традыцыйныя вербы і паштоўкі, зробленыя дзецьмі Нядзельнай школы

Куды дзець старую вярбу? Гараджане пакідаюць іх у скрынях каля царквы, калі прыходзяць на набажэнства. А на вёсцы свае завядзёнкі. Мінулагоднія вербы палілі, а вось прыгожых букецікаў, якімі была аздоблена вярба, было шкада, таму часта іх надоўга пакідалі за абразамі, далучаючы да новых вербаў. Так і цяпер амаль у кожнай сялянскай хаце абраз упрыгожваюць галінкі асвечанай вярбы.

Вербны букецік замацоўвалі за абразамі, каб не толькі ўпрыгожваў покуць, але і засцерагаў хату ад маланкі. Летам, як толькі ў небе загрыміць – выстаўлялі ў вакно сухія галінкі вярбы і грымоты абыходзілі сялібу бокам.

Перш чым трапіць за абразы на покуці, асвечаныя галінкі вярбы раздавалі ўсім, хто меў у іх патрэбу. Каб не наклікаць на сябе бяды, лічылася, што калі вярба трапіла ў хату на покуць, адорваць ёю, або пазычаць камусьці было ўжо нельга.

"Не я б’ю – вярба б’е! Хіра ў лес, а здароўе ў косці!" У народных уяўленнях лічылася, што гэта дрэва ўплывае на жыццяздольнасць і здароў’е чалавека і жывёл, засцерагае ад нечысці. Іначай, чым патлумачыць жыццядзейнасць старажытнага абрада, згодна з якім "білі" (пасцёбвалі) не толькі дзяцей, каб яны хутчэй раслі, але і дарослых, каб не хварэлі. Цяжка вытлумачыць радасць, якая нараджаецца ў сэрцы, калі чуеш адвечнае:

"Не я б’ю – вярба б’е.
За тыдзень – Вялікдзень.
Будзь багаты, як зямля,
Будзь здаровы, як вада,

Як лёд – на ўвесь год!"

Чароўныя словы народнай замовы!

Што яшчэ лячылі вярбой? Ліхаманка, паразіты і хворыя зубы падуладны пупышкам асвечанай вярбы. Для гэтага дастаткова было з’есці па дзевяць пупышак з асвечанай вярбы. Часам вярбу запальвалі і акурвалі ёю ад ліхаманкі хату, клалі вярбу ў ваду і тады, калі купалі ў ёй хворае дзіця. Пупышкі давалі дзецям ад гельмінтаў, попелам ад спаленай вярбы пасыпалі месца вакол калыскі навароджанага дзіцяці, каб прадухіліць усялякія негатыўныя ўздзеянні нябачных варожых сіл.

Ідзём з вярбой на могілкі. На Радаўніцу прынята віншаваць з Вялікаднем памерлых продкаў. На магілы блізкіх людзей неслі галінкі вярбы, асвечанай у царкве ў Вербную нядзелю. Галінкі клалі на могілкі, каб павіншаваць такім чынам са святам памерлых продкаў. Цяпер на гэту традыцыю практычна забыліся і замест вербаў нясуць на могілкі букеты штучных кветак, якія з часам ператвараюцца ў смецце.

Каб скацінка здаровая была, а кароўка давала шмат малачка. Для гэтага, пасля набажэнства ў Вербную нядзелю з вербамі абыходзілі хлявы. Кароўку, авечак і іншых хатніх жывёл сцябалі галінкамі, каб добра вяліся, здаровыя былі, ліхога вока не баяліся. Частку вярбы пакідалі ў хлеве, а часткай пасля выганялі скаціну на пашу ў Юр’я.

Асвячэнне вярбой агарода. Гэта абрад мог бы быць карысны для дачнікаў. Вярбе прыпісвалі здольнасці апладняць зямлю, паляпшаць яе ўраджайнасць. Для гэтага пасля выгану жывёлы вярбу ўтыкалі ў зямлю (у чатырох вуглах нівы) або разламвалі галінкі і раскладвалі іх па палях. Або выкарыстоўвалі попел ад спаленай мінулагодняй вярбы. Яго высыпалі на грады, каб забяспечыць добры ўраджай, абараніць ад шкоднікаў і ахаваць агарод ад стыхійных бедстваў. Казалі:

"Каб ураджай добры ўвосені сабраць, каб усё так хутка расло, як вярба на мяжы суседа, каб чэрві ды жукі не нападалі".

Для большай пэўнасці чыталі замову:

 "Чэр* нападаіць, кор пад’ідаіць. Чэр кіпучая, чэр магучая, ідзі з нашага поля на мхі, на балоты, на гнілыя калоды, а калі ня пойдзеш, то святэй Міхайла-арханій сашлець пціц з нябес з жалезным носам. Будуць драць, кляваць, вашу жысць рашаць. Ва векі амінь".

