Кнігі Э.Л. Джэймс

Трэйлер сіквела "50 адценняў шэрага" паглядзелі больш за 120 млн чалавек

34
(абноўлена 11:23 21.09.2016)
Ролік у падтрымку эратычнай меладрамы пабіў рэкорд, які раней належаў трэйлеру фільма "Зорныя вайны: абуджэнне сілы".

МІНСК, 19 вер — Sputnik. Больш за 120 мільёнаў чалавек паглядзелі трэйлер фільма "На пяцьдзесят адценняў цямней" у сацыяльных сетках у першыя дні пасля яго прэзентацыі.

Фільм "50 адценняў шэрага" выйшаў у пракат у 2015 годзе і стаў самым касавым за той год у Беларусі. Сусветныя зборы меладрамы склалі амаль 600 мільёнаў долараў.

Працяг фільма выйдзе да Дня святога Валянціна наступнага года, а першы трэйлер сіквела быў прадстаўлены на гэтым тыдні. У першыя дні ролік паглядзелі больш за 120 мільёнаў чалавек, каля 25 мільёнаў праглядаў прыйшліся на Facebook.

Папярэдні рэкорд па праглядам трэйлера належаў фантастыцы "Зорныя вайны. Абуджэнне сілы" — яго за суткі прагледзелі 114 мільёнаў чалавек.

"Пяцьдзесят адценняў шэрага" — эратычная меладрама паводле матываў аднайменнай кнігі амерыканскай пісьменніцы Эрыкі Леанард Джэймс.

34
Тэги:
Сацыяльныя сеткі, Кіно, YouTube, Facebook, Inc
Ларыса Геніюш

Вязніца, казачніца, бунтарка: сёння нарадзілася Ларыса Геніюш

376
(абноўлена 13:37 09.08.2020)
Вершы паэткі дэманструюць нязломнасць духа і сталую веру ў лепшае ў людзях.

Ларыса Геніюш (у дзявоцтве Міклашэвіч) нарадзілася 9 жніўня 1910 года ў Гродзенскай губерні (цяпер гэта Гродзенская вобласць, Ваўкавыскі раён) у маёнтку Жлобаўцы паблізу вёскі Воўпы.

Дзяцінства, отрацтва, юнацтва

Калі пачалася Першая сусветная вайна, бацька Ларысы, Антон Міклашэвіч, удзельнік яшчэ Руска-японскай вайны, быў зноў прызваны на фронт, а маці з дзецьмі прыйшлося з'ехаць у эвакуацыю – ва Украіну. Вярнуліся на радзіму яны толькі ў 1919 годзе.

Ларыса атрымала пачатковую адукацыю ў польскай школе, потым – у польскай гімназіі. Беларускіх тады папросту не было: пасля падпісання ў 1921 годзе Рыжскага мірнага дагавору, якім скончылася савецка-польская вайна, Заходняя Беларусь адыйшла да Польшчы. Там жа Ларыса пазнаёмілася са сваім мужам, Янам Геніюшам, які ў той момант вучыўся ў Карлавым універсітэце. Яны ажаніліся ў 1935 годзе, і Ларыса пераехала ў Зэльву – бліжэй да мужа. У тым жа годзе ў Ларысы нарадзіўся сын Юры, а вось з'ехаць у Чэхаславакію ў іх атрымалася толькі ў 1937-м.

Арышт і зняволенне

Пасля далучэння Заходняй Беларусі да СССР у 1939, былі арыштаваныя і высланыя бацькі Ларысы. Маці і сёстры апынуліся ў Казахстане, бацьку расстралялі.

Да 1947 года Ларыса жыла ў Празе і актыўна ўдзельнічала ў палітычным руху БНР. Яна з'яўлялася Генеральным сакратаром ураду і займалася архіўнай працай. Калі скончылася Другая сусветная вайна, савецкія ўлады дамагаліся экстрадыцыі Геніюшаў: іх абвінавацілі ў антысавецкай нацыяналістычнай дзейнасці. У 1948 годзе Ларыса нарэшце была арыштаваная і разам з мужам перададзеная савецкім уладам. Яе дапытваў сам Лаўрэнцій Цанава, які безпаспяхова імкнуўся выцягнуць з яе сведкі пра архівы БНР.

Вяртанне на Радзіму

Праз год утрымання ў мінскай турме Ларысу Геніюш з мужам прыгаварылі да 25 гадоў лагераў. На працягу сямі гадоў яны адбывалі пакаранне ў лагерах Інты і Абезі (Комі) і ў Мардоўскай АССР, пакуль не былі часткова рэабілітаваныя – тэрмін пакарання зменшылі да 8 гадоў, і Геніюшы вярнуліся ў Зэльву. Вядома, што іх дом стаў месцам сустрэч творчай інтэлігенцыі таго часу.

