Адна з удзельніц нацыянальнага адбору

Адбор на дзіцячае Еўрабачанне: песні пра мару, вайну і пазітыў

69
Пакуль юныя таленты рыхтаваліся да выканання, іх бацькі і педагогі абмяркоўвалі канкурэнтаў.

Яўген Казарцаў, Sputnik.

Праслухоўванне патэнцыйных удзельнікаў дзіцячага "Еўрабачання" адбылося ў Мінску. Усяго выступіць у студыі Белтэлерадыёкампаніі запрасілі 45 артыстаў і калектываў, якія выканалі перад журы 49 кампазіцый. Sputnik пабываў на праслухоўванні і пагутарыў з юнымі выканаўцамі.

Дарослыя за дзяцей

Дзеці перад праслухоўваннем асабліва не хваляваліся: адны размаўлялі са знаёмымі, іншыя рабілі сэлфі і сядзелі ў сваіх смартфонах. Куды большае хваляванне было на тварах дарослых — як бацькоў, так і педагогаў.

"Вядома, хвалююся. Гэта ж адказна вельмі", — падзяліўся бацька адной з выканаўцаў.

Участницы отбора и родители в ожидании выступления.
© Sputnik / Виктор Толочко
У чаканні выступа

Для Дыяны Парахонька праслухоўванне на "Еўрабачанне" — не першы конкурс. У мінулым годзе яе песню ўхвалілі для ўдзелу ў нацыянальным адборы, аднак яна адправілася на іншы конкурс у Іспанію. У гэтым годзе Дыяна нікуды з'язджаць не плануе.

Дыяна спявае, як яна сама сказала, пра мары і шчасце. Песня яе называецца "Містэрыя", на праслухоўванне дзяўчынка прыйшла разам з татам, які з гонарам расказваў пра яе поспехі на музычных конкурсах.

Диана Порохонько на национальном отборе на детское Евровидение.
© Sputnik / Виктор Толочко
Дзіяна Парахонька падчас нацыянальнага адбору на дзіцячае "Еўрабачанне"

Прыйшлі на праслухоўванне і ўжо знаёмыя беларускім слухачам выканаўцы — Вольга Шыманская (Napoli) і Анастасія Малашкевіч, якія рыхтавалі сваіх канкурсантаў. Абедзве прызналіся, што хвалююцца не менш за сваіх падапечных.

Гамяльчанка Валерыя Драбышэўская раней атрымлівала тытул "Маленькая прынцэса свету", конкурсы прыгажосці для яе не ў навінку. Але на такім сур'ёзным вакальным спаборніцтве яна выступіць упершыню — яе "прадзюсарам" да адбору і стала Шыманская.

"Я спяваю пра горад мары — такі, дзе заўжды цёпла, усе радасныя… І песня на беларускай мове", — падзялілася Валерыя.

Песня павінна быць пазітыўнай!

На дзіцячае "Еўрабачанне", вядома ж, захацелі ехаць не толькі "адзіночкі", але і выхаванцы прадзюсарскіх цэнтраў і студый. Так, адукацыйна-прадзюсарскі цэнтр Наталлі Скапец на адборы прадставіла Крысціна Карнялюк.

Участники национального отбора в Белтелерадиокомпании.
© Sputnik / Виктор Толочко
Удзельнікі конкурснага адбору

 

 

 

"Я буду спяваць пра прыгажосць у свеце… Каб не было войнаў і бед", — распавяла Крысціна.

Яе настаўніца дадала: кампазіцыя прысвечана таму, што дарослым варта задумацца і зрабіць свет больш добрым.

"Наўпрост гэта казаць не трэба, але там усё зразумела — праз вобразы, энергетыку. Дарэчы, і музыку мы ўсю жыўцом прапісалі, вельмі прафесійна", — сказала Скапец.

На думку педагога, песня для дзіцячага "Еўрабачання" не павінна быць сумнай, а павінна зараджаць энергіяй. Такога ж меркавання і Святлана Стацэнка, музычны педагог са шматгадовым стажам і мама Ксеніі Сітнік.

"Вядома, павінна быць пазітыўная песня. Каб яна была яркай і сапраўды дзіцячай. Даказваць нікому нічога не трэба, нікому не трэба верашчаць вакалізы ў трох актавах. Павінна быць проста, шчыра і каб вобразу дзіцяці цалкам адпавядала", — распавяла Sputnik Стацэнка.