*Чэр – чарвяк, вусень.

Вярба, як зваць суджанага? Калісьці дзяўчаты, як прыйдуць з царквы, садзіліся каля хаты на лаўку і пачыналі чакаць. Як толькі міма праходзілі якія-небудзь хлопцы з дапамогаю вербачкі варажылі: сцебануўшы незнаёмага хлопца, пыталі ў яго імя, спадзяючыся даведацца пра імя свайго суджанага. Уяўляю, як гэта выглядала б каля падхезда якога-небудзь дома ў горадзе. Ва ўсялякім разе весела. Дзяўчаты, чаму б не паспрабаваць?

"Лячэнне" дзяжы. У хаце пасля вяртання з царквы накіроўваліся да дзяжы з мэтай яе "палячыць", калі гаспадыня заўважала, што хлебнае цеста апошнім часам у ёй не ўдаецца. Падыходзічы да дзяжы, гаспадыня сцёбала яе і прамаўляла:

"Што ж ты, мая дзежачка, апошнім часам збунтавалася? Каб у табе заўжды хлеб удаваўся! Глядзі ж, каб выправілася!"

Цікава, ці дапаможа такі абрад тым гаспадыням, у якіх каструлі не хочуць варыць смачную ежу? Можа з імі таксама пагутарыць шчыра? Смех смехам, а толькі мне думаецца, што ў гэтым выпадку трэба галінкамі "лячыць" кухарку-няўмеку.

Вось такія яны, чароўныя галінкі асвечанай вярбы!

Прыемна назіраць, як у вялікім горадзе на Вербніцу ад царквы расцякаюцца чэрады святочна апранутых людзей з асвечанымі вербамі ў руках. Схадзіла ў царкву і я. Прайшлася з зацікаўленым вокам па вербным кірмашы, прыцанілася, набыла колькі вербаў і засталася задаволеная. Вярнуўшыся дадому разам з чароўнымі галінкамі, сваякам і суседзям занесла святочны, добры настрой.

Шануйце звычаі продкаў – і яны будуць спрыяць вам штодня!

157
Тэги:
завядзёнкі, сакрэты, Вербная нядзеля, Ларыса Мятлеўская, этнограф, вярба, магія
Аэрадром Орша будзе прымаць міжнародны рэйсы

Самалёты, цягнікі і дарогі: Мінтранс - пра тое, як ідуць справы ў галіне

3
(абноўлена 10:15 13.05.2021)
Ад перавозак унутры краіны да транскантынентальных рэйсаў - даведаліся, як будзе развівацца транспарт у Беларусі.

Калі ў поўным аб'ёме адновяць пасажырскія зносіны з Расіяй, які лёс чакае беларускі лаўкост і што будзе з "алімпійкай", якой ужо больш за 40 гадоў?

На гэтыя і іншыя пытанні ў эксклюзіўным інтэрв'ю Sputnik адказаў першы намеснік міністра транспарту і камунікацый Беларусі Аляксей Ляхновіч.

Пасажырскі "мост" Беларусь – Расія

Беларусь разлічвае на поўнае аднаўленне паведамлення з Расіяй. Здарыцца гэта можа ўжо ў бліжэйшы час. Па словах Ляхновіча, Мінтранс пастаянна праводзіць мерапрыемствы па аднаўленні пасажырскіх зносін з усходнім суседам: у красавіку ў Мінску была сустрэча на ўзроўні прэм'ераў, да гэтага былі праведзены перамовы кіраўнікоў транспартных ведамстваў дзвюх краін, дзе бакі дамовіліся аб далейшым правядзенні сумеснай работы па аднаўленню поўнамаштабнага двухбаковага пасажырскага чыгуначнага, авіяцыйнага і аўтобуснага паведамлення.

"Наша "Белавія"выконвае рэгулярныя палёты ў гарады Расіі па 9 напрамках: у Маскву (аэрапорт Дамадзедава) з частатой 5 разоў у тыдзень, Санкт-Пецярбург, Растоў-на-Дану, Калінінград, Ніжні Ноўгарад, Казань, Жукоўскі, Екацерынбург і Самару з частатой 1 раз на тыдзень. У бліжэйшы час плануецца іх выконваць ва Уфу і Мінеральныя Воды. Такім чынам, геаграфія палётаў па Расіі складзе ўжо 11 рэгулярных напрамкаў", - заявіў Ляхновіч.

Што тычыцца чыгуначных зносін, адноўлена штодзённае курсіраванне цягнікоў Масква - Мінск, Брэст/Мінск - Санкт-Пецярбург. З перыядычнасцю праз дзень - цягнікоў Брэст - Масква. Таксама аднавілася курсіраванне цягніка Мінск - Адлер. Уведзены ў штодзённы зварот  хуткасны цягнік Масква - Мінск ( "Ласточка") са знаходжаннем ў дарозе менш за 7 гадзін.