Друкавацца Ларыса Геніюш пачала яшчэ ў 1939 годзе ў беларускай эміграцыйнай перыодыцы, а ў 1942 годзе першы зборнік яе вершаў "Ад родных ніў" убачыў свет ў Празе. Працягвала пісаць Геніюш і ў высылцы. Пасля вызвалення яе творы доўгі час былі забароненыя, пакуль пры садзейнічанні Максіма Танка не быў надрукаваны яе зборнік "Невадам з Нёмана".

Ларыс Геніюш доўгі час была вядомая як дзіцячая пісьменніца – ёй папросту не дазвалялі друкаваць нешта іншае. Амаль адна за другой, у 1972 і 1976 годзе, выйшлі дзве кніжкі яе вершаў для дзяцей "Казкі для Міхаські" і "Добрай раніцы, Алесь". Большасць твораў Ларысы Геніюш былі надрукованы пасмяротна.

Памерла Геніюш у 1983 годзе, пахавана ў Зэльве. Да канца жыцця яна не прыняла савецкага грамадзянства і заставалася грамадзянкай Чэхаславакіі.

376
Тэги:
вершы на беларускай мове, беларускія паэты, біяграфія, Ларыса Геніюш
Тэст: вы мазахіст або проста беларус?

Тэст: вы мазахіст або проста беларус?

194
(абноўлена 10:43 08.08.2020)
Праверце сябе на стрэсаўстойлівасць, аднак не ўспрымайце ўсё надта сур'ёзна – гэта шкодна для страўніка.

Прапануем даведацца, ці ёсць у вас цяга да болю, або вы проста ахвяра абставінаў. Гэты тэст жартаўлівы і закліканы падняць вам настрой.

Таксама паспрабуйце прайсці сур'ёзныя тэсты:

194
Тэги:
тэст
Шыльда на ЦВК

ЦВК пакуль не вызначыўся з датай пасяджэння па падвядзенні вынікаў выбараў

8
(абноўлена 11:12 12.08.2020)
Тры дні ў Мінску працягваліся пратэсты грамадзян, незадаволеных вынікамі выбараў прэзідэнта; за першыя два дні, па дадзеных МУС, па ўсёй краіне былі затрыманыя каля пяці тысяч чалавек

МІНСК, 12 жні - Sputnik. Дата правядзення пасяджэння Цэнтрвыбаркама, на якім трэба будзе падвесці вынікі прэзідэнцкіх выбараў, пакуль не вызначана, распавялі Sputnik у ЦВК Беларусі.

"Крайні тэрмін для правядзення пасяджэння Цэнтрвыбаркама, на якім трэба будзе падвесці канчатковыя вынікі выбараў прэзідэнта, 19 жніўня, але пакуль канкрэтная дата не вызначана", - сказалі ў Цэнтрвыбаркаме.

Выбары прэзідэнта Беларусі адбыліся 9 жніўня. Адметнай рысай гэта кампаніі сярод іншага стала рэкордная яўка ў 41,7% на датэрміновым галасаванні і вялікія чэргі на шэрагу выбарчых участкаў у асноўны дзень галасавання.

Паводле звестак, агучаных ЦВК на наступны дзень пасля выбараў, перамогу атрымаў дзеючы кіраўнік дзяржавы Аляксандр Лукашэнка. За яго прагаласавалі 80,08% выбаршчыкаў, якія прыйшлі на ўчасткі. Святлана Ціханоўская набрала 10,09% галасоў.

Ціханоўская заявіла, што не згодная з вынікамі выбараў і ў панядзелак падала скаргу ў ЦВК. Аб сваім намеры абскардзіць вынікі заявіў і яшчэ адзін кандыдат у прэзідэнты Андрэй Дзмітрыеў.

Пасля таго, як сталі вядомыя вынікі галасавання, у Мінску і шэрагу рэгіёнаў тры дні працягваліся акцыі пратэсту нязгодных з вынікамі выбараў. Праваахоўныя органы выкарыстоўвалі для разгону пратэстоўцаў спецсродкі і спецтэхніку. За першыя два дня пратэстаў у краіне было затрымана каля пяці тысяч чалавек, загінуў адзін чалавек.

8
Тэги:
ЦВК Рэспублікі Беларусь, Выбары, Беларусь
Тэмы:
Выбары прэзідэнта Беларусі - 2020