МІНСК, 30 вер — Sputnik. Беларуская прыгажуня Дар'я Калейчык трапіла ў тройку лепшых па выніках міжнароднага конкурсу прыгажосці "Міс турызм свету-2016".
Калейчык атрымала тытул "2-я віцэ-міс турызм свету 2016". Першае месца заняла дзяўчына з Манголіі, тытул "1-я віцэ-міс" — у прадстаўніцы Бельгіі.
"Я вельмі рада паведаміць вам, што я заваявала карону і тытул "2 віцэ-міс" прэстыжнага міжнароднага конкурсу прыгажосці "Міс турызм свету-2016 ", дзе я прэзентавала маю родную краіну Беларусь! Дзякуй арганізатарам за цёплы прыём!" — напісала Дар'я ў сацыяльных сетках.
У фінале конкурсу змагаліся прыгажуні з 40 краін. Пра беларускую ўдзельніцу вядома няшмат: яна працуе мадэллю і часта падарожнічае.
Характэрна, што прэстыжнае званне дзяўчына заваявала напярэдадні візіту прэзідэнта Беларусі Аляксандра Лукашэнкі ў Кітайскую Народную Рэспубліку, дзе ён правёў шэраг двухбаковых сустрэч па пытаннях умацавання і развіцця адносін дзвюх краін.