Да пачатку летняга сезону, адзначае першы намеснік міністра, могуць аднавіць курсіраванне цягніка фарміравання БЧ: Брэст - Масква, Гродна - Мінск - Масква, Полацк - Масква, Мінск - Анапа, Мінск - Екацерынбург, Мінск - Мурманск, Мінск - Архангельск. Гэтае пытанне цяпер абмяркоўваюць сумесна з РЖД. Акрамя таго, на парадку дня пытанне аб аднаўленні аўтамабільнага пасажырскіх зносін.

"Цяпер эпідсітуацыя ў Беларусі кантралюемая. Гэта стварае перадумовы для аднаўлення ў поўным аб'ёме і кароткія тэрміны транспартных зносін паміж краінамі з захаваннем усіх мер бяспекі", - падкрэсліў Аляксей Ляхновіч.

Яшчэ адзін транскантынентальны рэйс

Не так даўно з Міністэрствам транспарту, сувязі і высокіх тэхналогій Азербайджана абмяркоўвалася магчымасць запуску транскантынентальнага рэйса з Баку ў Нью-Йорк праз Мінск.

"У цэлым, арганізацыя гэтага рэгулярнага авіярэйса з'яўляецца рэальнай. У цяперашні час з азербайджанскім бокам прапрацоўваецца пытанне умоў, выгадных для абодвух бакоў", - удакладніў прадстаўнік ведамства.

Ён таксама дадаў, што цяпер Мінтранс прапрацоўвае магчымасці арганізацыі транскантынентальных рэйсаў з Катарам і Узбекістанам.

Рэгіянальныя аэрапарты будуць жыць

Распавёў Аляксей Ляхновіч і пра развіццё абласных аэрапартоў краіны. Гэтая праца вядзецца ў рамках прынятай Дзяржпраграмы развіцця транспартнага комплексу, а таксама Канцэпцыі развіцця абласных аэрапортаў. Ужо створаны ўмовы для выканання палётаў у любы рэгіянальны аэрапорт для авіякампаній ўсіх эканамічных мадэляў, у тым ліку лаўкостаў.

"Белавія" пастаянна пашырае праграмы авіяперавозак з абласных аэрапартоў. У мэтах задавальнення існуючага попыту авіякампанія на пастаяннай аснове рэалізуе чартарныя праграмы па найбольш папулярных турыстычных напрамках: Турцыя, Балгарыя, Чарнагорыя, Егіпет, Туніс. Чакаецца, што ў гэтым годзе ў разгар турыстычнага сезона перавозчык выканае з абласных аэрапартоў на 500 чартэрных рэйсаў больш, чым у 2019 годзе", - сказаў першы намеснік міністра беларускага транспартнага ведамства.

Паводле яго слоў, у рэгіянальных аэрапартах перыядычна рэканструююцца і ўзлётна-пасадкавыя паласы. Напрыклад, у аэрапорце Брэста гэта дало магчымасць прымаць самалёты тыпу Boeing 737 і Boeing 767. Наспела неабходнасць для рамонту УПП ў аэрапорце Гродна - каб прымаць і абслугоўваць сучасныя паветраныя судны тыпу Boeing 737 і Airbus 320.

Лёс беларускага лаўкоста

Ляхновіч ўспомніў, што у 2019 годзе было падпісана пагадненне з венгерскім лаўкосцерам WizzAir. Рэйсы з Будапешта ў Мінск, а таксама абласныя аэрапорты нашай краіны павінны былі пачацца з лета-2020 (авіякампанія планавала лятаць 3-5 раз у тыдзень), але ўмяшалася пандэмія, і перавозчык перанёс свае планы на лета 2021 года.

Як адзначае суразмоўца, цяпер Нацыянальны аэрапорт Мінск праводзіць анлайн-перамовы з венгерскай бокам, абмяркоўваюцца ўмовы дагавора на наземнае абслугоўванне паветраных судоў.

Што тычыцца запуску ўласнай нізкабюджэтны авіякампаніі, падкрэслівае прадстаўнік міністэрства, прапрацоўваецца пытанне стварэння беларускай лаўкост-кампаніі з базіраваннем ў аэрапорце Гродна. Аб тэрмінах гаворка пакуль не ідзе.

БЧ і гарады-спадарожнікі

Гаворачы аб развіцці ўнутраных перавозак Беларускай чыгункі, Аляксей Ляхновіч растлумачыў, што ў прыярытэце - зносіны паміж Мінскам і гарадамі-спадарожнікамі.

"Да 2025 года ў гарадскіх зносінах чакаецца прырост аб'ёму перавозак на 5% - з 4 да 4,2 мільёнаў пасажыраў", - падзяліўся ён планамі.