Светлана Стаценко на отборе в Белтелерадиокомпании.
© Sputnik / Виктор Толочко
Святлана Стацэнка падчас конкурснага адбору

Слухаць адзін аднаго дзеці і іх куратары не маглі: праходзілі праслухоўвання ў невялікай студыі гуказапісу. Таму ўсім даводзілася чакаць у калідоры і гадаць, хто ж чаго заслугоўвае.

Усяго 45 салістаў і калектываў прадставілі на суд журы 49 песень. Дарэчы, у калектывах было толькі двое хлопчыкаў, а сярод салістаў — чацвёра. Асноўная ж колькасць удзельнікаў — дзяўчынкі 12-13 гадоў, а сярод тэматыкі іх кампазіцый пераважалі шчасце і каханне.

69
Тэги:
музычная падзея, Бацькі і дзеці, Музычны конкурс, Дзеці, Музыка, Дзіцячае Еўрабачанне, Белтэлерадыёкампанія, Беларусь

"Сам сабе гаспадар": сялянка пра плюсы вясковага жыцця - відэа

34
(абноўлена 14:30 15.10.2020)
А вы ведаеце, што існуе Дзень сельскай жанчыны? Гэтае свята ААН афіцыйна зацвердзіла 13 гадоў таму. Шырокага распаўсюджвання яно так і не атрымала, затое стала падставай нагадаць пра сельскіх жыхарак. Глядзіце відэа Sputnik аб простых радасцях жыцця за МКАДам.

Ала Арсянюк прамяняла гарадскі побыт на жыццё вясковае. Жанчына жыве і працуе ў аграгарадку Бальшавік ужо 30 гадоў і ў сталіцу вяртацца не збіраецца.

"Я жыла ў Мінску, на вуліцы Ангарскай, потым у вучылішчы, на другім курсе мама абмяняла кватэру і мы пераехалі сюды ў аграгарадок Бальшавік. Потым я выйшла замуж, мужу далі ўчастак, пабудаваліся і сталі тут жыць", - распавядае Ала аб тым як перабралася ў сельскую мясцовасць.

Жанчына працуе маляром на птушкафабрыцы, у стройцэху, прыводзіць у парадак птушнікі. А дома Ала Іванаўна сама даглядае жыўнасць - трымае курэй і індакачак.

Кожны дзень сялянкі пачынаецца з першымі пеўнямі, а замест фітнесу - абыход агарода і кармленне гаспадаркі. На стале жанчыны ўсё з уласных дваццаці сотак. У гэтую пару, Але яшчэ трэба сабраць ураджай: капусту, моркву і вінаград.

На падворку Але Арсянюк дапамагаюць сыны і мама, а галоўны кантралёр у побыце - кот Вугольчык, нават жарка катлет праходзіць пад яго "наглядам".

Рэдкія паездкі па справах у Мінск прыносяць радасць, але толькі эстэтычную, калі Ала ездзіць у сталіцу заўсёды любуецца краявідамі і вячэрнімі агнямі. Але адзначае, што пасля такіх паездак баліць галава, спасылаючыся на загазаванасць.

Вечарамі Ала ходзіць не па праспектах, а па вуліцах ужо роднага Бальшавіка, але гарадскім сяброўкам не зайздросціць. Жыццё ўдалечыні ад мегаполіса вясковая жыхарка лічыць плюсам - агарод і свой дом, прадукты ўласнай вытворчасці і наогул сама сабе гаспадыня.

34
Тэги:
вёска
Морква - галоўны інгрыдыент класічнага цымесу

Цымес: як гатаваць незвычайны дысерт і чаму на Беларусі ў яго дадаюць мяса

121
(абноўлена 17:25 16.10.2020)
Этнограф Ларыса Мятлеўская вучыць гатаваць унікальную страву, якая знаходзіцца ў спісе нематэрыяльных каштоўнасцяў Беларусі.

Калісьці яўрэйскае насельніцтва складала большую палову беларускіх мястэчак. Багатая культура гэтага народа працяглы час узбагачала побытавую і духоўную культуру беларусаў. У беларускай мове ўжо грунтоўна абаснаваліся такія словы як "вэрхал", "кагал" і "цымус". Тое ж можна казаць і пра кухню – на Беларусі здаўна ласуюцца фаршыраваным шчупаком, фаршмакам, паштэтамі, сакавітымі катлетамі і бульбяной бабкай, якая з’яўляецца роднай сястрой яўрэйскага кугеля.

