https://bel.sputnik.by/20160612/1023181551.html

Акей, Sputnik: якое дрэва ў Беларусі самае старое?

Акей, Sputnik: якое дрэва ў Беларусі самае старое?

Sputnik Беларусь

Навуковы супрацоўнік распавяла пра тое, якімі раслінамі рэспубліка можа ганарыцца і якое дрэва самае прыгожае. 12.06.2016, Sputnik Беларусь

2016-06-12T18:01+0300

2016-06-12T18:01+0300

2016-06-13T16:28+0300

навіны

цiкавосткi

“акей, sputnik!”

https://cdnn11.img.sputnik.by/img/102317/97/1023179740_0:201:3872:2390_1920x0_80_0_0_814f7271c0e0db464a3fd10b5fa1f81d.jpg

МІНСК, 12 чэр — Sputnik. Дуб, узрост якога перавышае 800 гадоў, ёсць у Беларусі, распавяла Sputnik старэйшы навуковы супрацоўнік Інстытута эксперыментальнай батанікі НАН Ірына Вазнячук.Sputnik працягвае адказваць на самыя незвычайныя пытанні пра Беларусь. На гэты раз высветлілі, колькі гадоў самому старому дрэву ў рэспубліцы і чым наогул з гэтага пункту гледжання можа ганарыцца краіна."У нас ёсць дуб, які ўваходзіць у спіс дзесяці найстарэйшых у Еўропе — яму каля 800 гадоў. Расце ён у Маларыцкім раёне Брэсцкай вобласці. А наогул, самому старому дубу ў свеце ўжо дзве тысячы гадоў", — распавяла Вазнячук.Паводле яе слоў, у рэспубліцы налічваецца больш за сем дзясяткаў дрэў, якія перасягнулі мяжу ў некалькі стагоддзяў, усе яны ахоўваюцца законам."Ёсць лістоўніцы вышынёй у 55 метраў, гэта як 17-павярховы будынак. Таксама, дарэчы, у Брэсцкай вобласці. Але наогул у кожнай вобласці ёсць свае унікальныя дрэвы, напрыклад, трохсотгадовыя хвоі", — прадоўжыла Вазнячук.Шыльда на хвоі Мінск, адзначыла даследчык, — горад пасляваенны, і большасці дрэў тут няма і 60-70 гадоў."Але ёсць і выключэнні — да прыкладу, у Лошыцкім парку. Там захаваліся ліпавыя прысады і старыя дрэвы. Адзінкавыя асобнікі засталіся і ў іншых мінскіх парках. Напрыклад, хвоям у сталічным парку Горкага — 200 гадоў. Ёсць і ліпы, якім па 200 гадоў", — патлумачыла навуковы супрацоўнік Інстытута эксперыментальнай батанікі.Хвоі ў Белавежскай пушчы Выбар самага прыгожага дрэва ў Беларусі, мяркуе Вазнячук, з'яўляецца справай густу. Аднак сама яна назвала б галоўнымi прыгажунамi ў рэспубліцы дубы.Калі ў вас ёсць пытанні пра Беларусь і беларусаў, на якія вы ніяк не можаце знайсці адказ, напішыце на электронны адрас office@sputnik.by (з пазнакай "Окей, Sputnik") або ў нашы акаўнты ў сацыяльных сетках — Twitter, Facebook або Вконтакте. Sputnik абавязкова дапаможа разабрацца.

2016

Навіны

ru_BY

навіны , цiкавосткi, “акей, sputnik!”