У прыватнасці, запланавана павелічэнне з 9 да 12 пар цягнікоў у суткі ў зносінах Мінск-Пасажырскі - Рудзенск, з 5 да 8 у напрамку Мінск-Пасажырскі – Чырвонае Знамя. Акрамя таго, прадугледжваецца арганізацыя да 8 пар цягнікоў у суткі ў зносінах Мінск-Пасажырскі - Негарэлае, а таксама скразных маршрутаў Негарэлае – Чырвонае Знамя, Беларусь - Рудзенск праз Мінск-Пасажырскі.

Рамонт 40-гадовай "алімпійкі"...

Адзін з самых буйных праектаў Мінтранса на бліжэйшыя гады - рэканструкцыя аўтадарогі - М-1/Е30, якая з'яўляецца асноўным транзітным маршрутам паміж Еўрапейскім саюзам і Расіяй. Рамонт беларускага ўчастка трасы плануецца рэалізаваць да 2030 года, арыенціровачны кошт работ складае каля 1,9 мільярда долараў, распавёў Аляксей Ляхновіч.

"Рамонт дарогі прадугледжваецца ў адпаведнасці з параметрамі I-а тэхнічнай катэгорыі, што ў агульным сэнсе адпавядае аналагу "аўтабана", а менавіта "аўтамагістралі" бесперабойнага руху. Работы плануецца ажыццяўляць паэтапна, паколькі працягласць дарогі складае 610 км", - удакладніў ён.

Паводле яго слоў, рэканструкцыя выключыць наяўнасць пешаходных пераходаў на адным узроўні з дарогай і магчымасць траплення жывёл на трасу, таксама будзе забаронены рух нізкахуткаснай тэхнікі і веласіпедыстаў.

Зараз распрацоўваецца перадпраектная дакументацыя (абгрунтавання інвестыцый - Sputnik), а таксама ідзе падрыхтоўка комплекснага інструментальнага абследавання дарогі па параметрах тэхнічнага стану, бяспекі і арганізацыі дарожнага руху. Мінтранс Беларусі вядзе перамовы з некалькімі міжнароднымі фінансавымі інстытутамі аб удзеле ў фінансаванні праекта.

... і іншых дарог

Таксама ў бліжэйшую пяцігодку, паводле слоў Ляхновіча, плануецца рэканструяваць шмат іншых дарог. Да 2025 года ведамства хоча пабудаваць і адрамантаваць 509 кіламетраў рэспубліканскіх дарог. Найбольш значныя праекты - трасы М-3 Мінск - Віцебск (на ўчастку Мінск - Плешчаніцы); М-7/Е 28 Мінск - Ашмяны - мяжа Літвы (Каменны Лог); М-8/Е 95 на ўчастку ад Віцебска да Оршы; Р-46 Лепель - Полацк; Р-23 Мінск - Мікашэвічы на ​​ўчастку Салігорск - Старобін. Працягнуцца рэканструкцыя аўтамабільнай дарогі Р-53 Слабада - Навасады на ўчастку Смалявічы - Жодзіна.

Сумесна з прыватнымі кампаніямі Мінтранс плануе давесці да ладу аўтадарогу М-10 на ўчастку Рэчыца - Калінкавічы і ўзвесці абыходы ў Міры, Магілёве, Полацку і ​​Віцебску. Выкананне работ па рамонце - не менш за 7 тысяч кіламетраў мясцовых дарог. Акрамя таго, за пяцігодку плануецца пабудаваць 107 маставых збудаванняў. На ўсё пра ўсё - 10,5 мільярды беларускіх рублёў.

Страты з-за пандэміі

У цэлым жа ўся транспартная галіна страціла з-за пандэміі больш за 130 мільёнаў долараў. Больш за ўсіх, канстатуе суразмоўца, пацярпелі арганізацыі, якія займаюцца пасажырскімі перавозкамі. Прычына - зніжэнне мабільнасці ўнутры краіны, адмена рэгулярных міжнародных перавозак чыгуначным і аўтамабільным транспартам, скарачэнне колькасці перавезеных пасажыраў авіяцыяй.

Па выніках першага квартала 2021-га, як і па выніках 2020-га, найбольшыя страты панеслі авіякампанія "Белавія", Нацыянальны аэрапорт Мінск і Беларуская чыгунка. У той жа час абмежаванні паўплывалі і на працу грузавога сектара.

"Разам з тым, сёння мы актыўна працягваем працу па аднаўленні прыпыненых маршрутаў у мэтах глабальнай задачы па аднаўленні транспартных зносін на ўзроўні 2019 года і спадзяемся на стабілізацыю сітуацыі ў свеце", - рэзюмуе Аляксей Ляхновіч.

Чытайце таксама:

3
Тэги:
Беларусь, рэйсы, Міністэрства транспарту РБ, дарогі, цягнік, Самалёты