Яўрэйская кухня - найстаражытнейшая ў свеце -  на землях Беларусі ўвабрала ў сябе лепшы вопыт нямецкай і польскай харчовай культуры і значна паўплывала на традыцыі харчавання беларусаў. Многія яўрэйскія стравы беларусы лічаць натуральна сваімі. Напрыклад, усімі любімыя дранікі.

Магчыма прычынай такой папулярнасці страў яўрэйскай кухні за апошнія сто гадоў хаваецца ў паступовым паглынанні беларускай вёскі горадам. У сувязі са зменамі ладу жыцця спосабы прыгатавання ў печы адышлі на другі план, застаўшыся ў вёсцы, а ў гарадах і мястэчках запанавала пліта. Прастата і хуткасць прыгатавання, а таксама прыстасаванасць страў для прыгатавання на пліце і спрыяла шырокаму распаўсюджанню яўрэйскіх страў як на кухнях хатніх гаспадынь, так і ва ўстановах грамадскага харчавання.

Нават спосабы гарачай апрацоўкі прадуктаў у яўрэйскай кулінарыі прыйшліся дарэчы: прыпусканне, адварванне, слабае тушэнне з дадаткам вады і абавязкова не ў духоўцы а на пліце.   

Калі казаць пра пэўныя стравы, то для яўрэяў любімыя першыя стравы – гэта мясныя і курыныя булёны з грэнкамі, прафітролямі, падсмажанай локшынай. З другіх страў перавага аддаецца фаршыраванай рыбе і гусіным шыйкам, а таксама рулетам, тэфлэлям і кнэдлям. Што тычыцца дэсертаў, то тут безумоўным каралём з’яўляецца цымес.

Цымес – гэта святочны дэсерт, які спалучае ў сабе моркву і сухафрукты з дадаткам якой-небудзь заправы. Для гэтага могуць выкарыстоўвацца яйкі з мукой або мука з маслам і нават не вельмі густая манная каша.

Класічны цымес  

Інгрыдыенты:

  • 5 морквін
  • 300 гр чарнасліву
  • 100 гр разынак
  • 120 гр меду
  • 30 гр алею
  • Арэхі і соль па смаку

Як гатаваць

Чарнасліў і разынкі без костачак памыць і намачыць, каб сталі мяккімі. Моркву нарэзаць паўкольцамі, дадаць крыху алею і тушыць на малым агні. Праз 10 хвілін дадаць соль і мёд, тушыць яшчэ 5 хвілін. Здрабніць сухафрукты, засыпаць іх у моркву і дадаць алей, перамяшаць. Перад падачай на сто страву можна пасыпаць арэхамі.

Вишневое варенье с орехами
© Sputnik Людмила Янковская
Арэхі дадаюць страве пікантны смак

Цымес часта выкарыстоўвалі як "антрэмэ", што ў перакладзе з французскай мовы азначае страву, якую падаюць паміж галоўнымі або перад дэсертам. У рускай кухні гэта пірагі, якія падаваліся паміж баршчом і смажанкай, ў французскай – сыры, якія падавалі на прыканцы абеда, перад фруктовым дэсертам. Мэта антрэмэ -  нейтралізаваць смак папярэдняй стравы для лепшага ўспрымання смаку наступнай. 

Але ў некаторых мясцінах цымес гатуюць інакш. Напрыклад, у мястэчку Адэльск Гродзенскай вобласці, у спісе інгрыдыентаў да цымеса абавязкова ёсць мяса. Цікава, што сяляне Віцебшчыны страву не ацанілі, нават лічылі яе брыдкай і таму не гатавалі.

Нязвыкласць для вясковага густу спалучэння ў адной страве салодкага і мяснога не давала магчымасці распаўсюджвання стравы ў асяродку простанароддзя. Інакш да такога цымусу ставіліся ў мястэчках. У Адэльску яе працягваюць гатаваць і зараз, нават адмыслова вырошваюць бручку. Гэтая агародніна па смаку нагадвае нешта сярэдняе паміж рэпай і капустай.

Брюква
Бручка

Дзякуючы сваёй унікальнасці адэльскі цымес атрымаў ачэснае месца ў Спісе нематэрыяльных каштоўнасцяў Беларусі.

Адэльскі цымус з бручкай

Інгрыдыенты:

  • 1 кг бульбы
  • 0,5 кг свініны (грудзінка або шыя)
  • 300 гр  бручкі
  • 2-3 сярэднія морквы
  • 200 гр цыбулі
  • 0,5л вады
  • 1 дэсертная лыжка солі на ёмістасцьу 3 л
  • 1 чайная лыжка сумесі спецый: лаўровы ліст, перац, каляндра, кроп, кмен

Як гатаваць:

Падрыхтаваць карняплоды, памыць і пачысціць. Бульбу парэзаць на чатыры часткі, бручку і моркву пакрышыць кубікамі, цыбулю парэзаць вельмі дробна. Усё перамяшаць і засыпаць у гаршчок. Мяса нарэзаць сярэднімі кавалкамі і ўкласці ў агародніну, пасаліць, дадаць спецыі, заліць вадой і паставіць тушыць у печ або духоўку на малым агні на 2 гадзіны. Калі страва добра ўтушыцца, патаўчы  агародніну ў кашу. Пры жаданні ў гатовую страву дадавалі крышаны зялёны кроп і пер’е цыбулі. Елі ў прыкуску з салёнымі агуркамі.

121
Тэги:
Нацыянальная кухня, Ларыса Мятлеўская
Вакцынацыя добраахвотнікаў супраць COVID-19 у Маскве

Вірусолаг распавёў, каму не дапаможа вакцынацыя ад COVID-19

0
(абноўлена 11:08 21.10.2020)
Медыкі мяркуюць, што здольнасць выпрацоўваць антыцелы ў людзей залежыць не ад стану здароўя, а ад асаблівасцяў арганізма.

МІНСК, 21 кас - Sputnik. Вакцына ад каронавіруса можа апынуцца неэфектыўнай для людзей з імунадэфіцытам, такое меркаванне выказаў доктар медыцынскіх навук, вірусолаг Анатоль Альтштэйн.

Ён удакладніў, што праблема можа заключацца ў цяжкасцях выпрацоўкі антыцелаў. Медык мяркуе, што няпроста падзяліць людзей на пэўныя групы па здольнасці выпрацоўваць імунітэт да захворванняў.

"Людзі адрозніваюцца па здольнасці выпрацоўваць антыцелы, але вылучыць іх выразна на групы даволі складана. Гэта залежыць не ад стану здароўя, а ад асаблівасцяў арганізма, пра якія ніхто не ведае", - адзначыў Альтшэйн у гутарцы з ura.ru.

Акрамя таго, ён выказаў сумневы ў тым, што антыцелы дрэнна выпрацоўваюцца у людзей, якія знаходзяцца ў стрэсе, пажылых, а таксама прымаюць супрацьзапаленчыя прэпараты і злоўжываюць спіртнымі напоямі - раней такое меркаванне выказваў дырэктар цэнтра Гамалеі Аляксандр Гінцбург.

Нагадаем, што першую ў свеце вакцыну ад коронавируса "Спутник V", распрацаваную ў расійскім НДЦ імя Гамалеі, Міністэрства аховы здароўя РФ зарэгістравала ў жніўні. Выпрабаванні прэпарата прайшлі ў чэрвені-ліпені на добраахвотніках ва ўзросце ад 18 да 60 гадоў. Прэпарат ужо выпушчаны ў грамадзянскі абарот. Да канца 2020-га года ў Расіі плануюць вырабіць каля 2,3 мільёна доз вакцыны ад каронавіруса, а вясной будучага года расійскі Мінрамгандаль мае намер выйсці на паказчык у 15 млн доз у месяц.

На мінулым тыдні стала вядома, што ў Расіі зарэгістраваная другая вакцына, распрацаваная новасібірскім цэнтрам "Вектар". Як заявіў расійскі прэзідэнт Уладзімір Пуцін, "на падыходзе яшчэ трэцяя вакцына Цэнтра імя Чумакова Расійскай акадэміі навук".

Зараз клінічныя выпрабаванні расійскай вакцыны ад каронавіруса праводзяцца ў Беларусі, Венесуэле і ААЭ.

0
Тэги:
каронавірус